因為依家我哋日常生活習慣一機在手就乜都做到，所以電子錢包都已經越來越普及。而微信支付WeChat Pay HK 就係其中1個做到好多功能嘅電子錢包APP，支付、轉賬、繳費，甚至連過年派利是都可以用佢。而且，應該有部分人因為之前拎消費券優惠開左WeChat Pay HK。開左當然要睇下有咩方法可以持續儲積分/里數/回贈啦。所以，下面就為大家做左個微信支付WeChat Pay HK綁定信用卡繳費/轉帳 儲積分/里數/回贈攻略+教學，希望方便到大家手啦。另外2023年香港人返深圳玩既熱潮爆發，WeChat Pay係大陸又廣泛接受所以都要學下點用，以下同你比較下微信支付 WeChat Pay 香港錢包 vs 大陸錢包！

微信支付香港錢包 vs 內地錢包

WeChat內的「我」>「服務」內已經包含晒香港及大陸錢包(但要分開做身份認證)，而於右上角的3點就可以選返「切換錢包地區」咁就可以改為內地錢包。

微信支付WeChat Pay HK (香港錢包)於大陸使用

WeChat Pay HK相信香港都多人有，只要有微信再認證身份就可以了。據說WeChat Pay HK可以於大陸支付的商戶無AlipayHK咁多，但我都無特別比較了，反正AlipayHK唔得我就再試用WeChat Pay HK嚟俾錢。

• 支付貨幣：商戶收人民幣但WeChat Pay HK會以自家匯率轉換為港幣向你的餘額/ 綁定的信用卡收取港幣
• 優點：香港人開戶及實名認証容易，有香港電話及身份証就得，而且綁信用卡支付更可以賺取信用卡積分或里數
• 缺點：WeChat Pay綁卡支付認證後都只有每月HK$3,000的消費限額免手續費，如果超過了要收取1.5%手續費(中銀卡除外)
• 建議信用卡：渣打國泰卡可享HK$6/里，或渣打Simply Cash信用卡可享1.5%現金回贈或安信Earnmore 2%

微信支付WeChat Pay (內地錢包)於大陸使用

WeChat Pay更新至2024最新版本後就可以綁定 Visa, Mastercard, JCB, Diners Club 及 Discover 等國際銀行卡。 所有境外人士可用護照、回鄉証、港澳居民居住証等證件開通微信支付。使用國際銀行卡交易上限為單筆消費最多6,000人民幣，每月限額為5萬人民幣，每年交易上限為6萬人民幣。用國際卡支付單筆交易大於200人民幣時，將收取3%手續費。

• 支付貨幣：會以人民幣向你的內地錢包餘額/ 綁定的信用卡收取
• 優點：所有大陸收WeChat Pay的商戶都收，的士司機都收
• 缺點：WeChat Pay綁定國際信卡支付超過200人民幣要收取3%的手續費
• 建議信用卡：參看以下人民幣簽賬Visa/Mastercard現金回贈比較，儲里數的話滙豐EveryMile卡

【AlipayHK信用卡】3月1日起轉賬4%手續費 0成本賺積分/里數時代的終結 (AlipayHK綁卡消費仲有免手續費及積分回贈)

玩咗好幾年嘅AlipayHK轉賬賺積分要完了，先前一路減去到每月免手續上限HK$1,000後我自己都無再咁勤力玩轉賬了。其實見Ant Bank 大推自家優惠都知信用卡+AlipayHK呢個玩法都接近尾聲，現在嘅結果都係expected。

2024年3月1日起信用卡免費轉賬限額無埋，得返中銀信用卡/恒生信用卡/渣打信用卡係會有每月HK$1,000免手續費轉賬限額，我所知佢哋回贈如下：

• 中銀：0.4%
• 恒生：0%
• 渣打：按條款0% or 渣打國泰卡$6/里但唔係次次有

AlipayHK轉賬玩完，但都仲會有得玩AlipayHK信用卡消費付款，交水電煤、差餉、政府費用、管理費、學費、收費電視等等呢啲日常生活費用，而且仲可以綁定信用卡賺回贈/積分/里數添架！同埋現時AlipayHK最有用既地方係去深圳或者大陸玩的話，直接大陸綁信用卡消費就可以，唔需要身上拎太多現金。同埋AlipayHK好多大陸優惠例如免費領大陸電話卡及商場優惠等。

支付寶HK綁卡消費賺回贈/積分/里數攻略+教學

• 支付寶HK繳費賺回贈
• 支付寶HK信用卡積分表格
• 支付寶HK收款/付款/轉帳 掃一掃QR code
• 支付寶HK轉帳至銀行戶口
• 支付寶HK申請開戶 (戶口申請/操作問題可以睇呢部份)
• 支付寶HK身份認證
• 支付寶HK加入信用卡

支付寶HK 繳費(水電煤/差餉/管理費/電話費等)賺回贈 步驟及圖解

Alipay HK 可以交到嘅生活費用算多，有水電煤、差餉、石油氣費、管理費、電話費、寬頻、指定收費電視、指定機構學費、政府賬單同指定迷你倉等等。 不過Alipay HK 更新咗生活繳費賬單手續費(適用於用信用卡交水電煤、差餉、石油氣費、管理費同政府賬單)，2022年1月4日起，用中銀信用卡或渣打Q Credit Card直接繳費免手續費，其他信用卡要set自動付款，否則收2.5%手續費。

另外，用Ant Bank PayLater的話可以有3個月免息分期同埋高達2%回贈！AlipayHK而家玩個叫 A. Point嘅回饋機制，而付款方法用Ant Bank PayLater更加係有2x A. Point。但留意A. Point直接扣金額係1000=$1啫係得0.1%唔太抵，但可留意下Alipay都幾多券可換，比率低至100=$1，如果用呢條數計啫係用Ant Bank PayLater交稅會有2%回贈咁就幾好，最緊要仲有得免費3個月分期留啲錢當賺息都好。

依家最抵係用渣打Simply Cashset自動付款有1.5%回贈。你可以set自動付款交中電、港燈電費，如果你哋用嘅手提電話公司/屋苑管理公司都可以set埋自動付款就用埋。其他卡嘅分/回贈可以睇下面支付寶HK 信用卡 積分/里數/現金回贈列表 Alipay HK

• 步驟1:去首頁→繳費服務
• 步驟2: 選擇繳費類別(如首次使用，要先連給賬單)
  • 中電/港燈

【PayPal教學】PayPal開戶/轉帳教學+Bank Code Branch Location and Branch Code 填乜

PayPal有乜用? PayPal嘅功能包括免手續費轉帳至本地銀行戶口(滿HK$1,000)，用email轉帳俾朋友，特定商戶用PayPal付款有折扣或現時網購咁多PayPal真係必備嘅工具，係啲細啲嘅網買野唔敢直入信用卡資料嘅話經一經PayPal先俾錢就啱晒！O!ePay轉賬至PayPal我現時就唔多咁用！如果未開始使用PayPal，可以睇睇以下圖解教學開戶口。開PayPal時填Bank Code Branch Location and Branch Code真係小心啲。

PayPal開戶口教學

1. 首先你要有個PayPal戶口→註冊戶口(未有paypal就選返「非PayPal客戶」)
2. 入你的全名，Email and Password
3. 搞掂，開咗戶
4. (注意)記得要email禁制activate戶口到時先可以收到款

PayPal連結銀行戶口

1. Login咗PayPal之後入Wallet
2. Click link a bank account
3. 會pop up個link a bank account，到呢到就要小心D喇，錯咗要收$20蚊
4. 你要填幾個資料(以下詳細解釋)
5. 入完資料要等1-2日PayPal會入2粒數去你登記戶口
6. 有粒數後就login返PayPal去Wallet到verify返，咁就成功

-Bank Name

-Bank Code, Branch Location and Branch Code

以下抽幾間銀行做例子

HSBC Group分法如下:

• HSBC Group銀行戶口號碼組成模式：ABC-D-EFGHJK
• 「ABC」為Branch Code，「D-EFGHJK」為Account number (HSBC Group沒有Bank Code係成組數字上的，如HSBC請填004，恒生填024)
• Branch Location為你開戶的銀行區域，如沙田分行填Shatin(唔肯定就去返銀行同業結算search個branch code嚟搵)→銀行同業結算

Bank of China分法如下:

• BOC銀行戶口號碼組成模式：ABC-DEF-G-HJKLMNP (eBanking到睇)
• 「ABC」為Bank Code，「DEF」為Branch Code，「G-HJKLMNP」為Account number (BOC有Bank Code係成組數字上，你見係012就啱喇)
• Branch Location為你開戶的銀行區域，如九龍塘又一城分行填Kowloon

八達通 Apple Pay 優惠｜將八達通加入iPhone/Apple Watch並以Visa增值享高達HK$200獎賞！

八達通出咗Apple Pay優惠！新客優惠期內成功登記優惠+用Visa信用卡/扣賬卡加八達通入iPhone或Apple Watch可享$50八達通增值額。優惠期由即日起至2023年12月31日，仲未加卡入Apple Wallet嘅話不妨趁優惠加咗佢啦～

而無論新客定係現有客戶，透過Apple Wallet 或八達通App以Visa 信用卡/扣賬卡增值iPhone 或 Apple Watch內的八達通，每次增值$500或以上就可獲$15八達通增值額，回贈上限$150， 即係最多可享用優惠10次添！宜家仲有自動增值優惠，有興趣記得睇埋啦！

八達通 ApplePay優惠︱詳情

• 優惠期：即日至2023年12月31日
• 登記優惠：https://www.octopus.com.hk/apo
• 迎新獎賞(新客專享*)：
  • 用Visa信用卡/扣賬卡加八達通入iPhone或Apple Watch及登記推廣可獲$50八達通增值額
• 增值獎賞(新及現有客)：
  • 優惠期內成功登記優惠，透過Apple Wallet 或八達通App以Visa 信用卡/扣賬卡增值iPhone或Apple Watch 內的八達通，每次增值$500或以上可獲$15八達通增值額
  • 每位合資格客戶最高享$150八達通增值額
• 新客戶更可以到八達通App內的八達通卡面商店免費領取一張卡面
• 官網詳情：https://www.octopuscards.com/onlineform/promotion/general/registration/tc/step1.jsp?promotionRegRefCode=202311APO

*於推廣期前從未於合資格裝置加入八達通;於推廣期間經Apple Wallet或八達通App於合資格裝置加入全新的八達通 (界定為Smart Octopus) (「迎新獎賞合資格Smart Octopus」)，並於加入時以Visa卡增值此全新八達通; 及

💰現金回贈信用卡 (百份比越高越好)

八達通銀包(前稱O!epay)轉賬/繳費交稅/線上線下付款教學(包括買港鐵九巴月票同增值)+信用卡自動增值儲現金回贈/積分/里數攻略

電子錢包近年已經開始普及，加上疫情呢2年同政府派消費券，相信唔少香港人已經裝左1個甚至多個電子錢包，減少左拎實體銀紙嚟用。八達通卡呢個作為香港第一代電子支付工具都跟上時代嘅發展，有個電子錢包app叫「八達通銀包Octopus Wallet」(前稱O!epay好易畀)。可以P2P轉賬俾親友、繳費交稅、線上線下付款(包括買港鐵九巴月票同增值)同派利是。月頭月尾買港鐵全月通唔洗再排隊，買九巴月票仲可以set提示下個月買，好爽！幫小朋友八達通增值又勁方便！不過，同PayMe/WeChat Pay/Alipay比較嘅話就少啲人用，最大原因係因為增值落去「八達通銀包」度無其他電子錢包咁方便，唔可以直接用綁定信用卡增值，要經「八達通自動增值」啪錢入八達通銀包間接嚟用信用卡增值。要好似螞蟻搬家咁一日一日咁$250, $500, $1,000…咁啪八達通嚟做充值。

成個logic係「已設置自動增值嘅八達通*→每日啪錢入八達通銀包→用餘額嚟轉返戶口/繳費/交稅/付款」(注意銀包最高儲值限額提升到$30,000)，成個流程係一個circle。所以只要你夠勤力，一日一日咁啪八達通嚟做充值，就會碌到卡賺到回贈/積分。然後「八達通銀包」啲錢點用呢？有幾個用處:

• 1. 轉錢入返銀行戶口: 每月轉$3,000零成本賺分（頭$3,000免手續費，其後收1%）
• 2. 繳費:交稅/政府費用/電話費（轉$3,000入戶口後）
• 3. 線上線下付款: 線下掃QR code，線上係八達通app買野(港鐵九巴月票同增值)/網購app（e.g.HKTV Mall）揀八達通付款（轉$3,000入戶口後）

*提提大家，「八達通自動增值」依家大部分銀行信用卡都做到$250/$500，而星展銀行同富邦銀行就做到$1,000。增值額可以參考下面個信用卡積分表格，不過因為keep住會update，大家改用信用卡自動增值前最好打電話去同銀行confirm下先。優惠就去呢度睇→八達通自動增值優惠比較

八達通銀包(前稱O!epay好易畀)教學快速索引(按入向下彈)

• 八達通自動增值信用卡積分表格
• 「八達通銀包」轉帳至銀行戶口+儲現金回贈/里數
• 「八達通銀包」繳費/交稅賺現金回贈
• 「八達通銀包」線上線下付款賺現金回贈(包括港鐵九巴月票+增值)
• 八達通增值至「八達通銀包」
• 「八達通銀包」賬戶及上限
• 登記八達通自動增值及AAVS數量上限

最新優惠→八達通自動增值最新登記優惠

八達通自動增值信用卡 回贈/積分/里數列表

用「八達通銀包」儲分chok分個原理就係要由你張八達通轉錢去個銀包度，從而trigger到你張八達通嘅自動增值(負錢就增值)，咁樣就變相可以有回贈/積分/里數。所以睇邊張信用卡有無積分其實只要睇本身張信用卡八達通自動增值AAVS有幾多積分/里數就可以。申請自動增值方法及表格可以睇返→八達通官方網站

八達通自動增值信用卡

【AlipayHK優惠攻略】用AlipayHK，外賣＋網購＋慳錢，一App過！襯拎消費券前準備定AlipayHK 一文睇晒抗疫優惠攻略！

嚟緊4月又準備拎新一輪消費券，今次不妨提早做定功課，睇下點先可以用AlipayHK，外賣＋網購＋慳錢，一App過！

除咗嚟緊可能會有的消費券優惠，AlipayHK現時已經有一堆抗疫優惠！以商戶種類同數量嚟講，AlipayHK都算唔話得，商戶名單真係夠晒多，入面嘅優惠仲係開放俾所有AlipayHK嘅用戶！襯依家WFH之際，隨時都可以打開個App碌返幾下，拎定優惠現金券之餘，仲可以用好抵嘅價錢叫foodpanda、Deliveroo或外賣自取，好好慰勞自己！

一於襯拎消費券前準備定AlipayHK，無論你係咪AlipayHK嘅用戶，都快啲去內文到睇抗疫優惠攻略喇！

【AlipayHK抗疫攻略】優惠詳情

攻略 1：叫foodpanda、Deliveroo或外賣自取，用AlipayHK買咗現金券先就更抵食！

foodpanda：

• $10 電子禮品卡 5折
• $20 電子禮品卡 8折
• $50 電子禮品卡 85折
• $100 電子禮品卡 9折

Deliveroo：

• $20 電子禮品卡 8折
• $50 電子禮品卡 85折

入到「外賣現金券」頁面後，可以低至5折優惠買到foodpanda/Deliveroo電子禮品卡！

其他餐飲優惠：

【WeChat Pay HK 銀聯信用卡優惠】用任何銀聯信用卡消費滿HK$100就送HK$10繳費現金券＋交稅、水電煤同其他政府費用免手續費！

依家WeChat Pay HK連結銀聯信用卡玩好抵！呢期稅季想用信用卡交稅用WeChat Pay HK抵玩，用任何銀聯信用於WeChat Pay HK繳費，連信用卡交稅、水電煤氣費、差餉地租定其他政府費用都唔收手續費！另外，消費滿HK$100仲送HK$10繳費現金券！

WeChat Pay HK 銀聯信用卡優惠 詳情

獎賞一：WeChat Pay消費賞

• 優惠期：2021年12月15日起至2022年6月14日
• 每個月15嘅11am開搶限量3,000張電子繳費現金券，12月搶完下個月15號可以再搶
• 以WeChat Pay HK用任何銀聯信用卡消費滿HK$100，就送你HK$10繳費現金券，每個用戶最多可獲一張
• 繳費現金券可用於WeChat Pay HK內嘅「生活繳費」
• 現金券60天內有效
• 每天派發數量有限，先到先得

獎賞二：Wechat Pay繳費 交稅免手續費

• 優惠期：2021年12月15日起至2022年6月14日
• 繳費服務免手續費，包括交稅🤩
• 用WeChat Pay HK繳費可以同時賺埋信用卡回贈

WeChat Pay HK 銀聯信用卡優惠 條款及細則

1) 此優惠之推廣期為2021年12月15日起至2022年6月14日（包括首尾兩天，名額送完為止）。

2) 優惠僅適用於持有在香港發行的有效銀聯信用卡（「合資格銀聯信用卡」）的持卡人。合資格持卡人須以合資格銀聯信用卡進行支付以享用此優惠。銀聯扣賬卡及預付卡不適用於此優惠。

3)於優惠之推廣期內，任何已在其WeChat Pay HK賬戶綁定任何合資格銀聯信用卡的WeChat Pay HK用戶（「合資格 WeChat Pay HK 用戶」）透過已綁定的合資格銀聯信用卡作單筆零售消費HK$100 或以上將有資格領取一張銀聯HK$10 專屬生活繳費電子現金券（「銀聯專屬電子現金券」）（「優惠」）。 有關銀聯專屬電子現金券詳情請參閱WeChat Pay HK賬戶內的「優惠專區 」。

4) 銀聯專屬電子現金券只適用於WeChat Pay HK生活繳費的商戶，用戶須透過已綁定的合資格銀聯信用卡繳費方可使用此銀聯專屬電子現金券。用戶使用銀聯信用卡繳費更可獲豁免手續費。

5)「銀聯專屬電子現金券」之優惠每天派發數量有限，並以先到先得形式派發，額滿即止。

6) 「銀聯專屬電子現金券」自領取日起計60天內有效，逾期失效及不獲補發。

7) 「銀聯專屬電子現金券」不可兌換現金，也不可用於為儲值支付工具增值及並不用適用於P2P個人對個人付款轉賬、本地或國際匯款、任何自動轉賬及零售簽賬。電子現金券由WeChat Pay Hong Kong提供，僅適用於以WeChat Pay HK支付的生活繳費簽賬。

8) 除另有說明，WeChat Pay HK … >>於新分頁打開全文 “【WeChat Pay HK 銀聯信用卡優惠】用任何銀聯信用卡消費滿HK$100就送HK$10繳費現金券＋交稅、水電煤同其他政府費用免手續費！”

【拆解FPS 轉數快騙案】騙徒利用電子直接扣帳授權eDDA漏洞+電子錢包行騙

啱啱新聞上有報導有騙徒利用FPS轉數快去偷走咗事主係銀行入面嘅錢，先前轉貼新聞時係我Facebook上都有提過，問題唔係出於事主應用FPS轉數快。總結事件，今次賊人利用咗FPS轉數快入面電子直接扣帳授權(eDDA)嘅設計漏洞而轉走咗事主嘅錢。大家最關心莫過於有何自保方法，借鑒今次件事我自己認為：

• 唔好亂俾身份證人，有心人裝無心人你唔知人地可以拎到嚟做咩，要用Whats App send出去嘅就可免則免
• 就算要比身份證副本要註明「COPY」，除咗「COPY」可以嘅就寫埋同埋日期及註明目的
• 老生常談，好好保護自己嘅個人資料，要交資料首先你要信得過個要求者，行多步就驗証埋個要求者來自官方機構(e.g. 網上upload資料都睇清楚個網址係咪官方)

我個人仍然相信轉數快個嘅系統安全性，而今次嘅問題來源「電子直接扣帳授權(eDDA)」漏洞亦都叫停咗，相信同類型騙案唔會再發生。係呢兩日睇咗好多唔同關於呢件事嘅評論亦都同好多唔同網友交流過。而當中睇到一篇由「OURSKY」所寫嘅文章對於解釋成件事同埋安全tips同我嘅理解都好相似，而呢篇文章寫得好，容易明白問題係邊到。以下轉載一下呢篇文章予各位參考。事前我亦問准咗「OURSKY」歡迎我的轉載，以下我有改動過格式配合我平時嘅寫作風格。

里先生相關文章→轉數快FPS優惠合集

***以下內容由OURSKY所寫，經里先生改動過格式
***Source: https://m.oursky.com/fraud-via-fps-alipay-115984e8bda5
***Credit: OURSKY

👽 （警訊篇）騙徒可以怎樣利用 FPS 電子直接扣帳授權呃走你嘅金錢

啱啱發生咗一宗關於 FPS 搵工被轉走9萬7千元嘅騙案，事主應朋友介紹搵工，「僱主」要求佢透過 Whatsapp 提供銀行賬戶號碼同身份證照片。事主不防有詐，第二日就發覺比人係恆生銀行轉走咗9萬7千元，分18次透過 FPS 增值去騙徒支付寶賬戶度。

上一集講咗《商戶可以怎樣利用「轉數快」（FPS）來接受電子付款》

而家，就嚟講下：騙徒可以點樣利用「轉數快」電子直接扣帳授權服務呃走你嘅金錢。

電子直接扣帳授權 （eDDA）

FPS 除咗即時跨行轉賬至外，FPS仲有一個增值服務，叫做「電子直接扣帳授權」（eDDA）。eDDA指示可以令戶口增值、繳付帳單等嘅服務由收款方自動扣帳。(以下節錄自FPS官方網站)

「電子直接扣帳授權(「eDDA」)是轉數快提供的一項增值服務，旨在支援付款人的預設授權，透過在轉數快啟動的直接扣帳支付從付款人戶口扣帳。eDDA適用於各種直接扣帳支付，例如收款人啟動的戶口增值、繳付帳單，以及電子商貿支付等。轉數快可支援兩類eDDA，分別由付款人(「標準eDDA」)及收款人設立(「簡化eDDA」)。」

一般嚟講，電子直接扣帳授權都係由付款方啟動（例如銀行），試想想一向申請八達通增值，都係要係銀行填表搞手續。

但係，Plan A 唔得，咪試下 Plan B 囉。原來除咗由付方啟動，係 FPS 仲有另一個新方法，就係由收款人啟動電子直接扣帳授權：

由收款人啟動 eDDA（圖片來源： FPS 網站）

收款人啟動 eDDA 流程（圖片來源： FPS 網站）

• GET！請留意：核實身份嘅任務係由收款人的 SVF 處理的。上述騙案 case 入面「收款人的SVF」就係：「支付寶」。
• 所以，如果支付寶向銀行證明我係「陳大明」，銀行就會認為我就係「陳大明」。
• 綜合以上「觀察」，我哋就有個 Full Picture 了。

⛑由於未有細節公佈，所有資料都係透過報導所得，所以以下方法都係靠估嘅。 … >>於新分頁打開全文 “【拆解FPS 轉數快騙案】騙徒利用電子直接扣帳授權eDDA漏洞+電子錢包行騙”

PayMe每月信用卡增值上限即將下調至$2,000

嘩！啱啱睇到新聞話PayMe每月下調至$2,000，so sad…有得增值好快啲增值埋佢喇…

【節錄自HKET】

滙豐宣布，推出PayMe應用程式Beta測試版。PayMe除了推出全新介面外，亦會進行測試，讓客戶透過連接「轉數快」系統為PayMe增值，並即時轉賬至其他銀行戶口及電子錢包。然而，Visa或萬事達信用卡的每月增值上限即將由5000元下調至2000元。

滙豐香港區零售銀行及財富管理業務主任欣格雷表示，新介面是基於用戶的意見進行設計，如增設快速點擊清單及交易預設為不公開等。PayMe用戶進入應用程式後，只需輸入收款人已在「轉數快」登記的手機號碼或電郵地址，即可透過「轉數快」即時轉賬給對方。此外，用戶在新介面可透過直接付款授權服務，從10間本地銀行為戶口增值，每月上限高達5萬元。滙豐指，用戶可以先到先得形式登記使用Beta版，率先體驗各項新功能。

滙豐PayMe營運總監駱弘宇 （Stephan Levieux）指，雖然信用卡的每月增值上限即將下調，但暫不打算取消信用卡增值服務。可是，他並未透露下調增值上限的確實日期。另外，駱弘宇強調公司並不打算向PayMe用戶進行收費。

Source: https://inews.hket.com/article/2413255/PayMe推出Beta測試版%E3%80%80可轉帳至「轉數快」戶口