【租好啲交租賺里數或現金回贈】於Rentsmart租好啲App錄卡交租有得賺里數或現金回贈❗️渣打信用卡仲做到12個月分期❗️

自從有租好啲Rentsmart App出現，可以隨時隨地用手機交租之餘，仲有App記錄返賬目，交租真係方便咗好多呀！最近Rentsmarts同渣打合作，以信用卡交租即可賺到里數或現金回贈，同日常簽賬一樣，以渣打Asia Miles信用卡交租即賺HK$4/里，而渣打Simply Cash都有1.5%現金回贈。交租真係可以算係每月嘅必要開支，用埋渣打信用卡每月都有得賺回贈嘅話，一年都可以賺多好多里數或者回贈㗎！

另外，渣打信用卡仲有個12個月分期嘅獨家優惠，簡單啲講即係渣打一次過預先幫你交12個月租，之後你再每個月當卡數咗就返比渣打就ok,變相就可以輕鬆啲唔洗咁大負膽一次過拎咁大舊錢出嚟啦！不過都要提提你，信用卡分期就點都要比返少少手續費，Rentsmart嘅分期每月都要比6.4%手續費，你用返渣打Simply Cash卡有1.5%現金回贈嘅話，手續費就只需4.9%，如果你一次過租夠一年又同業主啱咀型，佢肯減少少租比你嘅話仲可以慳更多添～經呢個App交租係係唔儲通知業主，不過就有機會交租後5日內業主先收到，所以都建議大家就返少少時間早啲交咗租先，避免啲不必要嘅誤會啦！

【租好啲Rentsmart交租賺里數或現金回贈詳情】

• 以渣打信用卡於Rentsmart交租，可享里數或現金回贈
• 渣打信用卡獨家12個月分期計劃，一次過預先幫你交12個月租，你可以每個月當卡數咗找返比渣打
• 租好啲每月分期手續費：6.4%手續費
• 適用信用卡：渣打Asia Miles信用卡(HK$4/里) 或 渣打Simply Cash卡(1.5%現金回贈)
• 下載Rentsmart App：https://www.rentsmart.com.hk/

✈️里數信用卡 (數字越低越好)

【恒隆商場優惠】Spend Together · 購物獎賞 以電子貨幣簽賬滿指定金額 享高達100%回贈

恒隆旗下嘅商場推出Spend Together購物優惠，只要登記成為「恒隆優惠網」會員及消費滿指定金額，即可換領自選商戶電子優惠券，今次優惠有兩個，其中星期一限定禮遇可享高達100%回贈添！不過呢個優惠係有限指定星期一，而最後一個星期一去到2020年9月7日，有嘢想買記得唔好錯過呀！另外，仲會有基本消費禮遇，呢個優惠係唔同恒隆旗下嘅商場嘅簽賬要求同回贈都唔同(詳見下文)，優惠期由即日起至2020年10月31日，大家嚟緊去恒隆旗下嘅商場消費不妨睇下自己簽得夠唔夠，夠嘅話記得去兌換電子現金券下次用啦！

想知更多商場優惠，快啲重溫返商場優惠合集！

【恒隆商場Spend Together優惠】

• 推廣期：即日起至2020年10月31日
• 換領時間：中午12點至晚上10點
• 登記成為「恒隆優惠網」會員及消費滿指定金額，可換領自選商戶電子優惠券，高達100%回贈
• → 登記成為會員
• 適用商場：Fashion Walk、Grand Plaza雅蘭中心、Hollywood Plaza荷李活商業中心、Gala Place家樂坊、Peak Galleria山頂廣場、Amoy Plaza淘大商場、Kornhill Plaza康怡商場
• 優惠詳情：https://www.hanglung.com/getmedia/7dcb1ac1-c7fc-4fd9-bea2-6563f1c704ab/Shop-together-3-0-For-e-promo_R2.aspx

✨星期一限定禮遇，高達100%回贈：

• 逢星期一的首10名換領顧客，先到先得
• 適用日期：9月7日
• 累積最多三張即日電子消費單據
• Fashion Walk：
• 簽賬滿HK$6,000或以上：享HK$6,000電子優惠券
  • 可自選六間商戶之電子電金券
• 簽賬滿HK$2,000或以上：享HK$2,000電子優惠券
  • 可自選四間商戶之電子電金券
• Grand Plaza雅蘭中心、Hollywood Plaza荷李活商業中心、Gala Place家樂坊：
• 簽賬滿HK$6,000或以上：享HK$6,000電子優惠券
  • 可自選六間商戶之電子電金券
• 簽賬滿HK$800或以上：享HK$800電子優惠券
  • 可自選兩間商戶之電子電金券
• Peak Galleria山頂廣場、Amoy Plaza淘大商場、Kornhill Plaza康怡商場：
• 簽賬滿HK$2,000或以上：享HK$2,000電子優惠券
  • 可自選四間商戶之電子電金券
• 簽賬滿HK$500或以上：享HK$500電子優惠券
  • 可自選兩間商戶之電子電金券

🛍基本消費禮遇

• 累積最多三張即日電子消費單據
• Fashion Walk：
• 簽賬滿HK$6,000或以上：享HK$3,000電子優惠券
  • 可自選六間商戶之電子電金券
• 簽賬滿HK$2,000或以上：享HK$200電子優惠券
  • 可自選一間商戶之電子電金券

【BNO申請、續領教學2020】申請條件、步驟、所需文件、副簽要求、費用及郵寄程序懶人包

相信好多朋友最近都打算申請或者續領返BNO(英國國民(海外)護照)，如果你係1997年之前曾經持有BNO或者你父母持有BNO而護照內「included child」一欄內有填過子女姓名都一樣可以申請或續領返。申請手續簡單，經網上申請只需填寫個人資料及上載證件相就ok。以下就會一條龍為大家講下申請條件、所需文件、步驟、所需文件、副簽要求、費用及郵寄程序，等大家可以跟住步驟renew返本BNO 啦～

BNO申請教學

• BNO申請資格
• 網上申請BNO步驟
• BNO照片要求
• 申請BNO護照費用
• 所需申請文件
• BNO副簽要求
  • 需要副簽的BNO申請
  • 副簽要求(Countersignature)
  • 副簽手續

1.BNO申請資格

• 1997年7月1日或之前成功申請BNO的香港人(已過期亦可申請續領)
• 父母有BNO，於護照內「Included Child」一欄內有填過子女姓名(未申請過亦可以申請返)
  • 子女出生日期需於1997年7月1日或之前
  • 子女可從「First British Passport」申請BNO
• 現不接受新申請，所有1997年7月1日後出生的香港人不能申請BNO

🔥🔥🔥如果唔確定自己有無BNO身份，不妨Send Email去英國護照署查詢一下:

• 英國護照署Email：[email protected]
• 主題：SAR（Subject access request）- British passport（Overseas）
• 內容：查詢自己有無BNO資格，提供基本個人資料包括姓名、出生日期、出生地點，最後將身份證upload埋去附件後寄出
• 英國護照署會以電郵或信件型式回覆，一旦確認為合資格BNO申請人，就可以正常程序申請。

2.網上申請BNO步驟

Step 1:如果現居香港或英國以外地區，撳No後填返現居地。

Step 2：申請人出生日期

Step 3：如果係續領(Renewal）BNO，撳YES/ 如果係申請BNO，撳NO

Step 4:如果BNO護照已遺失或被盜，撳No

Step 5: 填返BNO內嘅issue date，***如果你嘅簽發部門並非UKPS、UKPA、HMPO或IPS，例如Passport Office HK就要撳返Others。

如填Others，需要填寫返有否申請歸化入籍英國證明

Step 6：BNO無損壞嘅話，撳NO