【滙豐海港城優惠】憑滙豐信用卡於海港城簽賬滿指定金額可享高達HK$3,000現金券！

12 January 2024 Mr Miles Asia Miles HSBC 信用卡, Avios HSBC 信用卡, 信用卡優惠, 現金回贈 HSBC信用卡

臨近新年想去海港城買下新衫或者買禮物送禮？今期HSBC信用卡同海港城推出簽賬優惠，由即日起至2024年2月25日，只要單日喺最多2間不同海港城商戶簽賬滿指定金額，即可享高達HK$3,000新年電子現金券！呢排如果想係海港城作大額消費，就記得攞埋你張滙豐信用卡去喇～

【滙豐・海港城優惠詳情】

優惠期：即日起至2024年2月25日
單日於最多2間不同海港城商戶簽賬滿指定金額，即可享高達HK$3,000新年電子現金券。

同日合資格簽賬金額（最多2間不同參與商場內之商戶）	獎賞
港幣2,000元或以上	總值合共港幣100元新年電子現金券（港幣100元新年電子現金券乙張）
港幣8,000元或以上	總值合共港幣300元新年電子現金券（港幣100元新年電子現金券3張）
港幣30,000元或以上	總值合共港幣1,000元新年電子現金券（港幣100元新年電子現金券10張）

新年電子現金券只適用於指定餐廳、美容/個人護理、體育用品、兒童及家庭、家居及生活商戶
客戶每日在同一間指定餐廳或商戶只限使用新年電子現金券付款一次，每次交易最多使用5張。

官網詳情：https://www.redhotoffers.hsbc.com.hk/tc/latest-offers/red-hot-shopping-special/harbour-city/

里數回贈比率，越低越好 … >>於新分頁打開全文 » Read more

HSBC山姆超市優惠最紅旅遊優惠一深圳山姆超市 Sam’s Club優惠

11 January 2024 里先生 Asia Miles HSBC 信用卡, Avios HSBC 信用卡, 信用卡優惠, 現金回贈 HSBC信用卡

HSBC山姆超市Sam’s Club優惠︱最紅旅遊優惠一深圳山姆超市

HSBC信用卡啲優惠真係好快手，近期熱話港人北上消費必到既Sam’s Club，咁快就出咗個山姆超市優惠。留意今次只有HSBC銀聯卡先可以用到呢個優惠，同埋只限深圳山姆超市及逢星期五、六、日及香港公眾假期。

除咗呢個山姆超市優惠，仲有中國內地及澳門簽賬滿HK$3,000，即賺額外3% 獎賞錢！由即日至2024年3月31日，大家只要用HSBC信用卡喺中國內地／澳門簽夠HK$3,000就可以賺額外3％獎賞錢！最高可以拎到$200獎賞錢！不過記得要用實卡簽不可以用電子錢包。

睇HSBC人民幣內地及澳門簽賬優惠條款佢仲預告咗會有HSBC山姆超市優惠，details未知但係有講話只要登記咗呢就會連埋「最紅旅遊優惠一深圳山姆超市」一齊登記。

HSBC 最紅旅遊優惠一深圳山姆超市優惠︱詳情

山姆會員商店（深圳）- 高達額外$200「獎賞錢」

推廣期：由2024年1月12日至3月31日
適用日子：逢星期五、六、日及香港公眾假期
適用信用卡：HSBC銀聯卡
付款方法：雲閃付App或實體卡付款，簽滿指定金額可享高達額外$200「獎賞錢」
簽賬金額：
- 滿人民幣500元至人民幣999元，$50RC
- 滿人民幣1,000元或以上，$100 RC
回贈上限$200「獎賞錢」，啫係你分咗2次簽RMB1,000，咁就會食晒

詳情：https://www.redhotoffers.hsbc.com.hk/tc/latest-offers/red-hot-travel-mainland-china-macau/hsbc-unionpay-dual-currency-credit-card/

條款：https://www.redhotoffers.hsbc.com.hk/media/54171236/TC_TC_Red-Hot-Travel_Sams-Club-Offer.pdf

現金回贈比率，百份比越高越好 … >>於新分頁打開全文 » Read more

【HSBC 萬寧優惠】額外12%獎賞錢(高達$520 RC)！買現金券coupon都合資格星期五至日買最抵！

1 December 2023 里先生信用卡優惠, Asia Miles HSBC 信用卡, Avios HSBC 信用卡, 現金回贈 HSBC信用卡

HSBC信用卡再次推出萬寧優惠啦！今次星期五/六/日簽賬可享高達12%額外回贈，最高可獲額外$520獎賞錢。

留意星期一至四都有額外7%額外回贈，如果啲嘢唔係急住買，我都建議大家留返星期五至日先買，可以食盡12%額外回贈！

買唔夠數嘅話加現金券都算合資格簽賬。優惠期由2023年12月1日起至2024年2月29日。

HSBC 萬寧優惠詳情及玩法

優惠期：2023年12月1日起至2024年2月29日 (記得星期五至日簽著數啲😎！)
簽賬要求: 單一簽賬滿$500，累積最少HK$1,000 (唔夠數可以買券補夠數)
需要於HSBC Reward+ App進行登記
登記完簽夠HK$1,000可以有7%獎賞錢，上限$350RC → (啫係HK$5,000有$350獎賞錢)
星期五六日可以有額外5%獎賞錢，上限$170RC (啫係每HK3,400有$170獎賞錢)
只有HSBC附屬卡而無主卡無得玩
加總以上，星期五六日簽爆HK$3,400就有$408RC、簽爆HK$5,000就有$520RC

官網詳情：

https://www.redhotoffers.hsbc.com.hk/tc/latest-offers/red-hot-winter/mannings/

HSBC萬寧額外12%獎賞錢入賬時間

2024年5月31日或之前

HSBC萬寧額外獎賞錢優惠FAQs

HSBC萬寧優惠期去到幾時？優惠需要登記嗎？

答：優惠期由2023年12月1日起至2024年2月29日。今次優惠需要經HSBC Reward＋登記。

今次優惠要累積幾多簽賬先可以賺到額外現金回贈？

答：係優惠期內累積滿HK$1,000就可以賺額外現金回贈，逢星期五、六、日可享額外高達12%回贈

我賺到嘅額外回贈會係幾時入賬？

答：2024年5月31日或之前會入賬

【滙豐信用卡優惠條款變動】單獨持有附屬卡不再享有優惠

HSBC信用卡出咗新一輪最紅大折日優惠，啱啱研究緊啲條款寫緊優惠時發現咗個重大改變。首先睇咗呢句新加入條款：

「合資格信用卡」:指由香港上海滙豐銀行有限公司（及其繼承人及受讓人）於香港發出的港幣個人基本卡、綜合、獨立戶口附屬卡及以港幣戶口簽賬的銀聯雙幣信用卡。若您只持有附屬卡而未持有任何個人基本卡，該附屬卡將不可獲享優惠。

有玩開HSBC信用卡既朋友相信都知HSBC的優惠名額係以「人頭」計，只要係唔同人名附屬卡，附屬卡的持有人都係另計獎賞上限，簡單嚟講只要一家人共1張主卡及4人有4張附屬卡(全部不同名)，每次promo的上限都係分開唔同人名嚟計算，但最新一輪萬寧優惠就加入咗呢句條款「若您只持有附屬卡而未持有任何個人基本卡，該附屬卡將不可獲享優惠。」啫係附屬卡持有人要食優惠的話，要附屬卡持有人擁有主卡先可以，唔可以再好似以前咁就咁出張附屬卡俾家人就食到。

里數回贈比率，越低越好 … >>於新分頁打開全文 » Read more

信用卡優惠

【滙豐信用卡迎新】解讀HSBC信用卡迎新定義冷河期取消卡罰則存入時間

14 November 2023 MM Asia Miles HSBC 信用卡, Avios HSBC 信用卡, 現金回贈 HSBC信用卡

每次HSBC信用卡做迎新，都有好多讀者朋友問個「新客」係點定義。有見及此特登寫篇文同大家介紹下HSBC信用卡迎新嘅定義。HSBC信用卡的冷河期同一般銀行有啲唔同，每次promotion係定咗1日幾時之後無取消過卡先有得拎，一般為9-12個月，而且要留意返如果13個月內取消卡會有罰則有可能要扣返啲迎新金額出嚟。

滙豐信用卡迎新定義

以2023年11月做嘅HSBC信用卡迎新：

基本迎新就主卡新客及現有客都有
需要簽賬HK$8,000

基本迎新：

全新客同現有客嘅定義就比較容易理解，全新客即係現時沒有持有任何HSBC信用卡主卡嘅人，而現有客就係現時持有任何HSBC信用卡主卡嘅人。

要留意返HSBC信用卡同其他銀行信用卡有少少唔同，每次迎新都有個cut-off日子去定義邊啲申請人可以獲享基本迎新。以2023年11月做嘅迎新為例，需要喺2023年3月1日後無取消過任何HSBC信用卡主卡，先可以獲享基本迎新。每次都最好睇多次個條款係幾時先再申請。

https://www.hsbc.com.hk/content/dam/hsbc/hk/tc/docs/credit-cards/offers/online-welcome-terms-and-conditions.pdf

限時迎新(額外RC) ：

除此之外，好多時滙豐嘅限時優惠都set咗個cut-off日子，只要喺cut-off日子之後取消過信用卡申請，就唔可以獲享限時迎新。以2023年11月做嘅迎新為例，喺2023年10月1日或以後曾取消任何滙豐個人信用卡基本卡申請，就不能獲享優惠。

https://www.redhotoffers.hsbc.com.hk/tc/latest-offers/autumn-flash/terms-and-conditions/

滙豐信用卡迎新存入時間

存入時間約為簽夠數後的2個月。

我們將根據我們持有的合資格簽賬交易紀錄，決定您是否符合資格獲享優惠。如您符合資
格，我們將於您完成要求後兩個月內，把「獎賞錢」誌入您的合資格信⽤卡戶口
內。

滙豐信用卡迎新常見問題

本身有滙豐信用卡附屬卡，咁係屬於全新客定現有客？

如果只係持有滙豐信用卡附屬卡，就屬於全新客。

只係有滙豐銀行戶口，咁係屬於全新客定現有客？

如果只係有滙豐銀行戶口，就屬於全新客。

如果係cut-off日子之後取消過滙豐信用卡，仲有無滙豐迎新優惠？

沒有。要等下一期個cut-off日子update先可以再申請了。

如果未申請到滙豐信用卡，之後喺cut-off日子之後取消過滙豐信用卡申請，仲有無滙豐限時迎新優惠？

沒有。要等下一期限時迎新個cut-off日子update先可以再申請了。

唔記得喺限時之內經指定網頁用里先生優惠碼填表，可唔可以之後補返？

唔可以。因為收集表格同派發迎新都係有滙豐負責，我哋都幫唔到手…

里數回贈比率，越低越好 … >>於新分頁打開全文 » Read more

【HSBC銀聯卡人民幣簽賬優惠】HSBC內地及澳門簽賬享額外6%獎賞錢

12 October 2023 Mr. Miles 信用卡優惠, Asia Miles HSBC 信用卡, 現金回贈 HSBC信用卡

滙豐出咗個內地及澳門簽賬優惠呀！優惠期內憑HSBC銀聯信用卡喺中國內地或澳門親身簽賬滿HK$5,000，以手機或QR Code支付可享額外6%獎賞錢！夾埋HSBC銀聯信用卡本身人民幣或澳門幣簽賬有2%獎賞錢、最紅自主「賞世界」嘅2.4%獎賞錢，最高可以賺到10.4%獎賞錢！其他簽賬方式都可享額外3%獎賞錢！記住用HSBC銀聯信用卡喺中國內地／澳門簽賬係無海外簽賬手續費㗎！

呢個優惠一定要上Reward+ app到登記㗎！

HSBC 內地及澳門簽賬優惠| 詳情

優惠期：即日起至2023年12月31日
需要於Reward+ app登記優惠
憑HSBC銀聯信用卡喺中國內地或澳門親身簽賬滿HK$5,000
- 以手機或QR Code支付可享額外6%獎賞錢
- 其他簽賬方式可享額外3%獎賞錢
整個優惠推廣期內最多可獲額外$500獎賞錢(6%咁計即係簽$8,334就爆啦！)

官網詳情：https://www.redhotoffers.hsbc.com.hk/tc/latest-offers/union-pay-spending-offer/

HSBC 內地及澳門簽賬優惠| 常見問題FAQs

HSBC 內地及澳門簽賬優惠做到幾時？

答：HSBC 銀聯二維碼優惠由即日起至2023年12月31日。

HSBC 內地及澳門簽賬優惠有無上限？

答：HSBC 內地及澳門簽賬優於整個優惠推廣期內最多可獲額外$500獎賞錢。(6%咁計即係簽$8,334就爆啦！)

HSBC 內地及澳門簽賬優惠額外獎賞錢幾時入賬？

答：HSBC 內地及澳門簽賬優惠額外獎賞錢將於2024年3月31日或之前入賬。

HSBC 內地及澳門簽賬優惠| 條款及細則

優惠推廣期

優惠推廣期為2023年10月1日至12月31日。

優惠詳情

於推廣期內，以滙豐銀聯雙幣信用卡（合資格信用卡）親身於中國內地或澳門作合資格簽賬並累積簽賬淨額滿港幣5,000元，您可享：優惠一：以流動電話付款或二維碼付款簽賬享額外6%「獎賞錢」回贈
優惠二：其他合資格簽賬享額外3%「獎賞錢」回贈於整個優惠推廣期內，您最多可獲合共額外$500「獎賞錢」回贈。

如何獲享優惠

您可於推廣期內獲享優惠，若您：
1. 持有合資格信用卡及您的信用卡戶口在整個推廣期及獲享優惠時仍然有效及信用狀況良好；及
2. 於推廣期內成功登記；及
3. 於推廣期內以合資格信用卡作合資格簽賬並符合上述第2項條款的要求。

獲享優惠前須注意事項

登記不限於簽賬前或之後進行。您只須於推廣期內登記一次。完成登記並不代表我們已確認有關信用卡、交易或持卡人符合獲得優惠及額外「獎賞錢」的資格。
若您名下持有多於一張合資格信用卡，我們會將該等合資格信用卡的所有合資格簽賬合併計算，以釐定您可獲享的額外「獎賞錢」。
我們將根據我們持有的登記及合資格簽賬交易紀錄，以計算您可獲享的額外「獎賞錢」。如您符合資格獲享優惠，我們會於2024年3月31日或之前將額外「獎賞錢」自動誌入於我們紀錄中累積合資格簽賬之簽賬淨額最高的合資格信用卡戶口內。
同一合資格信用卡戶口下的基本卡持卡人與附屬卡持卡人可各自以其合資格信用卡獲享優惠（就各自登記）。如持卡人為綜合戶口附屬卡持卡人，則主卡及附屬卡持卡人均可享用已誌入該附屬卡戶口內的額外「獎賞錢」。
此推廣下的額外「獎賞錢」總金額將上調至最接近的整數。
此優惠下的額外「獎賞錢」並不包括「獎賞錢」計劃中可獲享的基本「獎賞錢」。
於獲享額外「獎賞錢」後，如用作計算額外「獎賞錢」的有關交易被取消，我們有權於有關持卡人的合資格信用卡戶口扣除該額外「獎賞錢」而不作通知。
您於進行簽賬交易前或簽賬交易後，我們恕不負責澄清該項交易可否獲享優惠。
您不可將優惠兌換現金、其他貨品、服務、折扣或轉讓。

… >>於新分頁打開全文 » Read more

滙豐 NET-A-PORTER／MR PORTER優惠︱用HSBC信用卡即享85折！不限次數！無優惠門檻！仲可以折上折！

25 July 2023 Mr. Miles Promo code 網購折扣代碼, Asia Miles HSBC 信用卡, Avios HSBC 信用卡, 信用卡優惠, 現金回贈 HSBC信用卡

滙豐 NET-A-PORTER／MR PORTER優惠︱用HSBC信用卡即享85折！不限次數！無優惠門檻！仲可以折上折！

HSBC又同NET-A-PORTER同MR PORTER合作啦！大家只要用返指定滙豐信用卡，再喺俾錢嘅時候輸入返優惠碼就即時享有85折！最正嘅係呢個優惠不單止不限使用次數，仲冇優惠門檻，買幾多都有得折！連本身減價嘅商品都可以折，折上折真係不得了！快啲睇吓有冇嘢啱啦～

MR PORTER喺NET-A-PORTER嘅男裝平台，基本上你講得出嘅名牌，例如Thom Browne、SAINT LAURENT、Polo Ralph Lauren等等都可以喺入面搵到，而且買幾多都喺免運費，仲有28日無條件退換，宜家仲要加埋85折啊！

滙豐 NET-A-PORTER／MR PORTER優惠︱詳情

推廣期：即日至2023年8月31日
優惠碼：HSBC15
憑指滙豐信用卡喺NET-A-PORTER或MR PORTER網站購物，再喺結賬時輸入優惠碼，即享85折
無指定消費金額，正價商品和降價商品均可享15%折扣，不限次數
有部份品牌不適用於此優惠，詳情可於以下網址查閱
- NET-A-PORTER不適用之品牌
- MR PORTER不適用之品牌

💳滙豐信用卡

現金回贈比率，百份比越高越好 … >>於新分頁打開全文 » Read more

【HSBC獎賞錢】兌換攻略！滙豐拍賣會：「最紅拍賣會」禮品大公開

28 June 2023 里先生 Asia Miles HSBC 信用卡, Avios HSBC 信用卡, 現金回贈 HSBC信用卡

【HSBC獎賞錢】兌換攻略！最新滙豐拍賣會「最紅拍賣會」禮品大公開

一直以來滙豐信用卡都持續做好多唔同商戶promotion而深得用家歡心，個人覺得作為香港居住既人真係必須拎住返張！HSBC信用卡一直個玩法都以獎賞錢HSBC為重心(英文Reward Cash，簡稱RC)，而RC勁在可以用嚟直接抵銷滙豐信用卡簽賬或換里數，玩法多多，除咗現金回贈同里數仲有好多長期合作partners，包括HSBC to K11 K Dollars，HSBC to 新鴻基The Points，HSBC to MoneyBack等。

HSBC信用卡最強嘅地方就係疊住嚟玩佢啲HSBC優惠promotion，識玩的話於不同消費上HSBC信用卡都可以提供最大嘅「獎賞錢」回贈，唔識又或者唔想諗嘅話，再簡單D 講就係，攞張HSBC 信用卡出來點都無死！

今次出埋滙豐拍賣會，等你啲RC富戶可以兌換下啲超級體驗同搞笑禮品！

參加方法：

於2023年6月21日至7月12日期間，上滙豐Reward+應用程式登記參加拍賣會門票抽獎

拍賣會名額：

150位合資格參與此活動的參加者將由電腦以抽獎形式抽出
每位合資格參加者將會獲得兩張門票參加此活動。一張門票需要由合資格參加者使用以進入活動會場，而另一張門票需由合資格參加者的同行者使用以進入活動會場
啫係抽150個名額入場bid，入到去嘅都未必有咁多RC，20,000RC坐business去睇巴黎奧運不是夢，不過要抽咗入去先

拍賣會詳情：

日期：2023年8月11日晚上7時
地點：西九文化區藝術公園自由空間大盒

拍賣品	拍賣品描述	起始價格RC	最高價格RC
編號001 2024巴黎運動會開幕禮門票連雙人來回巴黎機票及住宿	2024巴黎奧運會開幕禮門票2張巴黎雙人國泰航空商務客艙來回機票 3晚維多利亞廣場酒店（高級客房）或其他4星級酒店雙人住宿旅遊日期：2024年7月25日至28日	15,000	200,000
編號002 365份百佳佳之選廁紙	150份佳之選容易分解4層衛生紙 150份佳之選柔韌三層盒裝面紙（原味） 65份佳之選三摺式抹手紙	500	12,000
編號003 2024歐洲國家足球準決賽及決賽門票連雙人來回德國機票及住宿	以下兩場2024年歐洲國家盃賽事均有兩張門票： – 2024年7月9日或10日歐洲中部夏令時間21:00於慕尼黑或多蒙特舉行的準決賽的其中一場 – 2024年7月14日歐洲中部夏令時間21:00於柏林舉行的決賽德國雙人國泰航空商務客艙來回機票7晚4星級酒店雙人住宿旅遊日期：2024年7月8日至7月15日（確實日期視乎準決賽門票日期而定）	15,000	200,000
編號004 365份麥當勞「精選早晨套餐」	連續365日透過麥當勞App每日獲得1份麥當勞「精選早晨套餐」	500	18,000
編號005 「數寄屋橋次郎」（銀座本店）廚師發板2人晚餐連雙人來回東京機票及住宿	東京雙人全日空商務艙來回機票東京麗思卡爾頓酒店行政豪華套房2晚雙人住宿旅遊日期：2023年9月1日至12月15日期間內選擇4晚「數寄屋橋次郎」（銀座本店）2人晚餐體驗之預訂：確實日期和時間視餐廳預訂情況而定	10,000	150,000
編號006 365份牛角滙豐指定日本國產牛燒肉海鮮套餐	獲得365份牛角滙豐指定日本國產牛燒肉海鮮套餐（1人）	2,000	100,000
編號007

… >>於新分頁打開全文 » Read more

【滙豐Red信用卡「簽賬分期計劃」】

20 June 2023 Mr Miles 信用卡優惠, Asia Miles HSBC 信用卡, 現金回贈 HSBC信用卡

【滙豐Red信用卡「簽賬分期計劃」】

相信呢排唔少朋友出咗滙豐Red信用卡呢張網購神卡，網上購物無上限4%回贈真係好著數。本身呢張卡個迎新係可賺高達$1,600獎賞錢，有出呢張卡嘅朋友應該留意到個迎新係包咗三部分，其中經滙豐Reward+成功申請的首次「簽賬分期計劃」可享高達$600獎賞錢手續費回贈，係最多朋友問可以點玩。簡單嚟講呢個優惠可以叫做免息免手續費分期 (抵銷回贈後) 。今次就寫返篇文同大家解構一下點樣可以賺埋呢部分嘅獎賞錢。

未講點玩之前先提一提你，呢個「簽賬分期計劃」手續費回贈基本上係成功申請滙豐Red信用卡主卡嘅朋友都有份(包括現有滙豐信用卡嘅用戶)。只要喺批卡後60日內成功申請就可以賺到高達$600獎賞錢回贈，想玩就快啲睇睇。

「簽賬分期計劃」詳情→https://www.hsbc.com.hk/zh-hk/credit-cards/products/spending-instalment/ (此為官網解釋分期 Red信用卡的迎新及申請方法請參閱下半部分文章)

滙豐Red信用卡迎新：如何賺取高達$600獎賞錢簽賬分期手續費回贈?

適用對象：所有滙豐Red信用卡主卡持有人(除2019年4月1日後曾取消任何滙豐信用卡基本卡外)
迎新內容：於滙豐 Red 信用卡發出後首 60 日內首次經Reward+ App成功申請的「簽賬分期計劃」，獲享高達$600「獎賞錢」手續費回贈
最高分期金額及期數：HK$30,000，最多分12期攤還 (有關分期金額、期數及手續費，可以參考下表)

未有Red Card? 可以按入→申請頁面

常見問題FAQ

何謂「首筆」簽賬分期計劃手續費回贈？

首筆意思指推廣期內第一次喺Reward+ App申請之「簽賬分期計劃」，並不是指新信用卡之首筆簽賬。留意如果要賺盡晒$600獎賞錢回贈，可以簽多啲合資格簽賬累積夠先做，記住只要係批卡後60日內做分期就得

高達$600獎賞錢手續費回贈，啫係要係HK$600手續費先可以有回贈？

不是，回贈金額視乎分期金額及期數。例如推廣期內第一次喺Reward+ App申請之「簽賬分期計劃」為HK$24,000，並分12個月還款，你申請後會先收取HK$500手續費，滙豐會於數月後以$500獎賞錢回贈俾返你

「簽賬分期計劃」要俾手續費，高達$600獎賞錢回贈，啫係無得賺？

首先搞清楚本身「簽賬分期計劃」係有手續費的，而Red信用卡的手續費係以一筆過形式收取
高達$600獎賞錢「簽賬分期計劃」手續費回贈，並唔係無得賺，你俾左幾多手續費，滙豐之後都用返相同等值的獎賞錢回贈俾番你，仲可將原先筆簽賬做分期，變相免費增加自己資金流動性，有返咁上下理財概念嘅朋友應該明白我嘅說話
獎賞錢(RC)價值可能比Cash更高：因為獎賞錢可以換作Asia Miles或百佳易賞錢，又或者轉換俾親友。仲有，滙豐曾經多次做推廣，於指定商戶的簽賬更加可以用$1RC:HK$2之兌換比率黎抵消

點樣於Reward+應用程式內申請簽賬分期？

1. 登入Reward+應用程式後，選「簽賬分期計劃」

2. 可選擇「結欠分期」(累積交易) 或「簽賬分期」(一項交易)

3. 版面將顯示您可申請的最高分期金額及預設12個月還款期。如需要，您可隨意更改

4. 核對一次，需要幾多手續費亦可以睇到

5. 成功申請頁面

6. 如已批核，於交易紀錄上可即時睇到分期金額及第一個月的供款

未有Red Card? 可以按入→申請頁面

優惠受條款及細則約束

借定唔借？還得到先好借！

» Read more

【HSBC信用卡批核】滙豐信用卡唔批？同你睇睇4大原因！

18 April 2023 MM Asia Miles HSBC 信用卡, Avios HSBC 信用卡, 信用卡比較, 現金回贈 HSBC信用卡, 里數攻略知識教學

成日都收到讀者分享，明明達到信用卡年薪要求、明明自己係滙豐多年嘅忠實客戶，出糧mpf全部都用曬滙豐、明明check過自己嘅tu好好，但係申請HSBC信用卡就成日都唔批。尤其是係成日做優惠嘅滙豐EveryMile信用卡、滙豐Visa Signature卡、滙豐Red卡就更加難批。

HSBC唔批卡有好多原因，我就歸納咗4個讀者成日見到嘅原因。TU環聯信貸報告個Grade反而唔係重點，大家可以睇下自己係唔係以下幾個嘅情況。就住唔同嘅原因我都會俾返少少建議大家試下。希望呢篇文章都幫到大家成功出到HSBC信用卡。

HSBC信用卡批卡分析

HSBC信用卡唔批原因

最常見嘅係有其他HSBC信用卡個credit limit已經好大。而HSBC信用卡係每張有獨立limit (其他銀行好多都係combine limit)。
- 就住呢個原因我會建議年薪夠而平時無拖欠卡數嘅讀者可以試下打返HSBC hotline要求重新覆核申請，同hotline講返要調啲credit limit去張新卡到試下咁會唔會重批。
- 呢個case有讀者反饋返佢係重新俾咗limit而無調到舊limit 走（hotline仲話滙豐EveryMile信用卡最低個limit HK$60,000）
太多信用卡係手。申請唔同銀行嘅信用卡都試過唔批或者批得好少credit
- 老實講每個人嘅信用額都係有限嘅。銀行睇完你TU環聯信貸報告見你有咁多信用額係第二間銀行都會驚有壞帳風險。
- 就住呢個原因我會建議cut咗啲少用嘅卡、或者調低部份信用額度過大嘅卡嘅credit再申請過。
手上一張信用卡都無，第一張就係申請HSBC信用卡。年薪同資產夠但係都秒拒批
- 有啲銀行批卡方面係保守啲。除咗HSBC信用卡之外其實AE信用卡都有同一個問題。因為一個人完全未建立TU環聯信貸的話，簡單嚟講銀行無法批判到過去的信用紀錄，咁既情況要自保就乜卡都唔批先
- 就住呢個原因我會建議申請一間比較易批嘅銀行信用卡先。譬如恒生信用卡就相對嚟講比較鬆手。有咗第一張信用卡，再用返一段時間build up返個靚靚仔仔嘅信用紀錄再返嚟申請相信成功嘅機率會大好多。
有拖欠其他銀行卡數，TU爛咗grade
- 一開頭所講我認為TU環聯信貸報告個Grade唔係主要銀行唔批卡既原因，因為正常人無拖欠卡數其實A-C Grade都會有，而A同C都一樣可以正常批卡
- 或者個logic可以叫做: 個Ｇrade F銀行唔批卡，但唔代表個Grade A銀行要批卡
- 單單攞TU Grade嚟認定自己信貸良好覺得銀行就要批卡俾你的話係個錯錯哋logic的，Ａ-C Grade係佔咗超過90%人都有的，唔好覺得拎住A grade代表啲乜。申請信用卡既皇道都係有借有還，早啲拎張信用卡建立信貸資料咁會實際啲

以上4個原因都唔係，而且自己係滙豐多年嘅忠實客戶，出糧mpf全部都用曬滙豐，但係就俾電腦秒拒批。

就住呢個原因我會建議年薪夠而平時無拖欠卡數嘅讀者可以試下打返HSBC hotline要求重新覆核申請，因為滙豐個system都幾嚴格，有時候會自動filter咗啲合資格嘅申請。
呢個case有讀者反饋返佢申請滙豐Red卡都係俾電腦秒拒批，但佢打上去HSBC hotline之後cs叫佢補交啲資產證明同收入證明就批返卡了。

現金回贈比率，百份比越高越好 … >>於新分頁打開全文 » Read more

【香港美利酒店限時優惠】尼依格羅「探索之旅」會員連續入住兩晚以上可享高達75折優惠+雙人早餐！

15 April 2023 Mr Miles Asia Miles HSBC 信用卡, Avios HSBC 信用卡, 信用卡優惠, 現金回贈 HSBC信用卡, 證券戶口, 酒店優惠

未有時間旅行，但留港都想有渡假嘅感覺？香港美利酒店The Murray出咗個限時優惠💎！即日起至2023年4月28日前，以尼依格羅「探索之旅」會員預訂及入住香港美利酒店可享高達75折優惠+雙人早餐，實在係個好機會比你放鬆身心！非會員預訂亦可享85折優惠。未成為會員嘅不妨註冊咗先再訂房仲可以賺埋DISCOVERY獎勵金（D$）更著數啦！