【實測】申請私人貸款對信貸評級TU有何影響？查TU扣幾多分？攞Loan最好搵免查TU貸款？

 

 

上回提要，申請信用卡對TU影響相當細，上次2022年4月已經實測過係無扣任何分。因為見好多擔心TU受影響既朋友，攞Loan果陣話要去搵免查TU貸款，但結果係免TU貸款個實際年利率APR會開到好貴，同一般銀行借出既私人貸款低至2%APR真係差好遠，呢排都有俾錢睇環聯付費版報告，就係想搵出個真相同你分享…

今次答到2個問題：

1. 因申請私人貸款查TU又會扣幾多分呢？
2. 要幾耐時間先可以回得返個TU分？回返幾多？

申請私人貸款查TU又會扣幾多分呢？

呢個問題已經實測咗2次，第一次係12月/1月份申請恒生稅貸，果時無詳細紀錄到「因私貸查詢TU」扣咗幾多分，只知拎完之後個grade由B去到C。

到4月份個TU回升返到B (隔咗3個月)，再試攞一次私人貸款，結果如下：

• 4月19日我TU分3427，B grade
• 4月21日申請咗個$20萬銀行私貸的查詢，減咗75分，3352，C Grade

(Cap圖可以睇返申請信用卡對TU影響篇文)

要幾耐時間先可以回得返個TU分？回返幾多？

到下一個問題，今日終於有答案。4月21日查完扣左75分，到7月23日我再睇TU，結果如下

• 4月21日申請咗個$20萬銀行私貸的查詢後，3352，C Grade
• 7月23日，先前無再做私貸查詢，3432，B Grade
• 前後TU於3個月係多咗80分
• TU一直有上上落落，係5月18日查過係3352，6月23日查過係3328，呢2個月無點變

怕私貸查詢扣TU? 結論及建議

呢到可以見到個結論係，申請私人貸款查TU扣完75分，如果唔攞個私人貸款，因查TU而扣既分會於3個之後升返！如果要攞私人貸款(personal loan)的話可以參考返呢個數字定回升時間，而唔洗下下因為怕傷到TU而焗住去攞啲高息免TU貸款！因為查詢完個TU係會於3個月回升返既，咁當然你攞咗個私貸就無得講啦~~我諗要還清晒先會回得返，我2023年1月會有結果，到時再係facebook同你分享！

都幾多人對TU有誤解以為個分高代表易批卡/借錢息會低，我先前寫話借P-loan查詢TU個分跌係短期影響嚟唔需太擔心仲俾唔識而唔實測單靠估嘅人嚟罵我。

2023年9月新出Citi貸款優惠就算唔批出都送HK$500禮品 mrmiles.hk/citi-loan/ ，我諗個目的就係俾返啲擔心扣TU而唔敢攞信貸嘅朋友😅