里先生 Mr. Miles | 信用卡酒店旅遊優惠碼 | 里數攻略

新一年好快又要報稅，要搞扣稅工具的話3月31日前都好準備好晒佢。成日聽人扣稅三寶，我自己研究下之後最有興趣果個係扣稅年金。順便分享返交保險費積分信用卡(年金都係保險嚟)。

先唔好咁快下定論講年金呃人…要理解呢個扣稅年金東東首先要識「扣稅額」，呢個既意思就好似你供養父母/仔女而有果個扣稅額咁。而法例上年金於每年度的最高扣稅額為HK$60,000，而薪俸稅最高既稅階為17%，咁你每年買HK$60,000年金的話，每人可以慳到既稅最多啫係HK$10,200，呢部份就係你供扣稅年金必定可以賺取的回報。

年金買唔買得過？每年供HK$60,000，慳稅都慳HK$10,200咁荀係咪呃人？

正常年金每年供HK$60,000慳稅最多HK$10,200，個年回報有成17%咁咪好荀？假設無Time value的話係既…，但你要留意返幾樣嘢：

1. 首先呃人呢個講法太強烈，真係呃人的話都賣到成行成市而且政府的扣稅認可，咁各大機構或者精明既投資者都同你一齊俾人呃了…與其叫呃人，不如去諗返呢個理財工具係咪適合自己而唔係唔啱自己就話呃人
2. 買得年金，我估你的年收入點都超過HK$45萬，因為咁先會用得爆果17%最高稅階先至會每年慳到稅HK$10,200
3. 供年金係一件好長期(最少5年)既事，你如選擇斷供無咗複利息效果就有可能會倒蝕，財務上呢種叫做held-to-maturity產品嚟，你早走的話係唔會有著數的
4. 年金的供款及回報只計回本的話最快要係8年後先攞得返出來，我諗你應該明time value of money的概念，今天的HK$1,000會比8年後的HK$1,000更值錢吧

咁我買唔買年金用作扣稅好？

再重申一次，年金係一樣好長期既commitment，你要肯定你自己有能力供到最少5年先好去買。

1. 如果你收入穩定又有長期計劃(如十年後子女的教育基金/ 你家庭的退休基金等)
2. 年收入起碼有HK$45萬，本身都需要交幾萬蚊稅(以下有簡單方法教你睇買唔買得過)，想用作扣稅而唔係俾政府賺
3. 對儲蓄有心理準備，只求長期穩定而打算拎到比定期息好唔到幾多的回報率

你有呢啲條件的話，我覺得年金都適合你，年金最好既地方係保証回報(最超碼有慳稅果部份)，但講真話複合回報唔係高，叫做好過低息環境下的定期咁

邊類人我覺得唔好考慮扣稅年金？

• 不明白風險同回報成正比的人。總是覺得「扣稅年金的每年IRR計返出嚟都係得4%，咁不如拎去買股票好過」，呢句說話唔係錯只係反証到年金產品唔太啱你，因為你現時的風險承受能力比較高，有條件去搏高風險高回報而唔係守住年金呢種低風險產品
• 未來5年工作不穩定的人，因為扣稅年金一買咗就每年供HK$60,000，要斷供就蝕本金，如過突然有一年無咗份工咁都幾麻煩
• 諗住今年扣完稅，下年就下年先決定買唔買：我話多次你知「年金係一樣好長期既commitment」不存在今年供下年就可以唔供又賺到錢的情況，打算玩的話最少要玩4年

年薪幾多買扣稅年金先有著數？

因為個個人免稅額都唔同，而且隨著年紀免稅額可能都會有變化(例如阿媽老豆過咗60歲，多咗免稅額)

最簡單的方法係攞返你自己上年張薪俸稅單嚟睇去計計來年買年金有無著數，如果Net Chargeable Income係大於HK$260,000，咁你先至有得食爆17%稅階計出來的免稅額。見下圖：

交年金信用卡回贈/里數

市面上交保險而有積分或回贈的信用卡唔多，有幾點可以睇睇：

• 渣打信用卡 或 DBS信用卡以任何型式交保險都係無回贈，千萬要避免
• Citibank信用卡個term寫得有點灰色，不太建議搏
• 大新One Plus信用卡及HSBC信用卡我個人測試過係有回贈的
• 如果用HSBC信用卡，無promotion情況下唔好用HSBC Visa Signature / HSBC白金卡 / Premier信用卡，因為只有0.4%回贈太少
• 儲里數的話可用HSBC EveryMile信用卡，都係1%回贈但計返里數的話有HK$5/里，買HK$60,000年金的話啫係會有12,000里！
• 用HSBC Red於商戶網頁交保險新條款更新咗之後全部保險得返0.4%回贈

以上為我的舊實測，你俾錢前最好睇睇條款上有無變動啊！

年金回報計算：

正常嚟講你既保險Agent會整咗份水蛇春咁長既projection俾你，但係果份嘢因為無扣到慳稅既優惠所以睇唔到你真係有幾多回報。里先生朋友仔就做咗呢2個最common cases俾我睇：

1. 供5年年金，每年供HK$60,000，20年後退休時價值HK$629,991 (回報率因為會有小小升跌，呢個係按保監指引的回報率做projection，而計劃本身的保證回報就HK$438,103 (保證回報)

2. 供10年年金，每年供HK$60,000，30年後退休時價值HK$1,569,415 (回報率因為會有小小升跌，呢個係按保監指引的回報率做projection，而計劃本身的保證回報就HK$954,400 (保證回報)

條街到賣既年金回報我比較過其實都差無幾，我覺得最重要係自身有能力供款5-10年(自己揀)，同埋個保險公司夠大信得過重要過比較好多間唔同保險公司。

HSBC信用卡

恒生信用卡又推出OpenRice優惠，一餐飯最盡可以賺到高達$33 +FUN Dollars！逢星期二簽滿HK$60就可以$1 +FUN Dollar 當HK$2使！每單最多可以用$25 +FUN Dollar當HK$50使！而且用OpenRice book位仲可以額外賺多$8 +FUN Dollar！

除咗外賣自取、堂食付款同訂座預購，買餐飲券都可以$1 +FUN Dollar 當HK$2使。襯而家有優惠，可以逢星期二買咗啲券先遲啲再用！

恒生信用卡近期都做緊唔少優惠，如果想睇埋其他恒生信用卡優惠，可以睇返：恒生信用卡比較、恒生信用卡優惠合集，恒生+FUN dollar計算方法/入賬時間/用法用途/優惠/特約商戶清單 (舊名Cash dollar)

【恒生信用卡・OpenRice優惠詳情】

• 優惠期：即日起至2024年12月31日
• 優惠一：$1 +FUN Dollar 當HK$2使
  • 逢星期二，單一簽賬淨值滿HK$60，並選擇兌換 +FUN Dollars抵銷簽賬，即可$1 +FUN Dollar 當HK$2消費
  • 每單最高以$25 +FUN Dollar即時當HK$50使
• 優惠二：訂座簽賬享額外高達$8 Cash Dollars
  • 透過OpenRice平台訂座，並於出席用膳當日以首張已連結之恒生信用卡經餐廳結賬或使用OpenRice Pay堂食付款作合資格餐飲簽賬淨值滿HKD400，即可享額外高達$8 +FUN Dollar
• 一餐飯最盡可以賺到高達$33！例子：
  

  	額外	共享額外 $33
  優惠1：簽賬滿HKD60或以上，即可享「+FUN Dollar 當雙倍現金使用優惠」，每單交易最高以$25 +FUN Dollar 當HKD50使用	$25
  優惠2：扣除 +FUN Dollar 後付款餘額(HKD460-HKD50)滿HKD400或以上，可享「 OpenRice餐廳訂座額外獎賞優惠」	$8

優惠詳情：https://cms.hangseng.com/cms/emkt/pmo/grp06/p78/chi/index.html