商戶註册收款地列表 CBF清單 | 以港幣支付海外商戶手續費Cross Border Fee點解信用卡月結單上有1%手續費？

10 October 2024 里先生信用卡比較, 里數攻略知識教學

商戶註册收款地列表|留心以港幣支付海外商戶手續CBF(唔係DCC)

點解信用卡月結單上有1%手續費？可能你已經中咗(Cross Border Fee, CBF)！有一堆商戶都會係咁，常見就如Uber/ Airbnb/ iHerb又或是Agoda都有機會中。

先Disclaimer咗，以下資料為里先生從公開資料及個人經驗收集，只作參考用途，一切以銀行出單為準。商戶收款註册地隨時會變，如果最後唔係下表所列之結果請唔好怪我…

RECAP 以港幣支付海外商戶: (不準確叫法為DCC) 有銀行稱為跨境港幣交易費 cross-border fee (“CBF”)，有部份銀行會免收有關費用。常見於網上交易(該商戶為跨國企業，收款地為海外)，用錯信用卡會被收取1%手續費或無積分。未知咩係CBF睇返→外幣簽賬手續費CBF/DCC，你是以港幣支付海外商戶。所以如果你海外實地簽賬中咗DCC，香港某些銀行會補多腳收多你一次CBF約為1% (收費表)。有關的手續費會於銀行月結單以另一條交易顯示。要避免CBF最難嘅地方係網上交易時分辨出到底個商戶係唔係海外商戶，下表作參考希望幫到你！即使用外幣高回贈信用卡都無用，因為CBF係用HK$嚟收你錢。

#如有錯誤之處請糾正里先生，可以同里先生講返啊~~

60杪短片快速理解何謂CBF (Cross Border Fee)

在 Instagram 查看這則貼文

里先生 MrMiles.hk ｜信用卡里數理財攻略（@mrmileshk）分享的貼文

豁免CBF信用卡

如果唔肯定你買緊既商戶係咪「海外註册，港元支付簽賬」的商戶，可以用以下幾張網購信用卡，因為佢哋都唔會有CBF

跨境交易CBF例子: Agoda

相信大家book酒店都用幾多Agoda優惠，無他的，幾間大嘅OTA包括Expedia, Hotels com等幾間比較完扣埋酒店promo code 見到Agoda都係平啲咪用佢。

如果你諗住用Agoda book酒店食埋HSBC最紅冬日賞就要留意喇！攞返最紅大折日時嘅例子，上圖HK$1222.55果條交易係咪食唔到Promotion？答案：按條款的確係食唔到的，因為個註冊地係SG而用咗港幣簽賬，咁就伏咗啦，因為大折日/冬日賞條款海外簽賬（或大部份銀行海外簽賬嘅定義）都需要達到2個條件：

非港幣交易；及
海外註冊地

如果其中一個條件唔中都唔算外幣/海外交易，係單腳呢種情況叫做中咗Cross Border Transaction，係promotion角度唔中本地又唔中海外，可以叫做兩邊不是人。某啲銀行如Citi及DBS對呢啲交易唔會俾任何積分，又或有啲銀行要收1% charge (又稱CBF, cross border fee)。有一堆商戶都會係咁，常見就如Uber/ Airbnb/ iHerb，而Agoda最伏，因為無路捉同一張卡同一個網都可以出2個唔同註冊地….

跨境交易CBF例子: iHerb

如果用咗有CBF既卡買iHerb就會好似呢到咁被收多1%-1.95%