【2019全新開幕】馬爾代夫JW Marriott Maldives Resort & Spa現已接交預訂及房間交通資訊

馬爾代夫新酒店！期待已久的萬豪馬爾代夫全新渡假酒店JW Marriott Maldives Resort & Spa即將開幕，官方網站稱會於2019年8月開業，但截至目前，酒店僅接受2019年9月15日的預訂。價錢由US$794起，未計算水上飛機Transfer fee。我試了一下如果按入去預訂會見到「Local fee」為每人US$600。跟另一家萬豪旗下另一間馬爾代夫酒店 The St. Regis Maldives Vommuli Resort平少少(每人US$695)。

積分換房的話，酒店屬於Marriott Bonvoy Category 8，每晚需85,000積分。以US$800房價計，連稅及服務費約US$1,000，啫係HK$7,800港幣。兌換返萬豪積分價值代表每一積分可以換出HK$0.09的價值，如以積分兌換相當化算。如果連續換五晚更有一晚會免費，詳情睇返→萬豪積分價值。如比較The St. Regis Maldives Vommuli Resort最低積分兌換之基本房型並非Overwater Villa但JW Marriott Maldives最基本房型已經係水上屋(Overwater Pool Villa, Sunrise view)，睇落好似幾化算，點樣就真係要住過先知喇！

我2019下半年本來已預訂入住The St. Regis Maldives，現在心思思…兩間也想住 🙁

85,000萬豪積分係咩概念？

AE積分兌換至萬豪積分(免手續費)→ 連結(第一次換需先register等幾日)

• 85,000萬豪年相等於765,000 AE積分
• 相約於1張AE白金卡嘅迎新為800,000 AE積分
• 相約於HK$7,800 AE白金卡年費
• 如果打算直接用錢訂，可以計計數考量拎AE白金卡再換成萬豪積分再換返1-2晚有數圍
• 有細頭包大頭年費，指定期內申請埋大頭免年費及有迎新，打爆埋個大頭嘅迎新簽$30,000有45萬積分，詳情→AE白金卡

當然就咁睇每積分可以換到嘅價值嚟睇當然爽，但必須俾嘅水上飛機US$600 per person，島上嘅午餐晚餐(早餐萬豪白金會籍送2人)，潛水活動等等係換房點數上唔包。如果你拎返其他非國際大品牌酒店比較拎返同樣嘅野，可能俾錢買package更化算。

JW Marriott Maldives Resort & Spa萬豪度假酒店房價情況

官網顯示現時周五及周六房價會比較低:

馬爾代夫JW Marriott Maldives Resort & Spa-9月房價

馬爾代夫JW … >>於新分頁打開全文 “【馬爾代夫 JW Marriott Maldives Resort & Spa】2019全新開幕 房間預訂及設施情報”

台北萬豪酒店 Taipei Marriott Hotel【多圖住宿報告】交通及價錢

2015年開業既台北萬豪酒店外面依然好新淨而入面就好有設計感。一入到去前檯有幅大型壁畫，非常有藝術感。萬豪旅享家白金或以上會員可以係executive lounge check in, 雖然去到未即時攞到房不過職員態度殷勤，耐心介紹左一下間酒店，再幫手安排好行李暫存。而房間就好闊落，有好大活動空間，窗邊仲有張梳化比你望住美麗華摩天輪。而且浴室都好大，採用乾濕分離設計，加上有兩個洗面盤，咁就唔洗驚有爭洗手間既情況啦:P。不得不提埋酒店泳池，泳池位於酒店19樓，高層加上露天設計可以睇埋台北靚景真係無得彈，就算唔游水都可以躺係池邊曬下太陽一樣咁relax。除左優閒設施，酒店亦設有展廳及宴客廳，適合商務人任使用。

酒店位於中山區，地理上唔算太方便，隔望最近既捷運劍南路站步行約十分鐘，出市中心大約要40-45分鐘車程。不過酒店附近(步行約五分鐘)都有大型商場、食群、超市同便利店，如果唔想去太遠既都可以係附近行下。

台北萬豪比起今次都有入住嘅2間萬豪系內的台北喜來登 Sheraton Taipei及台北國泰萬怡 Courtyard Downtown Taipei嘅體驗更加好。

積分換房的話，台北萬豪酒店屬於Marriott Bonvoy Category 5，每晚需35,000積分。

台北萬豪酒店訂房價錢比較：

• Official→https://www.marriott.com/hotels/travel/tpetm-taipei-marriott-hotel/
• Hotels.com→https://zh.hotels.com/ho550173/
• Trip.com→ https://hk.trip.com/hotels/taipei-hotel-detail-2637298/taipei-marriott-hotel/
• Agoda→https://www.agoda.com/zh-hk/taipei-marriott-hotel/hotel/taipei-tw.html

台北萬豪酒店介紹短片

台北萬豪酒店Homey客房

今次入住台北萬豪嘅Homey客房，房間寬敞加上落地玻璃窗設計景觀開揚，可以望到美麗華摩天輪。呢間酒店亦有房可以望到台北101。

[Best_Wordpress_Gallery id=”90″ gal_title=”房間_TaiPeiMarriott”]

台北萬豪酒店Garden Kitchen早餐

本身係酒店白金會員的話會有優惠價係到用早餐，有時更可能會被offer免費2人早餐係呢到用。

入到去可以對住揀窗邊位，落地玻璃窗可以望到室外園景加埋天然光照射，食早餐都食得好舒服。呢個半自助早餐無論台式&西式熱食類、面包類、蔬果類等等都提供好多選擇(詳細可以睇下面啲相)。唔趕時間真係可以係到嘆番成個朝早！

• Garden Kitchen位於酒店1樓
• 早餐時段：早上6:00-10:30(最後取餐10:00)

[Best_Wordpress_Gallery id=”93″ gal_title=”早餐GardenKitchen_Marriott(TaiPei)-2″]

台北萬豪酒店設施

呢間酒店設施都好齊全，就算全日留係酒店都唔會悶。基本設備有健身室(有需要可以付費請健身教練)、頂層露天泳池(可以曬下太陽！)同埋桑拿房，桑拿房入面仲好細心咁準備左化妝枱(有提供基本護膚品)同locker。想玩下Spa既可以選擇去Spa19揀個岩自己既spa package玩下添！萬豪酒店內設有中城廣場，入面除左有cafe仲有小店可以行下，另外亦有多間餐廳提供各國菜式，值得一提係20樓既燒烤餐廳INGE’S，除左室內設計得有特色，餐廳仲有室外空間可以欣賞台北景色，可以邊望住埋101夜景食晚餐或者去飲杯野都幾正架！

[Best_Wordpress_Gallery id=”96″ gal_title=”酒店設備_Marriott(TP)”]

酒店周邊

台北萬豪酒店位於中山區，離市中心車程大約要40-45分鐘。酒店最近既捷運站係劍南路站，步行約十分鐘就到。雖然唔係市中心位置，不過附近都好多娛樂設備，包括Golf場，美麗華商場，大食代food republic等，鐘意食台式早餐仲可以去酒店左邊搵到兩間台式早餐店。

[Best_Wordpress_Gallery id=”105″ gal_title=”酒店周邊_Marriott(TP)”]

台北萬豪酒店行政酒廊

Marriott Bonvoy白金會員待遇包括入酒廊，呢個Executive lounge用木做主調，加上採光度高，比人感覺好舒適，而且Happy Hour時段主要是供小食(而非主食)，做得相當唔錯。

• 行政酒廊開放時間：早上7時至晚上10時30分
• 早餐時段：早上7時至10時30分
• 下午茶時段： 下午2時30分至5時
• 精美小吃：下午5時30分至7時30分
• 黃昏雞尾酒：下午7時30分至10時
• 會員每天2小時免費使用會議室

[Best_Wordpress_Gallery id=”107″ gal_title=”行政酒廊_Marriott(TP）”]… >>於新分頁打開全文 “台北萬豪酒店 Taipei Marriott Hotel【多圖住宿報告】交通及價錢”