【AE CX Elite新優惠】環亞機場貴賓室入悶咗?去近水樓台食免費廣東點心套餐或者Root98 Grab蟹餅漢堡啦!
環亞機場貴賓室入悶咗?用AE CX Elite去近水樓台食免費廣東點心套餐啦!
嘩!AE CX Elite出新優惠啊!10月份開始可以去機場間中菜「近水樓台」食免費廣東點心套餐或「Root98 Grab ‘n’ Go」免費套餐優惠。真係啱晒入環亞機場貴賓入到悶嘅朋友!留意該優惠要有當日之登機證同埋出示AE CX Elite信用卡先入得,最正係睇條款連AE CX Elite附屬卡都有份啊!一向AE CX Elite都免費出附屬卡,出發前出定張卡俾親友一齊去食返個靚點心或者去食個蟹餅漢堡就啱晒。
仲有一點留意返,條款寫如果用咗張AE CX Elite食完呢個免費廣東點心套餐或者Root98 Grab嘅套餐就唔可以再入環亞貴賓室,不過我諗好多朋友都唔會得一張入Lounge卡,你有時間嘅可以嘆完呢個點心套餐,再用其他入lounge卡去環亞坐多陣(其他入Lounge信用卡→ 免費入機場貴賓室信用卡合集)。
本身「近水樓台」係環亞Plaza Premium嘅餐廳嚟,而呢間野本身有HSBC Business Credit Card都可以預約到去食2人點心拼盤,今次連AE CX Elite都可以去試玩下真係超正!
AE CX Elite近水樓台/Root98 Grab ‘n’ Go 優惠詳情
- 適用日期:2019年10月1日至2020年2月29日
- 適用信用卡:AE CX Elite基本卡及附屬卡會員,需要有當天登機証(出發及到達均可)
- 「近水樓台」優惠不適用於星期日及公眾假期
- 電話: 31532331 (無需預約可直入,但定到時間到達可以先致電預約,避免無位)
- 留意,按條款用完之後唔可以再用張卡入環亞機場貴賓室
- 返香港,落機之後都可以去食!無需預約
- 無得儲Arrture分
近水樓台地址及點心餐牌
- 機場世貿中心會所「近水樓台」
- 獲享指定廣東點心套餐一份
- 二號客運大樓機場世貿中心7樓 (未過Security and passport control架!但要拎咗登機証先用到)
- 如離境:記攞完登機証或online check in完可以拎埋張卡去
- 如抵港:keep返張boarding pass,落咗機拎埋張卡可以去
- 星期一至星期六上午10時至晚上10時(公眾假期除外)