里先生 Mr. Miles | 信用卡酒店旅遊優惠碼 | 里數攻略

中銀Chill Card最近推出咗個「Chill大激賞」簽賬優惠，個優惠啱哂去旅行同有大額簽賬嘅人！即日起至2024年9月30日，累積零售簽賬滿HK$5,000，當中嘅海外實體簽賬可以賺額外3%現金回贈，連同Chill Card本身海外簽賬5%，海外簽賬最高可賺到8%回贈！另外仲有個終極簽賬目標，累積零售簽賬滿HK$20,000，可以拎埋額外$300現金回贈！去旅行可以再買多啲野都冇問題啦。未有旅行計劃，用嚟買家電或者換手機都可以輕鬆賺現金回贈！成個優惠連埋Chill Card基本嘅回贈可賺高達HK$930現金回贈！

更多中銀信用卡優惠：中銀信用卡優惠合集、中銀Cheers Card、中銀Chill Card、中銀Sogo信用卡、中銀大灣區雙幣卡

【中銀Chill Card 簽賬優惠】詳情及玩法

• 優惠期：2024年8月15日至9月30日
• 優惠一：優惠期內憑中銀Chill Card累積零售簽賬滿HK$5,000，當中之海外實體簽賬享3%現金回贈(上限HK$250，即係簽HK$8,333就到頂)
• 優惠二：優惠期內憑中銀Chill Card累積零售簽賬滿HK$20,000，即享額外HK$300現金回贈
• 記得優惠係要去返中銀網頁 / 手機銀行 / BoC Pay /「中銀香港信用卡」微信官號登記㗎！
• 未有Chill Card就快啲申請啦，用Chill Card喺Chill商戶簽賬有10%現金回贈，海外及網上簽賬有5%現金回贈，仲可以喺Chill Date搶飛！

官網詳情：www.bochk.com/s/a/chillrewards

【中銀Chill Card 簽賬優惠】常見問題FAQs

中銀Chill Card 簽賬優惠期去到幾時？

• 優惠期由2024年8月15日至9月30日。

中銀Chill Card 簽賬優惠分咗幾多部份？

• 中銀Chill Card 簽賬優惠分咗2部份。優惠一：優惠期內憑中銀Chill Card累積零售簽賬滿HK$5,000，當中之海外實體簽賬享3%現金回贈(上限HK$250，即係簽HK$8,333就到頂)。優惠二：優惠期內憑中銀Chill Card累積零售簽賬滿HK$20,000，即享額外HK$300現金回贈。

成個優惠連埋Chill Card基本嘅回贈可賺幾多回贈？

• 成個優惠連埋Chill Card基本嘅回贈可賺高達HK$930現金回贈！

【中銀Chill Card 簽賬優惠】條款及細則

中銀 Chill Card「Chill 大激賞」推廣條款及細則：

1. 中銀 Chill … >>於新分頁打開全文 “【中銀Chill Card 簽賬優惠】中銀Chill大激賞！累積簽賬滿HK$5,000，海外實體簽賬賺額外3%現金回贈！累積簽賬滿HK$20,000，額外賺HK$300現金回贈！”

大新信用卡最近推出咗個優品360°/FoodVille優惠！即日起至2024年8月31日，只要憑大新信用卡於全線香港優品360°或 FoodVille 門市購物，單一簽賬滿$200或以上，即享$20即時折扣！

如果成日要去優品360°或 FoodVille補倉零食嘅，記得要用大新信用卡啦！

更多超市信用卡優惠：超市信用卡比較

💡大新信用卡重溫：大新信用卡比較、大新MyAuto車主信用卡、大新ONE+信用卡、大新英國航空白金卡、大新ANA World萬事達卡

大新 優品360°/FoodVille優惠 詳情

• 優惠期：即日起至2024年8月31日
• 憑大新信用卡於全線香港優品360°或 FoodVille 門市購物，單一簽賬滿$200或以上，即享$20即時折扣
• 每位客戶每次就單一交易只可享用優惠1次
• 只限首6,000個交易
• 優惠不適用於所有透過電子錢包付款之簽賬，包括但不限於 AlipayHK、PayMe、WeChat Pay HK 等
• 官網網址：https://www.dahsing.com/html/tc/credit_card/latest_offers/best_mart_360_promotion.html

💰現金回贈信用卡 (百份比越高越好)

恒生時代廣場購物優惠！憑恒生信用卡於時代廣場簽賬，可享高達HKD2,500電子現金券！即睇以下玩法：

• 優惠期：即日起至2024年8月31日
• 累積簽賬滿HK$4,500
  • HKD50餐飲電子現金券 x 1張
  • HKD100購物電子現金券 x 1張
• 累積簽賬滿HK$8,000
  • HKD50餐飲電子現金券 x 4張
  • HKD100購物電子現金券 x 2張
• 累積簽賬滿HK$20,000
  • HKD50餐飲電子現金券 x 8張
  • HKD100購物電子現金券 x 3張

今次優惠可以累積2張唔同商戶嘅單據嚟夾單湊數，咁就唔洗限住要喺同一個商戶爆買啦！每人仲可以賺到基本獎賞同恒生信用卡額外獎賞各2次(即係每個level可以賺2次)，加埋就可以賺到高達HKD2,500！最近會去時代廣場shopping嘅，記得要用恒生信用卡啦！

如果想睇埋其他恒生信用卡優惠，可以睇返：恒生信用卡比較、恒生信用卡優惠合集、恒生+FUN dollar計算方法/入賬時間/用法用途/優惠/特約商戶清單 (舊名Cash dollar)

其他商場優惠→商場信用卡優惠合集

恒生 時代廣場優惠｜詳情

• 優惠期：即日起至2024年8月31日

八達通自動增值信用卡比較2024︱信用卡里數回贈／現金回贈優惠優惠 10月最新

雖然依家八達通於iPhone可以用Apple Pay增值，但唔少人都有繼續用信用卡自動增值！今次就一齊嚟睇吓唔同信用卡嘅回贈同優惠啦！大家留意！本身張最強八達通自動增值卡安信EarnMORE銀聯卡已經唔再有2%但Apple Pay手動就有(留意同零售cap一齊計)，要轉卡的話就轉去渣打Simply Cash仲有1.5%，但留意呢加未有渣打卡的話就出咗渣打Smart卡先，因為份迎新會大份啲。

留意呢加透過信用卡增值八達通基本上2種途徑：

1. 同銀行申請自動增值 (以下有各銀行的回贈)
2. 將八達通卡加入iPhone 及 Apple Watch／Huawei Pay／Samsung Pay

(1)及(2)的玩法係完全唔同，如果用(1)的話可以睇返下表。

如果用(2)的話就大部份銀行都當咗係「增值交易」而唔俾任何積分，渣打Simply Cash都係0%回贈，Mox本身2021有1%，但2022起都係0%。如果用(2)的話可以試下AE卡

宜家另外仲有信用卡做緊自動增值優惠，其中一個優惠任何張信用卡都適用！快啲睇埋詳情啦！

八達通自動增值精選信用卡

八達通積分/優惠快速索引(按入向下彈)

• 八達通自動增值信用卡優惠
• 八達通自動增值里數/回贈比較表

AE手動Apple Pay增值八達通

• 好消息！AE信用卡都增值到八達通！
• 實測完再話你知有無回贈！作為發卡機構，AE個「合資格簽賬」一向都好寬鬆，只要你碌到就有回贈，先前都講過好多次用AE交保險的話一樣計迎新及回贈。希望增值八達通一樣會計到！(按條款增值唔計入迎新，但啱啱推行我覺得可以搏一搏)

平時用里數換機票嚟講只係免到個「機票價格」，但係你仍然要俾錢係因為有「政府費用及稅」同埋「航空公司燃油附加費」。「政府費用及稅」好少會有變動，所以對里數換機票嘅朋友嚟講對價格最大影響嘅始終都係「航空公司燃油附加費」。呢兩樣收費對平時會搶平機票嘅朋友都有好大影響，因為你好多時明明見到航空公司話做緊$0、$1xx機票特價，但最後要俾幾百甚至成千蚊都係呢兩樣收費係到作怪。而國泰航空作為香港嘅主場航空，好多時其他航空公司都係跟國泰升跌，所以睇國泰個燃油附加費走勢基本上都可得知其他航空公司大概會係幾多。唔知燃油附加費係咩嚟同埋知道佢就嚟升/跌有咩可以做？睇埋以下文章啦！

2024年9月1日起國泰航空收取之燃油附加費

國泰個網有的難睇，總體燃油附加費如下:

• 短途(如日本,台灣,泰國): HK$207(由2024年8月1日至8月31日為止)；HK$161(由2024年9月1日起)
• 長途(如歐洲,澳洲,美國): HK$923(由2024年8月1日至8月31日為止)；HK$719(由2024年9月1日起)
• 簡單嚟講即係短途平咗$46，長途平咗$204
• 以上價格皆為由香港始發的航線，即係你張機票係來回咁買，第一程出發地喺香港就係咁收費。如果你係喺其他地方始發、或者你係單程咁換機票，就可以click返官網條link，睇下你喺由邊到出發而定。

國泰官網→https://www.cathaypacific.com/cx/zh_HK/prepare-trip/travel-advisories/fuel-surcharge-updates.html

燃油附加費係咩嚟？

燃油附加費，簡稱“YQ” ，你買機票時打開個價錢breakdown可以係tax/surcharge裡面睇到。美其名為航空公司可以用YQ嚟反映油價變動而對經營成本嘅影響，由YQ反映嘅價格變動係行政處理上會方便咗，但留意YQ對消費者，特別係里數換機票嘅朋友嘅換機票成本有直接影響。香港出發航班由2016年2月起唔俾收，民航處公布2018年11月起放寬可以再收返。

上圖為來回東京收取之燃油附加費(短途)

燃油附加費係點樣收取？長途及短途之分別？

各航空公司會就著所有航班及票種，分為短途及長途航線向乘客徵收客運燃油附加費。價錢係以每程計算，包括小童及嬰兒票。Econ同Business收取嘅價錢會一樣，長途就會比短途貴。

• 短途航班指指由香港出發往來香港 (HKG) 及亞洲地區之航班，包括日本,韓國,台灣,越南,中國,馬尼拉,金邊,泰國,檳城,吉隆坡,新加坡等地, 或者印尼峇厘，都會係當作短途。
• 長途航班指由香港出發往來香港 (HKG) 及西南太平洋地區、美洲、歐洲、中東、印度、非洲的航班，包括看似近啲但都當作長途嘅馬爾代夫,印度,斯里蘭卡,加德滿都。
• 如果以GCmap英哩距離計算，印尼峇厘會比加德滿都更遠，但因為燃油附加費係以區域計算所以峇厘當作短途會更加平。
• 燃油附加費係以每航段計算，即係當你需要轉機嘅時候，就要俾2次或以上嘅附加費。

於香港買機票顯示出嚟嘅價錢已經包括咗呢個燃油附加費，收幾多係由航空公司決定的。

上圖為馬爾代夫之燃油附加費(長途)

燃油附加費變動對於買機票嘅人有咩影響？

如果機票價格不變，而燃油附加費直接有增加或減少，消費者當然會直接受損(當YQ要加時)或者受惠(當YQ要減時)。如果你已經睇到下月會減的話，唔急嘅話可以等下月先買機票。

但長期嚟講，因為即使有燃油附加費的升跌但消費者做買機票的決定嘅時候都係會睇total price，同時各航空公司之間面對競爭，需要割價搶客時都係成個total price嚟減，所以又未必會對買機票好大影響。最實際都係睇返航空公司有無做特價機票優惠。

燃油附加費對於用里數換機票有咩影響？

對於里數換機票嘅人嚟講，燃油附加費當有增加或減少，個影響會比較直接，因為個Fuel Surcharge會直接加落個換機票成本到。好簡單嘅道理好似如果你2月份25,000里+$207+稅費 可以換到由香港出發到日本大阪來回機票，但係你3月份知道會加價，咁25,000里+$253+稅費 就可以換得到。呢個情況你就要係2月分換咗張機票先。反之亦然，所以對玩里數嘅朋友嚟講，燃油附加費嘅影響都幾大架。

燃油附加費於更改出發時間/重新出票/退票時會點？

1. Re-booking : 可以理解為改時間 (same itinerary, same airline)，曾經飛過用過嘅票可以做re-booking，燃油附加費不會重新計算
2. Re-issuance : 簡單啲睇，re-booking改唔到既就要用到re-issuance改，留意曾經飛過用過嘅票不可以re-issuance，燃油附加費會重新計算，所以出票時同重新出票時有變動會加/減，貴咗就補，平咗就退
3. Refund : 成張票退返里數及稅金，留意曾經飛過用過嘅票

2024年度政府綠色債券最快9月再發行！去年最低年息率達4.75厘！證券行/銀行認購優惠、認購詳情、申請方法、一文睇哂！

2023年度零售綠色債券詳情

最新一期零售綠色債券認購日期為2023年9月18至28日！今次發行額為HK$150-HK$200億。綠色債券同iBond好相似，算係好低風險嘅投資產品嚟，一手入場費都係HK$10,000。而且今年有4.75厘息，每手每年都可以賺到HK$475利息。債券年期為3年，每半年就會派一次息。

咁到底大家抽唔抽呢隻新嘅綠色債券Green Bond好呢？有留意財經新聞應該知道，近年美國公佈嘅通漲率都不斷攀升，其實全世界都走唔甩面對緊呢個高通漲問題！呢個情況下，唔太識投資的話，抽綠色債券可以每6個月收到同通脹掛鉤(保底4.75%年利率)嘅利息，應該點都高過定期啩！所以，建議大家抽！如果屋企人唔識搞，就真係要幫手搞下抽嚟賺息抗通漲！

各大銀行及證券行股票戶口推出緊啲優惠(最基本就免認購手續費)等你喺佢度開個投資戶口，同經佢哋申請個綠色債券Green Bond咁。

• 老虎證券 Tiger Brokers開戶毋須交易賺HK$1,700獎賞＋認購綠色債券13免（首2000個認購5手以下免本金＋15手內仲支持十倍槓桿融資）
• SoFi Hong Kong開戶毋須交易賺HK$1,380獎賞＋認購綠色債券9免
• 富途牛牛開戶毋須交易賺HK$1,500獎賞＋認購綠色債券13免
• 長橋證券開戶賺高達HK$1,800獎賞＋認購綠色債券14免（可免本金）
• 華盛証券開戶毋須交易賺高達HK$1,600獎賞＋認購綠色債券9免

為咗方便大家睇清楚咩係綠色債券、點申請、點買最抵、證券行股票戶口各種各樣迎新優惠，呢度為大家整理左，下面有詳情同索引。

【綠色債券2023】快速索引(按入向下彈)

• 咩係綠色債券Green Bond？
• 綠色債券認購2023詳情及認購方法
• 綠色債券2023點買最抵、認購攻略

咩係綠色債券Green Bond？

• 綠色債券喺香港政府零售債券發行計劃嘅一種通脹掛鈎零售政府債券
• 目的係讓市民可透過參與綠色和可持續金融市場，直接為綠化香港作出貢獻和分享香港可持續發展帶來的成果
• 綠色債券年期為3年，每半年派息一次

綠色債券應該持有夠3年還是即賣好？有咩風險？

本質上iBond接近0風險，除非香港政府係下個月破產還唔到錢，否則你都係必賺。至於keep住等贖回還是即賣，呢個問題涉及投資決定，或者我咁分析，你有兩個選擇：

1. 選擇一: … >>於新分頁打開全文 “【政府綠色債券2024認購攻略】最快9月再發行，認購優惠、認購詳情、申請方法、一文睇哂！”

K DOLLAR優惠！喺全港超過1,000間商店，包括 K11、全線龍豐、位元堂、海洋公園商店等等都可以賺/用到，想買得開心賺盡K DOLLAR優惠，就記得要下載全新 K DOLLAR app。限時喺app內綁定Visa卡再消費更可以一簽多賺！

K DOLLAR 其中一個賣點就係日常生活中 好多合作伙伴都可以用，由餐飲零售以至網店都一應俱全，賺到嘅 K DOLLAR 喺下次 shopping 可以直接當錢駛，所以私心建議大家下載返 K DOLLAR app 儲分。

下載 K DOLLAR app : https://kdp-app.onelink.me/FxZs/wmmc0mjj

K DOLLAR優惠｜詳情

• 首次綁定 Visa 卡 + 合資格消費即賺50 K DOLLAR (優惠期由2024年8月5日至9月22日)
  • 使用已綁定 Visa 卡仲可以一簽兩賺：賺取Visa卡簽賬回贈 + K DOLLAR
• 定期推出K DOLLAR拍賣同快閃優惠：3折搶餐飲禮券
• 增值 K DOLLAR 仲賺高達額外240 K DOLLAR
• K DOLLAR 獎賞一簽即賺，唔洗再去排隊登分,上傳收據或掃描收據二維碼
• 喺指定商戶（如超市）消費仲賺埋會員積分→指定合作商戶
• 全港超過 1000 間商店，包括 K11、全線龍豐、位元堂、海洋公園商店，都可以賺/用 K DOLLAR
• 優惠詳情：https://k-dollar.com/zh-hk/home/

💰現金回贈信用卡 (百份比越高越好)