Category: Asia Miles 亞洲萬里通

國泰「綠色里賞挑戰」｜詳情

• 參加「綠色里賞挑戰」，只需簡單幾個Steps：
• 優惠期：2024年8月5日至9月15日
• 1.活動頁面完成登記並開展綠色挑戰
  • 立即登記參加：https://bit.ly/4dROwb1
• 2.完成「支付、假期、購物、餐飲及轉換里數」5項挑戰，可分別賺取里數獎賞
  • 支付：渣打國泰Mastercard客戶憑卡簽賬賺取2,000里數，可額外獲享1,200里數。假設日常簽賬HK$6/里，簽$12,000已經賺到3,200里數
  • 全新客戶於優惠期內成功申請並獲發新卡，亦可額外賺1,200里數。
  • 假期：預訂國泰假期 Greener Together 酒店系列的精選環保酒店額外賺取 2,000里數
  • 購物：於國泰品味選購「可持續好物」額外賺取600里數
  • 餐飲：於指定國泰夥伴餐廳消費，結賬時出示「國泰-亞洲萬⾥通」應用程式內的會員二維碼，可額外賺200里數
    • 餐廳包括：Blue Bottle Coffee、INTERVAL Farmacy、圓貝、NOC Coffee Co、Tea Express Bar by Jrink
  • 轉換里數：成功轉換中電嘅「度度賞」積分， 每400積分轉換200里數，可額外賺100里數
• 3.里數獎賞會於活動結束後存入你嘅國泰會員賬戶

呢排D機票咁貴，里數又儲落咁多，唔知可唔可以用Asia Miles幫埋朋友/親友換埋機票一齊去旅行呢？答案係可以嘅！但係就有D限制同玩法要注意返，唔係到時見到有機位啱又換唔到俾屋企人/朋友，就慘了。乜嘢係Asia Miles兌換名單？ Asia Miles 兌換名單中的名字就是你能夠以戶口內的Asia Miles 為他以Asia Miles換機票的人，國泰亞洲萬里通兌換名單原意係為了咗限制里數機票轉售(或者叫被濫用出售圖利)，如果太輕易俾你轉售/幫陌生人出機票的話就無人買正價國泰機票了。

渣打國泰卡-優先理財藍卡 （$100萬戶口可跟埋果張優先理財國泰卡）每年會送果4張國泰航空商務貴賓室使用券仲可以送俾Asia Miles兌換名單內既人用架。

更多里數教學：Asia Miles 換機票教學攻略、夥伴航空公司與國泰航班需要里數比較分析、Asia Miles環球票教學、Asia Miles 轉移里數攻略

Asia Miles 兌換名單索引(按入向下彈)

• 第一部分：Asia Miles 兌換名單教學
• 第二部分：Asia Miles 兌換名單常見問題
• 第三部分：Asia Miles 兌換名單條款

Asia Miles 兌換名單教學

Asia Miles有無家庭帳戶？

無。Asia Miles唔似英航嘅avios咁設有家庭帳戶(Household Account)，所以唔可以好似avios咁將一家人嘅miles group埋一齊一次過用。但係Asia Miles可以幫朋友/親友換機票，前提係要將佢加入到Asia Miles嘅兌換名單裡面。

點樣將親友加入Asia Miles兌換名單？(電腦版)

首先在國泰的Desktop網頁版撳登入自己的帳戶。登入後，在右上角點擊自己的名字，然後再點選「更新資料」。如果真係要用國泰手機App嚟改，再搵張有位嘅票再係confirm機票頁到撳更換兌換名單先入到。

點擊「更新資料」後，會進入到「你的帳戶資料」頁面。在這裡點選「同行旅伴及兌換名單」。

點擊「同行旅伴及兌換名單」後，點選兌換名單中的「檢視」。

點擊「檢視」後，會出現完整的兌換名單。如果之前曾經將親友的資料加入至名單上，這裡會顯示他們的資料；如果沒有，就會如下圖般是沒有其他人的資料的。首先注意你想幫他換機票的親友的資料是否在名單上，如果他的資料已在名單上，就毋需再將他的資料加入到兌換名單。

• 每個Asia Miles會籍只可以免費設定5位成員至兌換名單上
• 之後每次改動都需要收費US$50 (網上更改，其他途徑的話要US$75)，而且每年度上限只可以改動5次！

2024年9月1日起生效的”更改”名單收費

所以大家要諗清楚加邊個落兌換名單到，而且記得！記得！記得！要打啱名，因為轉名都係計1次改動㗎！將親友的資料填寫到適當的空格上，在同意條款的空格上打剔，之後核對完資料無問題就可以提交。之後就搞掂㗎啦！

點樣將親友加入Asia Miles兌換名單？(手機版)

首先在Cathay … >>於新分頁打開全文 “【Asia Miles幫人換機票】朋友親人入兌換名單雖Asia Miles不能免費轉贈但可幫女朋友換機票”

我諗今日大家都見國泰公布2024年上半年業績公告，集團有錢賺HK$36.1億應佔溢利(2023上半年:HK$42.7億) ，當中大家個focus可能反而去咗香港快運虧損HK$7,300萬(2023上半年:溢利HK$3.3億)，阿仔輸錢阿媽嚟頂呢啲狗血劇情既花生梗係要食下。除咗賺錢蝕錢呢啲數字嘢，份報告其實都仲有好多嘢睇，配合埋國泰買新飛機/7年投資HK$1,000億計劃，加加埋埋我玩咗半日唔覺意就歸納咗16個Points出嚟。

國泰航空業績公布前：2024年7月前已發生

1. 2024上半年接回最後一架長期停泊澳洲愛麗斯泉的飛機。所有飛機均已重返機隊
2. 還清債：已向香港特別行政區政府全額償還195億港元投資，並在特區政府持有優先股期間派付24.4億港元股息

國泰航空業績公布2024：對未來投資部份HK$1,000億投資

1. 宣布訂購30架空中巴士A330-900型號客機，並有權額外增購30架，此款區域廣體客機預計將於2028年起陸續交付加入國泰航空機隊主要服務亞洲航線
2. 配合機場三跑道系統落成，鞏固香港作為國際航空樞紐的地位，未來7年投入超過 HK$1,000 億港元的重大投資，包括機隊、客艙產品、貴賓室及數碼升級。一千億個數好eye catching，不過我手多去睇返30架A330-900個合約價已經係HK$85.8 billion (HK$850億)。都啱既航空公司既投資唔正正經經拎去買飛機唔通走去搞千億基建咩。
3. 國泰未來將接收超過100架新一代飛機，並有權再額外增購超過80架飛機。個「權」既意思我估係同Boeing/Airbus傾合約果陣要攞埋個優先權去加單

購買30架飛機的交易公告：https://www1.hkexnews.hk/listedco/listconews/sehk/2024/0807/2024080700176_c.pdf

國泰航空新機艙產品及貴賓室

未來三年推出多款全新機艙產品及貴賓室，叫做「每年」都計劃有新機艙產品

1. 2024: 爾雅商務客艙（Aria Suite）及特選經濟客艙，於今年稍後時間在重新設計的波音777-300ER客機推出
2. 2025: 第一架波音777-9客機於 2025 年加入機隊全新頭等客艙體驗，先前有曝光過係新頭等艙Halo Suite (講係咁講，收到飛機先講)
3. 2026: A330 客機上引入設有平臥睡床的嶄新商務客艙(區域廣體客機，主要飛 Regional例如日本線，簡單嚟講大家痛恨既Regional「假J」舊飛機，會陸續被取締，不過國泰A321 neo細機都係無得避得牙醫櫈坐)

爾雅商務客艙（Aria Suite）本身話2024年第二季，但現時仲未見到

 國泰Wi-Fi及國泰貴賓室

1. 於2024逐步為商務客艙顧客及鑽石卡會員提供免費機上無線網絡服務(實行緊，先前有講過)
2. 地面服務方面，國泰航空將在未來三年於香港和北京推出全新設計的旗艦貴賓室，並於紐約甘迺迪國際機場開設首個國泰航空專屬貴賓室(如果我無聽錯記者會內容，2024年底The Wing First會開始翻新，2026重開，之後再翻新The Wing Business及The Pier)

國泰航空業績其他記事

1. 按預期於2025 年第一季回復至疫情前的百分之一百水平
2. 2024年國泰集團員工人數今年將會有5,000人的淨增長，到年底達到29,000 人
3. 現時國泰航空及香港快運的客運航班共飛往全球 80 多個目的地，航點數量預計在 2025 年內將增加至 100 個
4. 客運及貨運收益對比同期上升HK$51.6億，可載客量及客運量上升而增加，增幅因收益率下跌11%而下降(意指客運人數多咗，但票價因正常化而下跌)
5. 其他服務及收回款項對比同期上升HK$3.4億，因客運量及里數銷售上升而增加。見到呢點我都覺得幾有趣，原來國泰既里數收益就group咗係到，比上年6個月多咗HK$3.4億唔知有幾多係從Asia Miles到嚟，賣咗出去既里數正路都仲要會員用埋Asia Miles換機票或換禮品先會入數
6. 燃油對沖收益係正數，有令整體燃油成本下降少少($61m/$14221m)

2024年上半年國泰航空業績：https://www1.hkexnews.hk/listedco/listconews/sehk/2024/0807/2024080700172_c.pdf

【Cathay Samsonite行李箱】 買靚喼！限時優惠Cathay Shop實體店 Suitcase promo

我真係忍唔到手買咗國泰Samsonite呢隻喼，去攞杯時無貨留咗電話又真係call back咗我話留咗俾我。今日就拎埋一個月內嘅登機證去太古城實體Cathay Shop買有95折，講下我點解入咗局：

1. 首先真係自己鐘意先，價錢係唔平，但現場摸個質感真係正，試下推下同我用開嘅幾百蚊喼真係有唔同(可能我呃緊自己)，我用開果隻係Samsonite同集團嘅American Tourister嚟，Sam嘅喼真是靚啲
2. 呢個20吋細喼原價$3450，拎一個月內的登機證現場買95折後$3277.5
3. 7月底前有額外里數活動，我啱啱買咗佢計返出嚟我賺8088里 (我唔知點解，但比條款所講仲多咗，留言有TnC睇)但仲多過我計嘅數咁我就唔理啦
   • Jul Promo TnC
4. 用渣打國泰卡去國泰到買機票或者Cathay Shop都有額外里數的，全期活動包括機票買夠$8000的話有$2/里，我食埋呢到計返隻喼$3277又多1600里
   • 優惠條款
5. 一路個hand carry喼都係用平嘢但個鎖壞咗，自己難得鐘意就豪氣啲買個靚啲用返佢十年八年

你都想買既話可以去返Cathay Shop: https://lifestyle.asiamiles.com/en/HK/Lifestyle-Awards/p/CXB_0199_40001

✈️里數信用卡 (數字越低越好)