DBS Black American Express Card 迎新享高達10%現金回贈或HK$400「一扣即享」網上簽賬限時HK$3＝1里

(現時先攞DBS Black Mastercard成為舊客再攞呢張DBS AE都有$400一扣即享啊！) 講到門檻低又想儲里數嘅DBS Card，相信好多人都諗到DBS Black World Mastercard，但其實仲有張DBS Black American Express Card，想當年呢張真係神卡嚟，我無記錯想當年我認真儲里數嘅第一張卡就係DBS Black American Express Card。啱啱見DBS更新咗張DBS Black AE Card既迎新我都有啲驚訝，近年呢張卡的確係少咗awareness，見佢更新咗一於都同大家分析下有咩competitive advantage等大家可以參考下攞邊張DBS Card先。

迎新方面，DBS Black AE今期迎新改為現金回贈，新客同現有客都一樣享受到。新客戶可享迎新期兩個月內享10%零售簽賬回贈，回贈上限為HK$600(簽HK$6,000就到頂）。而現有客戶就有高達HK$400「一扣即享」回贈，只要係迎新期內每簽賬HK$100或以上，即享HK$100「一扣即享」回贈，迎新期內可享回贈四次，變相係零成本送HK$400比你洗㗎。

而DBS Black AE Card都一樣好flexible，DBS$唔會到期之餘仲可以換到Asia Miles/Avios/新航KrisFlyer/國航鳯凰知音，仲一樣可以換到DBS iGO Rewards，基本上想換去任何地方嘅機票都唔成問題！另外，呢排仲推出咗個網上簽賬優惠，只要累積網上簽賬滿HK$1,000，即可享HK$3＝1里。平時網上簽賬需要HK$6=1里，變相可以賺多一倍里數，優惠做到2020年7月31日，呢排網購嘅話就記得集合埋用呢張卡簽賬啦！仲有，多咗美國運通卡專享禮遇同歐美網站shopping直送到港既送貨優惠，無論想去海外消費定係網上購物都有唔同優惠。

⭐️如果想賺盡HK$800迎新，新客不妨開咗DBS Black World Mastercard先，呢期經里先生申請可享額外HK$400超市現金券，成功開卡後先再申請DBS Black AE卡，再賺埋HK$400「一扣即享」嘅迎新回贈啦！

---

DBS Black AE Card索引(按入向下彈)

• 第一部分：DBS Black AE Card 年薪/年費/迎新
• 第二部分：DBS Black AE Card 優回缺點及基本資料
• 第三部分：DBS Black AE Card 魔鬼細節

---

DBS Black AE Card 年薪/年費/迎新(第一部分)

DBS Black AE Card年薪及年費

• 官方話年薪要求HK$240,000 (實際上批得鬆，有例子$1X萬都申請到)
• 寫到明豁免首年年費
• 唔好玩啦，豁免唔到邊個keep卡啊！ – 電話: 2290 8888 (我自己習慣耐唔耐睇下卡面個Valid Thru 月份，夠期就打去)

DBS Black AE Card迎新

• (新客)高達HK$600現金回贈或(現有客)HK$400「一扣即享」
• 於2022年11月30日前申請
• (新客)合資格新客戶於發出新卡的日期後2個月內以新卡進行零售簽賬可享10%現金回贈，回贈上限$600(簽HK$6,000到頂)
• (現有客)合資格的現有客戶完成高於HK$100的合資格簽賬交易後，HK$100「一扣即享」將自動推送予客戶，優惠分為4次發送，合共HK$400
• 限時網上簽賬優惠：由即日起至2020年7月31日，只要網上簽賬累積滿HK$1,000或以上，即享HK$3＝1里數優惠兌率

DBS Black AE Card迎新里數到手時間及轉換收費

• 積分將於簽賬期完結後3個月內存入(啫係你一收卡就簽夠HK$5,000，銀行都有權5個月後先俾積分你！！！魔鬼在細節…)
• 基本得分於有關簽賬誌賬後直接存入DBS$戶口
• DBS Black AE Card轉換里數手續費全免
• 轉換Asia Miles/Avios/KrisFlyer/鳯凰知音約3-8個工作天存入

DBS Black AE Card認可迎新簽賬

• (本地)所有已誌賬的本地零售交易
• (本地)食肆簽賬算係零售一種
• 海外簽賬(以外幣結算)
• 已誌賬之分期付款金額

DBS Black AE Card非認可之迎新簽賬

• 非香港註冊商戶港幣交易Cross border fee (CBF)，包括DCC
• 八達通自動增值
• iBanking網上繳費(交稅，非指定基金供款肯定唔得喎！)
• 現金透支、信用卡結餘轉賬之金額、電子錢包增值(PayMe唔得啊！)
• 以上為重點，如果有大額簽賬可翻查第三部份條款

---

DBS Black AE Card 優點缺點及基本資料(第二部分)

DBS Black AE Card優點

• 有得換Asia Miles/Avios /KrisFlyer/鳯凰知音，夠flexible！
• 對比渣打AM同東亞Flyer world批卡比較容易，年薪要求低都仲做到HK$6=1里
• 積分無限期，轉DBS$去積分特快
• 兌換里數免手續費
• 機場禁區Relay經緯憑卡送你HK$15報紙/雜誌(可補差價)
• 有DBS黑卡可以用到DBS提供嘅酒店折扣代碼
• Expedia、hotels.com、Agoda 預訂酒店折扣優惠
• KKday旅遊產品高達3折

DBS Black AE Card 缺點

• iBanking繳費無里數
• 食飯都係得HK$6=1里
• 網上交易中非香港商戶用港幣交易(CBF, 包括DCC)無里數，但唔收charge (東亞要收1%！)
• 八達通自動增值HK$18=1里，每日增值得HK$250

Asia Miles/Avios/KrisFlyer日常簽賬所得里數

• 食飯簽賬: HK$6 = 1里/Avios (HK$83.3 = DBS$1)
• 本地簽賬:HK $6 = 1里/Avios (HK$83.3 = DBS$1)
• 海外簽賬: HK$6 = 1里/Avios (HK$83.3 = DBS$1)
• 八達通自動增值: HK$18 = 1里/Avios (HK$250 = DBS$1)
• iBanking網上繳費: 無 (水費電費交稅交保費乜都無啊！)
• 網上購物: HK$3* = 1里, 但CBF無積分，啫係登記或結算地所在地於香港以外的商戶以港幣交易都無(除非你好肯定你買野果間係香港商戶，唔係就唔好搏！當佢全部於跨國企業網上購物都無啦！)→香港以外的商戶清單

*限時網上簽賬優惠，網上簽賬累積滿HK$1,000，即享HK$3＝1里。優惠期至2020年7月31日。

DBS積分有效日期及轉換至里數戶口時間

• DBS$無限期
• DBS$轉換至里數戶口時間約3-8個工作天
• 利用無限期+轉里數夠快嘅特性，提提你可以等到要用先換去Asia Miles戶口(因為得三年有效)，唔洗同佢急

DBS Black AE Card 其他優惠

• Expedia 訂房長期91折
• 係機場禁區(出境)RELAY書店出示DBS Black Card及登機證，即可免費換領價值$15報章/雜誌一份，超出左就補錢
• Hotels.com訂房92折
• 長期有得用→Agoda code折扣優惠代碼
• 歐美網站shopping直送到港，MyUS.com免費首兩年特級會員及7折運費
• 美國運通卡→ 尊享禮遇(例如食飯有折)
• Klook高達95折優惠

---

DBS Black AE Card 官網迎新魔鬼條款細則TnC(第三部分)

注意！由於以下字太多既關係可能令閣下情緒不安。其實上面所寫既已經係簡化左既條款，以下可以作參考或日後翻查既條款及細則(節錄自銀行官方網站):

合資格迎新

1.「本地簽賬」指所有於香港及澳門的銷售點（就網上交易而言，指商戶的登記及/或結算所在地）所進行及已誌賬的港幣及澳門元零售簽賬。為免產生疑問，以下類別的交易將不屬於本地簽賬：非港幣或澳門元交易、現金透支及有關手續費/行政費、八達通的申請費/手續費及自動增值金額、籌碼兌換、外幣兌換、財務費用、沖正簽賬、逾期費用、信用卡年費、「迅用錢」、「結餘轉戶」、「現金轉戶」、「輕鬆分期付款」計劃、「先簽賬後分期」計劃、於香港以外的銷售點（就網上交易而言，指商戶的登記及/或結算所在地）所進行的港幣交易（「DCC交易」）、繳付保險費用、繳付稅項、「電子錢包增值」（如PayMe及WeChat Pay）、透過「星展iBanking網上理財」/銀通櫃員機的「繳費易」服務/24小時新客戶服務熱線或其他不時由本行指定的方法進行的任何繳費交易、已被取消的簽賬、正在進行索償、退貨及/或退款等的簽賬或本行不時指定的其他類別的簽賬。就以信用卡免息分期貸款完成的本地簽賬，只計算已誌賬的每月供款。

2.「海外簽賬」指於香港以外的銷售點（就網上交易而言，指商戶的登記及/或結算所在地）所進行及已誌賬的外幣零售簽賬（不包括澳門元）。就本迎新禮品而言，澳門元的零售簽賬將計算為本地簽賬，而DCC交易並不計算為海外簽賬。為免產生疑問，以下類別的交易將不屬於海外簽賬：現金透支及有關手續費/行政費、籌碼兌換、外幣兌換、沖正簽賬、繳付保險費用、「電子錢包增值」（如PayMe及WeChat Pay）、已被取消的簽賬、正在進行索償、退貨及/或退款等的簽賬或本行不時指定的其他類別的簽賬。

Source： 官網條款

適用於新客戶的 “10%現金回贈”

• 現金回贈計算將進位至整數金額。現金回贈將於簽賬期結束後3個月內直接存入新客戶的新卡戶口，並顯示於月結單上。
• 在計算現金回贈時，將根據在推廣期內成功申請的每張新卡所進行的合資格簽賬獨立計算。即使新客戶成功申請多於一張新卡，以不同的新卡進行的合資格簽賬也不得合併計入簽賬要求內。經新卡的任何附屬卡進行任何合資格簽賬交易的金額將與新卡的主卡的合資格簽賬金額合併計算現金回贈。

適用於現有客戶的 “高達HK$400「一扣即享」金額”

• 「一扣即享」金額將在合資格的現有客戶以新卡簽賬，當交易顯示於DBS Omni的Timeline時，經DBS Omni所推送的紅色「一扣即享」按鈕贈予合資格的現有客戶。電子錢包（包括但不限於PayMe、WeChat Pay及支付寶）的增值及透過電子錢包付款的零售交易不會被視為可獲推送紅色「一扣即享」按鈕的簽賬。
• 合資格的現有客戶必須開啟DBS Omni的「一扣即享」通知，方可接收推送通知。
•  「一扣即享」金額將分次（每次HK$100）於合資格的現有客戶完成高於HK$100的合資格簽賬交易後，自動推送予合資格的現有客戶。合資格的現有客戶可使用收到的「一扣即享」金額經DBS Omni的「一扣即享」功能扣減該交易的應付金額。倘若合資格的現有客戶於新卡發出日期後2個月內未有以新卡完成可享用「一扣即享」金額的交易，則當作放棄該迎新禮品，本行恕不作出任 何特別處理及任何形式的補償。為免產生疑問，請參考以下的範例： 假設現有客戶的新卡於2020年5月4日發出，其後在2020年5月16日下載DBS Omni，並登記及啟動DBS Omni帳戶，於下列日期以新卡在零售商戶消費，下表展示在此個案下，現有客戶可獲得的迎新禮品金額：

平日合資格簽賬

「合資格簽賬」包括所有已誌賬的零售交易及認購指定基金。就信用卡免息分期貸款下的購物交易，當供款金額誌賬入信用卡賬戶時，持卡人可賺取 DBS$。為免產生疑問，以下類別的交易並不屬於合資格簽賬：現金透支及有關手續費／行政費、籌碼兌換、外幣兌換、財務費用、沖正簽賬、逾期費用、信用卡年費、「迅用錢」、結餘轉戶、「現金轉戶」、「輕鬆分期付款」、於香港以外的銷售點（就網上交易而言，指商戶的登記及／或結算所在地）所進行的港幣交易、繳付保費（不適用於宏利信用卡）、繳付稅項、透過「星展 iBanking 網上理財」、銀通櫃員機的「繳費易」服務或其他不時由本行指定的方法進行的任何繳費交易、已被取消、正在進行索償、退貨及／或退款的簽賬或本行不時指定的其他類別的簽賬。

Source：PDF

DBS Black AE Card FAQs

DBS Black AE呢期有咩迎新優惠？

新客戶：首兩個月迎新期內享10%簽賬回贈，最高享HK$600現金回贈
現有客戶：HK$400「一扣即享」，每次合資格簽賬滿HK$100或以上即享HK$100「一扣即享」，優惠可用4次

DBS Black AE 年薪要求高唔高？

呢張卡門檻唔算高，年薪HK$24萬，而且批卡都幾寬鬆。

我玩開電子錢包，想問DBS Black會唔會賺到里數？ 

呢張卡就儲唔到啦。想玩電子錢包可以申請DBS Black World Mastercard。

---

DBS Black AE Card分析三步曲(按入向上彈）

• 第一部分：DBS Black AE Card 年薪/年費/迎新
• 第二部分：DBS Black AE Card 優回缺點及基本資料
• 第三部分：DBS Black AE Card 魔鬼細節