Category: Avios HSBC 信用卡

本身無乜玩Accor雅高會員/積分，後來見HSBC有額外積分Bonus就試玩完，點知真係好鬼正，值得推介俾你一齊玩。所以如果想儲里數或者酒店積分，就一定要用滙豐EveryMile信用卡呢張卡啦！

對酒店會籍無乜興趣？用RC換去Accor再換酒店其實無乜需要會籍架，想提升你的RC價值就記得試玩下！

了解更多：滙豐EveryMile信用卡、Avios教學

🔥更多HSBC優惠：滙豐信用卡優惠合集、HSBC信用卡比較、HSBC最紅飲食簽賬優惠、HSBC最紅網購優惠、HSBC One開戶

Accor雅高酒店兌換詳情

• 滙豐獎賞錢/Accor積分兌換率
• Accor Plus會籍
• Accor積分/Avios兌換率
• 銀行積分兌換Accor雅高積分限時50%額外獎賞

滙豐獎賞錢/Accor積分兌換率

當歐元升值時，RC所得的Accor分價值也越高(上表兌8跟兌8.5的分別)

基本兌換率：

• 1獎賞錢=20 Accor雅高積分(每次最少兌換40獎賞錢)
• 2,000 Accor積分=€40(於Accor雅高官網預訂時抵銷房價)

50%額外獎賞兌換率(如有，暫時未有呢個優惠但HSBC 1-2年會出一次)：

• 1獎賞錢=30 Accor雅高積分(每次最少兌換40獎賞錢)
• 3,000 Accor積分=€60(於Accor雅高官網預訂時抵銷房價)

小結：當歐元匯價係8.57 (2024年1月2日)，如果平時就咁用獎賞錢嚟換Accor積分，計返1獎賞錢可以換到$3.42嚟抵銷Accor雅高酒店預訂既價錢；而喺50%額外獎賞期間換，計返1獎賞錢就可以換到$5.14嚟抵銷。

留意有Excluded酒店用唔到Accor分找數的：https://all.accor.com/loyalty-program/user/hotels-exception/index.en.shtml

實測：Accor積分換 清邁 Veranda High Resort Chiang Mai – MGallery

如何用Accor積分抵銷房價？

相當簡單，去返Accor到Search酒店及login會員，係付款頁面就會見到可以用積分抵扣房價，網上即時扣數的，尾數就用返信用卡俾錢

Accor積分抵銷房價教學短片

里先生Accor積分使用實測

Accor積分換酒店：HSBC EveryMile RC可以換到$1RC=HK$3.4價值！

Accor積分換酒店抵玩，親身實測完我都真係好想大大大大力話你知：

「用HSBC EveryMile卡嘅RC換Accor房真是好抵而且容易玩，無需要儲酒店會籍都玩得，基本上$1RC都用到HK$3.4價值」

EM卡換里數1RC:20里我諗大家都知，如果你覺得每里數值HK$0.1，換里數每$1RC都只係值HK$2，但換Accor係可去到每$1RC值HK$3.4。我認為是EM卡的RC最佳用途嚟，學下點玩：

里先生實測：兌換了$2,018RC住1晚望巴黎鐵塔景觀露台房(官網訂要HK$6,500)

如果覺得煩的話只睇呢幾個points：

• 1 RC=20 Accor
• 2000 Accor = 40 EURO的抵扣金額（Accor分最好係可用作直接抵扣房價，無需換分再睇間房要幾多分，所以我話酒店新手都好易上手）
• 以匯率EUR1 = HK$8.59計，每RC可用出HK$3.43的價值

HSBC豐澤優惠返嚟啦！由即日起至2024年4月30日，只要憑滙豐信用卡累積簽賬滿指定金額，即可享以下優惠：

• 優惠一：
  • 單一簽賬淨額滿HK$3,000-HK$6,499，享額外$180獎賞錢
  • 單一簽賬淨額滿HK$6,500或以上，享額外$400獎賞錢
• 優惠二：
  • 以綁定「易賞錢」App嘅滙豐白金Visa卡作單一簽賬淨額滿HK$6,500元或以上，可另享額外$50獎賞錢
• 額外獎賞錢入賬時間：2024年7月31日或之前

另外今期仲有「最紅印花卡獎賞」優惠！於百佳超級市場、屈臣氏、豐澤、屈臣氏酒窖門市或網店及hutchgo旅遊平台單一簽賬淨額滿HK$100元或以上，可賺取及收集1個印花。集齊首3個印花，即可領取額外$30「獎賞錢」；其後累積多2個印花，可領取額外$30「獎賞錢」；再累積多3個印花，可領取額外$40「獎賞錢」，全期最多可享額外$100獎賞錢！

呢個係「額外」嚟，仲未計VS嘅3X同埋賞家居㗎！指定貨品仲低至5折添！如果你係用滙豐白金Visa卡，仲可以喺「易賞錢」 App享全年高達6倍「易賞錢」積分同埋會員折扣日享95折添！

提多次，今次優惠需要登記㗎～

其他→ 電器舖信用卡優惠合集

更多HSBC優惠：滙豐信用卡優惠合集、HSBC信用卡比較、HSBC最紅飲食簽賬優惠、HSBC最紅網購優惠

【HSBC豐澤優惠】詳情及玩法

• 優惠期：即日起至2024年4月30日
• 優惠需於滙豐Reward+ App登記
• 優惠一：
  • 單一簽賬淨額滿HK$3,000-HK$6,499，享額外$180獎賞錢
  • 單一簽賬淨額滿HK$6,500或以上，享額外$400獎賞錢
• 優惠二：
  • 以綁定「易賞錢」App嘅滙豐白金Visa卡作單一簽賬淨額滿HK$6,500元或以上，可另享額外$50獎賞錢
• 優惠三：
  • 指定貨品低至5折
• 額外獎賞錢入賬時間：2024年7月31日或之前
• 另外今期仲有「最紅印花卡獎賞」優惠！於

每每一講到HSBC信用卡優惠經常收到嘅問題就係：附屬卡（Supplementary Card）有無得玩？拖咗好耐終於的起心肝寫返個完整啲嘅HSBC附屬卡玩法及注意事項，以下包括咗一路以來經常被問嘅有關HSBC附屬卡問題嘅合集，希望幫到你理解。

除咗幫未夠18歲或者未夠年薪申請信用卡嘅親友或男女朋友申請附屬卡外，HSBC附屬卡可以俾多份優惠你。下文就有申請HSBC附屬卡方法 / 附屬卡申請表。主卡人是否有額外年費及附屬卡優惠的角度睇睇。

熟悉有玩開HSBC信用卡嘅朋友都耐唔耐講下「附屬卡大法」，意指自己持有HSBC主卡，出多張附屬卡俾家人用嚟食次指定Promotion的優惠。呢個玩法算係光明正大的，我打去HSBC hotline到收線前個客服問我要唔要開多張HSBC Red信用卡，原因就係可以附屬卡可以俾多HK$12,500/月的4%網購交易回贈。

相信玩開既朋友都知HSBC優惠名額係以「人頭」計算，即係只要係唔同人名嘅附屬卡，附屬卡嘅持有人都係另計獎賞上限 (其他銀行如渣打/Citi/DBS等，主卡人+開出俾家人的附屬卡都只係計1個名額)。簡單嚟講HSBC只要有1個人有1張主卡，跟住開4張附屬卡俾4個唔同嘅人，咁呢5個人每次指定promo(非每一個，要睇清楚條款)嘅上限都可以分開唔同人名嚟計算，可以食多次promotion咁。玩法會同AE附屬卡相約，但同主流銀行如Citi /DBS附屬卡等等只能食一次優惠唔同。

而另一個HSBC信用卡(HSBC Visa Signature / HSBC白金卡適用)嘅主要優惠最紅自主獎賞，每個人可以係每一曆年將5個額外倍數(或者叫額外5X)放入5個HSBC定出嚟嘅類別(你可以all-in晒一個類別，或者揀晒唔同既類別又得，任君選擇。但係我會建議將5個額外倍數all-in晒一個類別)。當你all-in晒一個類別，即係每次中類別簽賬都會變成2.4%獎賞錢回贈，( 相當於$4.17 = 1里 – 25除以6。基本簽賬係$25 = 1里。基本1X+中類別5X=6X)。個5X類別每年年尾可以轉1次，揀咗就無得改。而因為個類別同簽賬上限都係跟人名嘅，所以主卡同附屬卡可以揀唔同嘅5X類別，每個人都可以各自有一年$100,000嘅上限可以玩。即係話只要靈活運用同分配，一家唔同人all-in晒唔同嘅5X類別，就可以做到是但簽中一個類別都可以做到中類別5X嘅效果。

里先生都集合咗唔少讀者常見嘅問題喺下文，幫你清concept之餘，等你更容易明白點樣利用滙豐附屬卡嘅玩法嚟搵到最大嘅著數！

申請HSBC附屬卡：https://www.hsbc.com.hk/zh-hk/credit-cards/forms/

申請HSBC附屬卡，揀選返以上呢行就可以online申請

滙豐附屬卡分析(按字向下彈)

• 第1部: 滙豐附屬卡 概念
• 第2部: 滙豐附屬卡 常見問題
• 第3部: 滙豐附屬卡 最紅自主攻略
• 第4部: 滙豐附屬卡 注意事項

滙豐附屬卡 要分清概念

好多時「附屬卡」概念講嚟講去都講唔明，因為大家要搞清楚，附屬卡分咗兩種：

1. 開俾人嘅附屬卡：即係你係主卡持有人，你開咗張附屬卡俾你屋企人，呢張附屬卡卡面係寫住你屋企人名嘅。
2. 人哋開俾你嘅附屬卡：即係你屋企人係主卡持有人，你屋企人開咗張附屬卡俾你，呢張附屬卡卡面係寫住你嘅名。

因為HSBC嘅優惠名額係以「人頭」計算，即係張卡嘅優惠係跟條名印咗喺卡面上嘅人計算。所以第一種嘅附屬卡優惠限額同登記都喺要跟返屋企人(要分開登記及有不同的上限)；而第二種嘅附屬卡優惠限額同登記就喺跟返你自己，用主卡登記一次就得。

呢個係”2″，人哋開俾你既HSBC附屬卡而係自己個Reward+ app到可以見到的畫面

滙豐附屬卡 注意事項

HSBC信用卡喺某啲優惠到新加入咗一個條款，譬如有一輪嘅最紅冬日賞或最紅大折日等優惠，有呢句新加入嘅條款：
「合資格信用卡」:指由香港上海滙豐銀行有限公司（及其繼承人及受讓人）於香港發出的港幣個人基本卡、綜合、獨立戶口附屬卡及以港幣戶口簽賬的銀聯雙幣信用卡。若您只持有附屬卡而未持有任何個人基本卡，該附屬卡將不可獲享優惠。
簡單嚟講即係附屬卡持有人要食優惠嘅話，要附屬卡持有人擁有主卡先可以，唔可就咁出張附屬卡俾家人就食到優惠。但呢條條款只會係某啲優惠到出現，所以簽之前記得要睇清楚條款！

暫時見HSBC萬寧，HSBC百老匯 ，… >>於新分頁打開全文 “【滙豐附屬卡】解讀HSBC附屬卡玩法/限額 賺盡滙豐優惠上限及名額”

臨近新年想去海港城買下新衫或者買禮物送禮？今期HSBC信用卡同海港城推出簽賬優惠，由即日起至2024年2月25日，只要單日喺最多2間不同海港城商戶簽賬滿指定金額，即可享高達HK$3,000新年電子現金券！呢排如果想係海港城作大額消費，就記得攞埋你張滙豐信用卡去喇～

更多HSBC優惠：滙豐信用卡優惠合集、HSBC信用卡比較、HSBC最紅飲食簽賬優惠、HSBC最紅網購優惠

【滙豐・海港城優惠詳情】

• 優惠期：即日起至2024年2月25日
• 單日於最多2間不同海港城商戶簽賬滿指定金額，即可享高達HK$3,000新年電子現金券。

• 新年電子現金券只適用於指定餐廳、美容/個人護理、體育用品、兒童及家庭、家居及生活商戶
• 客戶每日在同一間指定餐廳或商戶只限使用新年電子現金券付款一次，每次交易最多使用5張。

官網詳情：https://www.redhotoffers.hsbc.com.hk/tc/latest-offers/red-hot-shopping-special/harbour-city/

HSBC山姆超市Sam’s Club優惠︱最紅旅遊優惠一深圳山姆超市

HSBC信用卡啲優惠真係好快手，近期熱話港人北上消費必到既Sam’s Club，咁快就出咗個山姆超市優惠。留意今次只有HSBC銀聯卡先可以用到呢個優惠，同埋只限深圳山姆超市及逢星期五、六、日及香港公眾假期。

除咗呢個山姆超市優惠，仲有中國內地及澳門簽賬滿HK$3,000，即賺額外3% 獎賞錢！由即日至2024年3月31日，大家只要用HSBC信用卡喺中國內地／澳門簽夠HK$3,000就可以賺額外3％獎賞錢！最高可以拎到$200獎賞錢！不過記得要用實卡簽不可以用電子錢包。

睇HSBC人民幣內地及澳門簽賬優惠條款佢仲預告咗會有HSBC山姆超市優惠，details未知但係有講話只要登記咗呢就會連埋「最紅旅遊優惠一深圳山姆超市」一齊登記。

🔥更多HSBC優惠：滙豐信用卡優惠合集、HSBC信用卡比較、HSBC最紅飲食簽賬優惠、HSBC最紅網購優惠、HSBC One開戶

HSBC 最紅旅遊優惠一深圳山姆超市優惠︱詳情

山姆會員商店（深圳）- 高達額外$200「獎賞錢」

• 推廣期：由2024年1月12日至3月31日
• 適用日子：逢星期五、六、日及香港公眾假期
• 適用信用卡：HSBC銀聯卡
• 付款方法：雲閃付App或實體卡付款，簽滿指定金額可享高達額外$200「獎賞錢」
• 簽賬金額：
  • 滿人民幣500元至人民幣999元，$50RC
  • 滿人民幣1,000元或以上，$100 RC
• 回贈上限$200「獎賞錢」，啫係你分咗2次簽RMB1,000，咁就會食晒

詳情：https://www.redhotoffers.hsbc.com.hk/tc/latest-offers/red-hot-travel-mainland-china-macau/hsbc-unionpay-dual-currency-credit-card/

條款：https://www.redhotoffers.hsbc.com.hk/media/54171236/TC_TC_Red-Hot-Travel_Sams-Club-Offer.pdf