里先生 Mr. Miles | 信用卡酒店旅遊優惠碼 | 里數攻略

Aria Suite 國泰全新爾雅商務艙

係上一代國泰Business Class真J我自己已經好滿意，每個位都係走道位，180度flat bed而空間配置合理，最優勝既係腳部空間感覺闊落要訓覺時都有足夠舒展空間，呢一點真係比起其他航空公司出色。而今代既Aria Suite 最大既亮點係係多咗道門增加私人空間，環顧新一代Business Class嚟講呢個配置都好必要，出嚟既結果都令人滿意。出咁多里數信用卡嚟儲里數都係為呢啲啫。

Aria Suite設計：保留上一代反魚骨式設計，1-2-1配置每個位都係走道位，仲多道趟門增加私隱度！座可變180度flat bed，瞓落去舒適度比上一代更高。

Aria Suite首航體驗Review

國泰新Business Class 77J Aria Suite首航實測！10月18日北京飛香港，4:50pm起飛
我昨日係即日來回的，去程坐新Premium Econ，回程坐Business。自費航班，無就是次飛行體驗收受任何利益，我張機票唔算貴，早決定而買外站出發嘅航班價錢幾抵，又滿足到我跑分升級嘅願望，都可話埋你知我仲有下班Aria Suite要搭用作跑分，所以有咩想知我又未寫到嘅話，歡迎你留言問我，下次搭時可以幫手留意返。

其實hard fact嚟講，片又好相又好早幾日我相信大家都睇咗好多，16號我都有出到fb post，我自己出完都覺得冷冰冰，今時今日拎份新聞稿稿俾AI做summary咪搞掂，個個都知多人咗道趟門，多咗USB-C，多咗無線充電，要搵返相信都好易搵到或者你去我早幾日嘅post到搵到。今日講多啲背景同首航體驗上嘅嘢。

Aria Suite背景

Aria Suite background我都可以share多少少我知嘅嘢，先前都有提過CX的Vivian Lo，你可以理解作佢係Aria Suite總設計師，佢講笑話自己有咗BB 6年最後Aria Suite終於都出世，我聽得出佢係俾咗好多心機去做，而有國泰其他同事share我知Vivian Lo係個好有要求嘅人，而Aria Suite出世前就住好多細位再去做改動出嚟嘅成品嚟。我自己幻想搞單咁嘅project有啲似搞裝修，工程嘢一做咗要改就好麻煩(有過裝修嘅朋友應該會明)，又要慳位又要好睇又要實用，上得機嘅都係客都係Aria Suite嘅使用者，而人人嘅要求或著眼點都唔同，真係講咁易咩。

里先生首航Aria Suite體驗感受

搭完第一次之後我覺得Vivian Lo呢個「裝修project 」係成功嘅，我作為第一次嘅使用者我係覺得有amazing到我，有啲細緻位去使用去感受果陣會有個反應「又幾好喎，細心」。我堅覺得即使我俾你睇完相都唔會太知我refer緊啲乜，到你去體驗果陣可以去感受下，以下我照寫我嘅感受先。

里先生把尺係邊？

環顧我自己有記憶嘅premium aviation product，簡單幾句：Emirates first class有wow factor機上沖涼但試過1次沖最多5分鐘我又唔覺好實用，好早搭過Qsuite玩趟門Business Class合併床(但我單支玩)，ANA The Room夠大夠型係型但衰咗係個腳位到。瑞士航空J最近有搭過但完全無wow。

Aria Suite有咩Amazing我？

我覺得Aria Suite好Amazing我係個螢幕系統，唔係講緊個hard fact 24吋4K mon，而係個Mon掌管貫穿晒成個航空體驗，係其他航空公司嘅product上面我係從未感受過呢樣嘢。IFE國泰一向都強，今次Aria Suite係將呢個強項extend埋落航空體驗上面，包括座位，燈光，去洗手間等，以下例子：

• 分咗5個mode係螢幕撳個掣就轉燈光同坐姿，就咁睇我一開始都以為咪又係果啲，新聞稿做乜吹咁大啊，但到用落成個無縫使用感真係正
• 主畫面有條Bar睇住飛到咩高度會做啲咩，我覺得係很好interaction嚟
• 隨時睇到廁所使用狀況，唔使注意住個洗手間

硬件upgraded，係considerate嘅

高質硬件包括 Flat bed夠大夠空間，地櫃無縫配合床位預留埋角位伸展，大讚扶手位可以前後上下移動多功能，4K大Mon，機外超高清鏡頭，藍牙連到Airpod感覺乾淨，無線叉電(要對得好準先叉到)，USB-C位，枱面隱藏櫃放細件貴重嘢，個人化柔和燈。

廁所都係新Design，洗手同沖廁都係免觸式，垃圾桶都加咗個腳踏

Aria Suite首航食乜？

首航有鮑魚瑤柱冬菇食！不過我覺得係首航加咗料無乜代表性，國泰dining暫時都係果啲啦，你清楚過我… >>於新分頁打開全文 “【Aria Suite首航開箱Review+最新航點】國泰全新爾雅商務艙77J 航線Route 2024”

Asia Miles正式可以用里數兌換HK Express機票。由即日起，你可以選擇用定額里數嘅形式全數咁換香港快運機票、或者以里數加現金組合嘅形式兌換UO機票及其他服務（額外託運行李、機上餐飲、座位選項、U-First 優先服務，但留意返最新HK Express行李限制）等。兌換方式非常簡單，可以喺HK Express官網到直接兌換，詳細教學可以睇返下文。如果想換返國泰或者oneworld members就去睇返Asia Miles換機票教學攻略。

HK Express會不定時推出唔同航點俾大家兌換，最新一期嘅兌換航點如下：

• 預訂日期：2024年11月7日 – 11月11日
• 旅遊日期：每個航點唔同，詳情睇下面表格
• 兌換網址：https://www.hkexpress.com/zh-hk/plan/full-miles-for-flight-ticket/
• 航點(單程所需里數)：

兩個里數可以換到唔同嘅fare class，分別係經濟飛(包座位下方小型隨身行李+登機行李 Overhead luggage)、隨心飛(包座位下方小型隨身行李+20kg寄艙行李 Checkin luggage)，詳情可參考：HK Express 行李費用新規定

用里數全數咁換HK Express機票係用劃一兌換率嚟換嘅，抵唔抵換真係睇大家需要。多咗個選擇總係好事，之後你見到想飛嘅時間國泰無放位，都可以嚟HK Express呢邊睇下有無放位。

以里數加現金組合嘅形式兌換HK Express機票及其他服務里先生就覺得里數加現金嘅兌換率唔太抵啦，因為呢種形式只能夠抵扣機票票價，換言之所需里數係隨住票價而浮動嘅，而且計返條數買里數價值比HK$0.039 （$195/5,000里數）/$0.051 （$1,522/3,000里數），兌換率好差，所以用啲網購回贈高嘅信用卡買好過。

更多里數教學：Asia Miles 換機票教學、夥伴航空公司與國泰航班需要里數比較分析、Asia Miles環球票教學

更多HK Express教學：HK Express 行李費用新規定

Asia Miles換HK Express機票教學 (按入直彈去果part)