St. Regis Zhuhai 珠海瑞吉酒店 (多圖入住報告)豪華房/套房/自助餐/交通/早餐+訂房攻略+海鮮一條街
St. Regis Zhuhai 珠海瑞吉酒店 (多圖入住報告)豪華房/套房+訂房攻略
(2019年5月21日更新: 訂房code LU4已失效，酒店唔再俾benefits，FHR就仲可以用) St. Regis Zhuhai係二零一八年十月份開幕，所以現在酒店嘅整體設備硬件都非常新穎，最正嘅地方係佢而家個價錢非常之咁抵住千零蚊，同香港瑞吉酒店St. Regis Hong Kong嘅價錢比起真係差天共地，如用AE白金卡FHR已經可以包埋早餐同埋晚餐。 用咁嘅價錢可以入住到萬豪集團裏面最高級嘅奢華品牌St. Regis體驗一下佢地嘅服務同品牌風格，的確係cp值高之選。仲有就係我呢個大鄉里從未搭過港珠澳大橋嘅巴士，今次一炮過可以滿足住酒店，搭金巴同埋食海鮮三個願望真係非常之唔錯呀。因為今次係同屋企人一齊去所以我book咗兩間房而其中有一間房upgrade咗做套房，所以以下落嚟可以同大家一次過睇曬普通豪華房同套房嘅分別。
Marriott Bonvoy萬豪會籍 Category 6，要5萬點，所以現金入住抵過用萬豪積分兌換。
珠海瑞吉酒店價錢比較
- Official→ https://www.marriott.com/hotels/travel/zuhxr-the-st-regis-zhuhai/
- Hotels.com→https://zh.hotels.com/ho1054161760/
- Trip.com→https://hk.trip.com/hotels/zhuhai-hotel-detail-23948588/the-st-regis-zhuhai/
- Agoda→https://www.agoda.com/zh-hk/the-st-regis-zhuhai/hotel/zhuhai-cn.html
先前三月份四月份好抵！房價只係1,100人仔，遲下應該無咁平
快速捷徑按入向下彈
St. Regis Zhuhai 珠海瑞吉酒店交通
如果由香港出發，我諗最方便都係經港珠澳大橋。我今來來回就用咗兩種唔同方法，都係經大橋。
- 去程由太子上車，用WeChat Pay入面「交通」>「跨境巴士」到買票$120蚊單程由太子直達珠海口岸(唔用wechat可現場買)，大人小童老人同價。再由珠海口岸轉的士到St. Regis Zhuhai，人仔30蚊就到
- 回程就的士直接到珠海口岸，過境後就會有金巴車票買，成人單程58蚊人仔，小童老人半價。到香港嘅港珠澳大橋就轉返機票出嚟經港珠澳口岸嘅巴士返市區，都幾多車可到返市區，再唔係返機場都會有車轉
- 另外聽酒店職員講可以係珠海坐船返到尖沙咀中港城，但對我嚟講唔就腳同埋船票貴啲所以就無咁做
港珠澳直通車好還是金巴好/快?
快唔快其實好睇你住邊區，但論質素就會坐金巴舒服啲，因為巴士夠新而直通車我覺得總有啲怪味…而今次同行有老人家咁坐金巴半價就計返仲抵，到香港口岸再轉巴士出市區。如果怕太辛苦其實口岸直上的士返九龍$200-$300其實都有數維
直通車有張貼紙
上車人迫人…不意外吧
跨境巴士啫係直通車
過完大陸關可以係到買金巴車票(過境巴士)
金巴坐位，都唔錯算好坐
珠海口岸出嚟嘅的士站，都無乜人等
St. Regis Zhuhai 珠海瑞吉酒店房間設施
今次同屋企人去珠海住St. Regis訂咗兩間房，里先生本身自己係萬豪鈦金卡會員幸運地有一間被升等至St. Regis Suite. 套房用嘅電視係B&O而淋浴備品都唔同一般房間。而套房有一個客廁一個套廁，房內仲有支望遠鏡可以俾你玩下。睇完之後個人覺得本身Deluxe Room已經非常豪華同夠玩，全雲石裝配廁所，有浴缸又有淋浴…真係唔怪得管家同我講成本差不多要500萬人仔一間…點解叫CP值高? 我去羅馬住St. Regis Rome要500歐羅一晚，硬件配置同級，但去珠海瑞吉用千零蚊人仔就住到…你話抵唔抵喇?
Check-in後可以叫管家上beverage service
Deluxe Room
St Regis Zhuhai Hotel 套房浴室
珠海瑞吉酒店-由禮賓部帶我到房間並為我介紹(唔係管家嚟)
更多St. Regis Zhuhai相片及相集(記得睇description啊！)
St. Regis Zhuhai 珠海瑞吉酒店早餐
早餐會係41樓嘅Social餐廳到食，景色唔錯但我入住期間天氣麻麻地。早餐嘅整體質素一般，並無乜野特別嘅地方impress到我。
St. Regis Zhuhai 珠海瑞吉酒店設施
成間酒店設施好靚，大大隻嘅水晶燈周圍都係。入住就唔好錯過嘅係6pm由日轉夜馬刀開香檳檥式。無乜特別但去湊下熱鬧也不錯啊。
珠海瑞吉酒店 St. Regis Zhuhai 晚餐及周邊
其實珠海瑞吉間酒店咁靚我都真係唔係幾捨得出去，而呢間珠海瑞吉酒店附近又冇乜嘢好行，所以我都強烈建議去訂一啲package係包含咗有早餐及食飯嘅credit(以下再介紹)， 酒店食嘢嘅選擇其實都算多
- 自助餐
- 意大利餐廳
- 中菜廳
- 出去食，可以去海鮮一條街
我都有問過唔同已經住過嘅師兄，有位好識玩嘅師兄就推薦我要去意大利餐廳，因為嗰間餐廳嘅意大利主廚曾經係米芝蓮餐廳到做過，而且價錢方面現時做promote所有萬豪會員都可以享有7折仲可以用埋FHR嘅US$100 credit去扣，但自助餐只能夠二選其一七折或扣US$100蚊credit。中菜就嗰位師兄食咗但唔推薦所以我今次都冇食到。
我去到第一晚就訂咗意大利餐廳食，食完之後真係覺得好正，有高級fine dining嘅感覺而且唔算貴，屋企嘅老人家都食得好開心同覺得好值。而我點菜就4人食2人set之後再散叫其他野咁就已經好夠食，飽嘅程度最不下於自助餐。至於到咗第二日我哋5:00pm check out後就搵咗附近有一條街係食海鮮，就咁比較落平過香港食，我哋四個人食咗大概千二蚊人仔，佢嗰度嘅玩法係喺外邊買海鮮跟住再攞去餐廳加工，加工費唔算貴。買海鮮就真係海鮮價㗎喇，所以呢你就記得一定要去講價。我屋企嘅老人家就係因為見到有海鮮食太開心都唔係點講價…所以今次食到有少少貴。咁我食咗啲乜嘢就睇以下相集啦。
St. Regis Zhuhai 珠海瑞吉預訂攻略
訂呢間酒店都有方法平訂？無錯，建議方法有兩個：
- AE白金卡卡主可以用American Express FHR
- 非AE白金卡卡主都建議你用Luxury privilege code: LU3
官網預訂→ https://www.marriott.com/hotels/travel/zuhxr-the-st-regis-zhuhai/
其實先前一直都教人訂貴酒店就一定要check下FHR先，先前有位師兄係AE白金卡卡主同我講住咗深圳Ritz-Carlton無用到FHR真係好捉蟲…又無咗早餐又無US$100消費額食野。而訂珠海瑞吉用FHR真係抵到爆，我訂果日價錢同官網無早餐無US$100嘅預訂價錢係一樣！而玩呢間酒店因為周邊無乜野玩同食，極力推介佢間意大利餐廳，現時萬豪會員有7折再扣埋US$100消費額度真係好抵！(下次再分享意大利餐廳食乜)
現時Amex travel個網開放咗FHR直接預訂，AE白金卡主卡人可直接login Platinum account訂，或者你鐘意打電話又得。
(2019年5月21日: 我問咗酒店呢個code已經失效，自己訂的話再用唔到)如果你無AE白金卡，就建議你係官網訂再用Luxury privilege code，係corporate/set/promo#果欄入: 「LU3」，其實呢個本身只能用到上年年底嘅銀聯白金卡優惠代碼，但官網到再用又訂到，再問酒店又肯認數。用法如下圖
我已經幫你問埋酒店係認數架！你入住前建議再confirm一次(2019年5月21日更新: 已失效)
珠海瑞吉酒店價錢比較
- Official→ https://www.marriott.com/hotels/travel/zuhxr-the-st-regis-zhuhai/
- Hotels.com→https://zh.hotels.com/ho1054161760/
- Trip.com→https://hk.trip.com/hotels/zhuhai-hotel-detail-23948588/the-st-regis-zhuhai/
- Agoda→https://www.agoda.com/zh-hk/the-st-regis-zhuhai/hotel/zhuhai-cn.html