我諗今日(2025年3月12日)大家都見國泰公布2024年全年業績公告，集團有錢賺HK$99億應佔溢利(2023:HK$98億) ，當中大家個focus可能反而去咗香港快運虧損HK$4億(2023:溢利HK$4.3億)，阿仔輸錢阿媽嚟頂呢啲狗血劇情既花生梗係要食下。除咗賺錢蝕錢呢啲數字嘢，份報告其實都仲有好多嘢睇，配合埋國泰買新飛機/7年投資HK$1,000億計劃，加加埋埋我玩咗半日唔覺意就歸納咗18個Points出嚟。
國泰航空業績公布2024：經營相關
- 國泰集團於2024年錄得應佔溢利98億8千8百萬港元，較2023年增加1.0%。
- 2024年全年收益為1043億7千1百萬港元，較2023年增加10.5%。客運收益為685億8千9百萬港元，較2023年增加11.6%。
- 國泰航空及香港快運於2024全年乘客總數合共增加逾30%。國泰航空運載乘客共2千2百82萬7千人次，較2023年增加26.9%。係報告或者記者會上面多次提到票價「正常化」，意思就係2024年平均票價係減咗，2023年係剛開關後啲票價係相對高，2024年國泰或者UO機票都係有相對平咗，所以即使收益增加咗10.5%，但係利潤都只係增加左1%。
- 報告上面都有提到隨著航班供應量增加，客運收益率轉趨正常。國泰航空的乘客收益率下降11.8%。香港快運的乘客收益率下降22.8%。如果以數字上理解，2024年同2023年比較的話CX票價係平咗約1成，而UO係平咗約2成。
- 香港快運於2024年錄得虧損4億港元(2023年溢利4.3億港元)，部分原因是普惠發動機問題導致5架空中巴士A320 neo停飛，而短途市場票價迅速正常化(機票平咗)都係主要原因。年內轉行李架收費等問題就無特別提。
- 還清債：已向香港特別行政區政府全額償還195億港元投資，並在特區政府持有優先股期間派付24.4億港元股息
國泰航空業績公布2024：對未來投資部份HK$1,000億投資
- 2024已訂購30架空中巴士A330-900型號客機，並有權額外增購30架，此款區域廣體客機預計將於2028年起陸續交付加入國泰航空機隊主要服務亞洲航線
- 配合機場三跑道系統落成，鞏固香港作為國際航空樞紐的地位，未來7年投入超過 HK$1,000 億港元的重大投資，包括機隊、客艙產品、貴賓室及數碼升級。一千億個數好eye catching，不過我手多去睇返A330-900個合約代價已經係HK$85.8 billion (HK$850億)。都啱既航空公司既投資唔正正經經拎去買飛機唔通走去搞千億基建咩。
- 國泰未來將接收超過100架新一代飛機，並有權再額外增購超過80架飛機。個「權」既意思我估係同Boeing/Airbus傾合約果陣要攞埋個優先權去加單
購買30架飛機的交易公告：https://www1.hkexnews.hk/listedco/listconews/sehk/2024/0807/2024080700176_c.pdf
國泰航空新機艙產品及貴賓室
未來三年推出多款全新機艙產品及貴賓室：
- 2024: 爾雅商務客艙（Aria Suite）及特選經濟客艙，2024年10月已經於重新設計的波音777-300ER客機推出，2025年1月投入咗倫敦航線
- 本來計劃第一架波音777-9客機於 2025 年加入機隊全新頭等客艙，先前有曝光過係新頭等艙Halo Suite ，但係大家都知波音啲訂單一路delay緊，都唔知要等到幾時
- 計劃2026於現有A330 客機上引入設有平臥睡床的嶄新商務客艙(區域廣體客機，主要飛 Regional例如日本線，簡單嚟講大家痛恨既Regional「假J」舊飛機，會越來越少，不過國泰A321 neo細機都係無得避商務都係得牙醫櫈坐)
國泰貴賓室Lounge
國泰航空業績其他記事
- 有11個航點將於2025年加入國泰集團的航空網絡，2025開通往返海得拉巴、達拉斯、烏魯木齊、羅馬、慕尼黑及布魯塞爾的航班，而香港快運於1月開通來往仙台的航班，並將於年內開通往返芽莊、小松、石垣及宮古（下地島）的航班國泰航空及香港快運將於2025年內合共營運航班前往全球超過100個目的地
- 於2024年，集團新增聘及培訓了約7000名新員工。國泰集團的整體員工人數現已超過30,100百名，我走去對比返2023年的report，全球增加咗6,300名員工，當中有增加5,700名在港員工。酬情花紅及利潤分享計劃方式向員工發放了合共逾10星期的合資格酬金(Weeks, not months)
- 其他服務及收回款項對比同期上升HK$9.15億，因客運量及里數銷售上升而增加。見到呢點我都覺得幾有趣，國泰既里數收益就group咗係到，比上年多咗HK$9億唔知有幾多係從Asia Miles到嚟，賣咗出去既里數正路都仲要會員用埋Asia Miles換機票或換禮品先會入數
- 燃油對沖收益係正數，有令整體燃油成本下降少少，仲特別有句寫住「集團並不是對油價進行投機炒賣，但利用對沖管理油價短期至中期變動的風險，從而控制燃油成本。對沖本身並非毫無風險。 」提返你燃油對沖係正常經營策略而唔係炒油haha
2024年國泰航空全年業績：https://www.cathaypacific.com/content/dam/cx/about-us/investor-relations/announcements/zh/2024-annual-results_zh.pdf
2023年國泰航空全年業績: https://www.cathaypacific.com/content/dam/cx/about-us/investor-relations/announcements/zh/2023_cx_results_announcement_zh.pdf
2024年上半年國泰航空業績：https://www1.hkexnews.hk/listedco/listconews/sehk/2024/0807/2024080700172_c.pdf
