【好氣Fun快閃至wow優惠】Towngas Fun $999換購Dyson Supersonic™風筒！煤氣公司網上換購平台精選人氣商品低至1折！

「好氣Fun」為咗感謝大家一年嚟嘅支持推出快閃至wow優惠呀🔥！由即日起至2021年5月14日，將連續四個星期五都為會員推出超抵快閃優惠，當中多款人氣產品包括AirPods Pro、Dyson Supersonic™風筒、安記溏心即食網鮑魚等等都可以用積分＋超抵價換購，部份產品更低至 1折添！優惠數量有限，售完即止。唔想錯過超抵價換購心水產品嘅話，記得like「好氣fun 」Facebook page 同開定App內推送通知mark實個開售時間啦。以下就畀大家預先睇下4月嘅精選產品啦！

【ipaymy開戶優惠】中小企必備 靈活周轉仲可以賺信用卡回贈！經里先生邀請碼「MM178」開戶首次交易手續費低至1.78%

ipaymy係一個信用卡繳費平台。呢條新加坡過江龍落戶香港冇耐，都屬於一個比較新型嘅產品。佢主要係針對個人客戶同中小企老闆，等老闆們可以透過信用卡繳交一啲唔接受信用卡付款嘅恆常開支，包括一次性和重複性付款，例如租金、供應商發票同管理費等等。

用戶可以向幾乎任何人付款，只要收款人有商業登記號同喺本地銀行開嘅公司銀行帳戶就可以。收款人唔需要開ipaymy戶口都可以接受付款！

點解越來越多老闆選擇用信用卡應付營運開支？

1）資金周轉更靈活

做過老闆，都一定體現過「人有霎時之手」嘅時刻。當資金流入或收益來得比預期慢，但各項開支帳單又殺到，一時周轉不靈，找唔到數，唔單止影響信譽，更分分鐘被人罰款。問銀行借又未必來得切，呢個時候，你銀包裡面嘅信用卡就可以幫你解決呢個問題！

用信用卡起ipaymy平台繳款，你可以利用信用卡嘅特性，自製「期數」（還款寬限期）。

舉個例子，如果信用卡每個月的截數日為每月的最後一日，假設你於4月1日截數日前透過ipaymy平台繳付供應商帳單。ipaymy會於當天在用戶的信用卡扣帳，用戶無需即時動用現金繳費，ipaymy會代以銀行轉帳形式先向戶主繳付該租金。該款項會記錄在4月30日的月結單內。如果信用卡的還款日期設定為月結單日起計之25日，即用戶可以等到5月25日才真正需要付款，變相你賺左長達55日免息還款期。資金靈活啲自然做嘢都順手啲啦。

2）更快賺取信用卡回贈

有冇試過覺得碌卡賺獎賞嘅過程好漫長？用信用卡起ipaymy繳款平台交大額款項，獎賞就來得更爽快！你可以向幾乎任何人付款，只要收款人有商業登記號同喺本地銀行開嘅公司銀行帳戶就可以。收款人唔需要開ipayme戶口都可以接受付款！平時只可以用銀行過數嘅款項，例如租金、按揭、人工、裝修費等，依家都可以攞埋嚟賺獎賞。如果您擔心用完平台冇得到任何積分，放心，ipaymy提供獎賞保證計劃，會全數退還交易費。睇呢度了解詳情。

ipaymy呢個平台起香港好少聽，安唔安全？

雖然ipaymy起香港落戶冇耐，但起新加坡已經服務過好多老闆同用戶，安全性經過認證，符合最高級別的支付卡行業數據安全標準（PCI-DSS）！ipaymy係唔會存儲敏感嘅卡資料，並且數據已使用加密技術保護。係安全性上唔洗擔心！

依家用里先生邀請碼「MM178」申請開戶，首次交易手續費只需1.78%! 平時要2.6%手續費，平咗差唔多三分之一！

申請連結：MrMiles.hk/ipaymy-apply
記得用里先生邀請碼：「MM178」開戶先有首次交易1.78%手續費迎新啊！

ipaymy優惠詳情

經里先生邀請碼「MM178」開戶，先有首次交易1.78%手續費迎新優惠

推廣期：即日起至另行通知

• 里先生開戶邀請碼：「MM178」
• 申請連結：MrMiles.hk/ipaymy-apply
• 成功免費開戶後，只要在首次交易付款時輸入里先生邀請碼，成功開戶後首次交易手續費只需1.78%！！（平時要2.6%）
• 條款及細則：
  1. 用戶必須使用香港發行的Visa / Mastercard /銀聯 信用卡付款。
  2. 優惠碼只可使用一次，只適用於新用戶的第一筆付款。
  3. 優惠碼須於開戶後一個月內使用，只適用於一次性付款。
  4. 優惠碼不適用於已成功繳付的款項。

ipaymy推薦計劃獎賞

• 即刻邀請朋友開戶！推薦朋友雙方可獲手續費減免(用咗以上里先生代碼就拎唔到呢個獎賞)
  • 個人賬戶HK$250
  • 商業賬戶HK$1,200
  • 手續費將會喺下次用ipaymy比錢嘅時候扣除
• 受薦朋友會係首筆付款獲得手續費減免

【Planto理財App】要收費喇！幫助管理信用卡積分 自動記賬及消費分析

先前一直有用理財App「Planto」都OK，一次過可以睇哂啲戶口幾錢同埋消息分類等。而且可以睇埋儲咗幾多里數、信用卡積分或者現金回贈，仲有樣好既係到期日前會發出通知，同埋信用卡繳費到期日。

無錯優點都幾多，但比較遺憾係個Planto App現時都未係可以堂堂正正攞到銀行嘅授權登入用戶賬戶攞資料。而現時攞資料嘅方式都只係以「客戶」名義去拎，啫係你要輸入ebanking login and password，而「相信」Planto呢間公司唔會去盜用或濫用你嘅資料。現時Planto都要開始收費，每月HK$48或每年HK$478，唔再係免費用唔用都真係都睇有幾大需要喇！

Planto安全嗎？

我唔期望呢個世界係有免費午餐，費用事少，係咪安全先事大。Planto App現時都未係可以堂堂正正攞到銀行嘅授權登入用戶賬戶攞資料。而現時攞資料嘅方式都只係以「客戶」名義去拎。安全性嚟講就真係睇你信幾多，講就話啲加密技術幾得又做咗咩audit，但係說到底我係唔識分。穩陣啲講就唔去連結晒所有戶口囉，有日常開支果啲賬戶先去連結。

Planto 理財App功能介紹

1.信用卡積分管理

好多人都有幾張信用卡係手，啲積分里數分開儲有時都好難計到自己到底儲咗幾多。而呢個理財App就link到大部分信用卡及Asia Miles戶口，打開個App就一目了然，清楚睇到自己儲左幾多里數、積分及現金回贈。仲有樣好就係到期日前發送推送通知提醒你，免得儲番黎既積分付諸流水，岩哂啲無咩記性既朋友。

使用方法：

1. 首先連結Planto賬戶
2. 係賬戶頁面中點擊「信用卡積分」
3. 即可睇哂里數、積分、現金回贈詳情

2.信用卡自動記賬及消費分析

有時信用卡太多，要整理自己既簽賬都真係幾麻煩。Planto除咗可以整理信用卡積分同里數。link咗信用卡後，系統可以自動記錄信用卡所有支出，分門別類地記賬，等你可以更清楚了解到自己既消費模式，同時可以提醒自己謹慎消費，慳番啲錢。呢個App仲會提你準時交卡數，連被收取信用卡手續費同年費都一樣會收到通知，用咗呢個功能，理財就輕鬆方便得多！

使用方法：

1. 首先連結Planto賬戶
2. 係賬戶頁面中點擊「信用卡」
3. 即可睇信用卡結欠、到期日及分類支出等

3.其他熱門功能

• 訂立自選理財目標，Eg：儲首期、儲錢去旅行
• 按用戶財務狀況
• 提供多種消費及儲錢分析報告
• 連結強積金賬戶
• 連結投資、貸款、按揭、保險賬戶

4.系統安全

Planto安全政策：

• 採用與銀行同級嘅AES 256技術加密數據
• 財政數據只會匿名儲存在Google雲端，由Google 最嚴格的私隱政策及系統保護
• 的登入名稱及密碼，只有賬戶本人可讀取
• 定期進行審核及受保於網絡安全保險

講係咁講但都老實講作為用家係無從認證，你只能信Planto呢間公司唔會去盜用或濫用你嘅資料。

關於Planto

Planto是香港的金融科技企業，為新世代帶來革命性、結合大數據的智能個人理財平台。Planto獲香港大學創新及創業中心iDendron、數碼港、以及來自英國、加拿大和本地的資深投資者支持，目標是助香港人簡易地理財，實現人生目標。 有興趣試下用或者想了解更多可以去Apple Store或者Google play 下載。

【香港Staycation 基本禮儀 Dos & Don’ts】去香港酒店住返晚有咩要留意？做好自己就確保你玩得開心又安心！

近排真喺好興Staycation，唔少情侶、朋友閨蜜、一家大細都去酒店放鬆吓chill吓！可能你都睇到網上有條片見到半島間房俾住客搞到房唔似房，真喺有啲嬲。去玩開心固然喺緊要，但都要顧及其他住客同酒店職員嘅感受，免得做咗「西客」。大家去Staycation都喺想放鬆，只要互相尊重企喺別人角度諗吓，其實已經可以免卻好多唔愉快嘅事件。都喺個句，己所不欲，勿施於人，做返個正常人就可以！

印象深刻嘅電視廣告成日講「今時今日咁嘅服務態度唔得架！」事實上呢句說話有少少單向，做俾錢果個固然要收到應有服務態度。里先生都同你講「今時今日做個西客係唔得架！」服務你果個都同樣應該被禮貌對待或者叫做服務緊一個正常人而唔係「西客」，想被人尊重，唔該你都做返個Nice客。有時有啲嘢做咗人哋唔出聲話唔代表啱，只係酒店費事同啲西客嘈想解決事情啫。今次就講少少香港Staycation Dos & Don’ts，其實都喺個人意見，唔喺絕對正確，旨在想俾大家了解吓Staycation熱潮下唔同人嘅角度諗法，無論你係客人還是酒店同仁，你有想法意見的話都歡迎補一補俾我，可以留言或者PM同我講~~

👼🏻Staycation－Dos

1. 保持房間清潔，走時盡量維持原狀

呢個point相信大家都理解，唔喺話要你幫酒店員工執埋房，而喺盡量維持返間房嘅基本清潔，你住個陣舒服乾淨啲，清潔部員工又執得爽手，何樂而不為呢？

2. 耐心等侯，跟規矩排隊

近排咁興Staycation，其實各大酒店都真喺好爆好忙，如果到咗星期六日紅假更加係人山人海，先前我去到半島酒店都唔例外…所以唔同服務，例如check-in、check-out、執房等等時間耐咗都唔係無道理，就好似你旺季去旅行check-in登機都要排耐咗咁解啫。所以大家俾多啲耐性等侯排好隊，出嚟玩都喺想放鬆吓，唔洗咁燥嘅～

一分錢一分貨，可以提提大家真係完全唔想排嘅咪洗多啲錢訂Club Room或套房，一般高級啲既酒店都會有Club Lounge俾客人安坐等check-in，如果係最平房或者平package…又真係要low低少少expectation排下隊喇…

3. 盡量控制同行小童及公眾地方保持安靜及儀態

Staycation最啱一家大細去㗎啦！完全明白有時小朋友唔喺咁容易控制，喺酒店不論喺去食自助餐、游水，Club Lounge等公眾地方，都請大家盡量管教小朋友，唔好橫衝直撞或者大叫，確保你嘅小朋友安全之餘，仲可以尊重返其他嚟玩嘅朋友同酒店員工～

唔好話小朋友，有時太high可能成年人都唔覺意失禮咗。係公眾地方，特別係Club Lounge果啲靜靜地嘅地方就大人細路都好，都真係靜靜地保持返應有儀態免得失禮人。如果一時唔覺意high咗被酒店職員提醒的話都好收一收講返聲唔好意思喇~~

4. 記低好員工嘅名，填返相關問卷同評價

服務行業為顧客為先，所以都好重視客人嘅意見，唔少酒店喺入住之後都會send返email請大家填返問卷，我嘅習慣係遇到好員工嘅時候會記低佢地嘅名，再喺問卷寫返個事實讚吓人地，俾人哋做都做得開心啲吖！但記住呢啲問卷10分滿分嘅話，通常合格準則喺9分，你俾8分以下嘅話其實係好心做壞事…所以大家都唔好吝嗇自己嘅讚美，appreciation從來都冇人嫌多㗎！另外如果覺得住完酒店好滿意，都不妨去TripAdvisor俾返評價，呢樣嘢對有心做好嘢嘅員工同酒店嚟講都好重要㗎！

5. 帶備叉電線或一般未必由酒店提供之物品

出去住返一兩晚都應該要叉叉部電話，有酒店本身會配備叉電線，但呢個唔係必然架，既然staycation當旅行就執齊行李，唔好諗住酒店就乜都俾到你啊！都可以講埋應該唔少人都鐘意拎支酒去酒店嘆下，都提一提因為衛生問題，現時酒店房未必default會有bottle opener，如果要嘆下酒嘅話最好拎埋，免得又要問酒店拎啦~~

😎Staycation－Neutrals(可圈可點)

1. 生日/特別日子要求免費額外禮品/服務

其實個人覺得生日或者有特別日子慶祝禮貌地講聲俾酒店知喺合理，有唔少酒店訂房時仲特登加一欄Remarks俾你寫添。係唔爆嘅日子的確係好多星級酒店都會有升房俾忠誠會員或者有啲complimentary俾返客人(免費禮遇，行內應該叫comps)，但同時你都要明白人地俾你喺人情，唔俾你喺道理，上唔到套房/高級房就嬲嬲其實某程上你已經成為咗個西客。如果員工真喺俾唔到你就算啦，唔好死R爛R，盞搞到大家都難做。而且唔好要求太過份死要拎嘢又威脅人要投訴，始終人哋做生意都唔係下下可以俾到免費嘢～

Source: Facebook－香港酒店工會 Hong Kong Hotel Employees Union

我有見過網友反映去酒店慶祝Anniversary但嚟咗個Cake係Happy Birthday，無錯，係笑話嚟而酒店方的確有啲肉酸。但我都想講講現時酒店要接多咗香港人客staycation，唔少人都特別日子先會去住下，要應付咁大「慶祝」需求都唔容易。如果係送嘅Cake呢啲少少問題我覺得就算數啦，本身已經係酒店俾嘅免費嘢，呢加全民Staycation唔做死整餅果個都做死派餅果個…唔放心嘅就自己帶Cake查清楚先包無甩拖。

2.拎amenity

相信大家去酒店住都會拎走一啲amenity，例如梳啊牙刷啊咁樣，有人想留嚟做紀念，有人純粹覺得呢啲旅行裝好方便，之後都會用得著，拎amenity我都係覺得可以理解。但留意都要適可而止，唔好太貪心，拎完基本配備果份唔夠仲要叫call to ask，試想吓如果個個都咁做，酒店同員工其實都好難做㗎。

3.屈蛇

個人覺得訂間房招呼朋友都合理，尤其是book咗間suite有房又有廳，真喺啱哂朋友去gathering，但同時留意屈蛇都要顧及其他住客感受，留意返酒店嘅規定，去過有啲過咗11pm就要加收人頭費，咁我認為11pm-12pm前散嘅都合理，但過夜就唔好啦。將心比己，如果你隔離個間房成日有人出出入入，又嘈又性，你都玩得唔盡興啦，一層咁多房，一間房影響哂咁多住客都真喺唔要得㗎！如果真喺有人嚟提醒你地，就自動自覺散band，唔好再拗啲咩令大家都難做啦。

Source: Facebook－香港酒店工會 Hong Kong Hotel Employees Union

4. 俾Tips酒店職員

喺香港住酒店其實我從來無覺得酒店員工有R tips嘅感覺，但如果你覺得有職員好好嘅都不妨俾tips鼓勵吓。都知道而家電子錢包好方便，所以唔少人可能身上都無散紙，有心俾tips的話下次去staycation不妨都帶定少少散紙可以用嚟俾tips啊！… >>於新分頁打開全文 “【香港Staycation 基本禮儀 Dos & Don’ts】去香港酒店住返晚有咩要留意？做好自己就確保你玩得開心又安心！”