Category: Asia Miles 換機票教學

【國泰第五航權】Asia Miles換機票台灣轉機？

Asia Miles 換機票教學, Asia Miles 亞洲萬里通

【國泰第五航權】Asia Miles換機票台灣轉機？

好耐無寫換機票心得，要寫嘅先前都寫得7788，有睇我先前文章嘅朋友應該都有概念點樣玩Asia Miles混合艙。呢排出咗幾張票想分享啲心得，概念上會比較advance，但耐唔耐都會有讀者問到我。基礎上由Asia Miles換台灣機票而起，再從台北呢個神奇機場睇一睇點運用，或者叫點樣用到台北去慳里數/嘆頭等。

Asia Miles換機票我諗唔少朋友都知道要換去日本的話經常都只出現經台北「轉機」去日本/日本經台北「轉機」去香港。當中涉及國泰嘅第五航權(技術停留)既問題，以下可以解釋下。

經停台北轉機到日本 第五航權常見問題FAQs

第五航權航班/經停航班是否需要落機？

不一定的，但就著需經停TPE的國泰航班，幾年前我係有搭過而呢款台北經停航班係需要落機的，落完機會上返同一班機。我仲有搭過有款係經停BKK的就無需落機。

經停航班需要出入境嗎？

簡單嚟講係不需要的。不過又咁講你係成年人嚟而法治國家不會限制到你人生自由，你坐經停航班的話玩嘢要出境無人阻到你。但正常程序上，去到台北你需要落一落機再過一個簡單安檢去返departure 閘口再上同一架機飛去日本就可以。一般班號都沒有改動的。

於台北機場可以購物或入Lounge嗎？

可以的，最緊要你有足夠時間。台北TPE機場有吸煙區，環亞Lounge及國泰Lounge，仲有牛肉麵食添，有時間可順道到訪。

外地出發免稅店買咗液體超過100ml，過唔過到經停台北安檢？

大部分情況下國泰空姐會要求你拎晒所有手提行李下機的，因為台北機場要過安檢，建議就唔好拎超過100ml的液體。

經停航班有幾多餐飛機餐？

會有2餐的。我仲記得當年我第一次搭Business Class去名古屋就係搭經停台北航班，有2餐business class meal食都幾開心（當年國泰餐飲好食的）。如果第一次換business 想過下受飛機癮，坐下呢啲經停航班唔錯架。

何謂第五航權(5th Freedom flights)？國泰航空第五航權之航線

第五航權 (5th Freedom flights)就是指某國家作為樞紐的航空公司，可以載客並執飛兩個不同國家之間(並非本國)的航線的權利，又可稱作中停權。例如國泰航空作為香港樞紐航空公司，於台北(TPE)起飛至大阪(KIX)之航班，此為第五航權的一種體現。而可以見到此類航班會有「同一航班號」，國泰航空第五航權之航線如下：

  • TPE-KIX (台北-大阪)
  • TPE-NGO (台北-名古屋)
  • TPE-NRT (台北-東京成田)
  • TPE-ICN (台北-首爾)
  • YVR-JFK (溫哥華-紐約)
  • BKK-SIN (曼谷-新加坡)
  • CNS-BNE (開恩茲-布里斯班)
  • DXB-BAH(杜拜-巴林)

另外其他oneworld成員都有啲第五航權可能都多啲機會用到:

  • BKK-HKG (曼谷-香港, RJ)
  • SIN-SYD (新加坡-悉尼, BA)

第五航權好處

  • 航班選擇會多咗。譬如你喺台北都可以用Asia Miles換CX機嚟飛日本，比起換日航會慳咗少少里數
  • 理論上mile位會易換咗。因為比起香港直接飛日本，中停台北會用多咗時間，變相亦都會少咗人選擇咁玩
  • 時間夾得好嘅話飛日本都可以順便快閃玩下台北
  • 可以食兩餐飛機餐
里數回贈比率，越低越好
學生信用卡 銀聯信用卡 食肆信用卡 交保險信用卡 繳費信用卡 永久免年費 超市信用卡 開戶派錢攻略
… >>於新分頁打開全文 “【國泰第五航權】Asia Miles換機票台灣轉機？” » Read more

【Asia Miles online chat改票/退票/出票】Asia Miles電話以外兌換機票途徑即時對話出票及改票/Hotline/網上換機票方法及程序合集

Asia Miles 換機票教學, Asia Miles 亞洲萬里通

asia miles電話 以外兌換機票途徑

【Asia Miles online chat改票/退票/出票】Asia Miles電話以外兌換機票途徑即時對話出票及改票/Hotline/網上換機票方法及程序合集

Asia Miles電話：2747 3333。我相信你同我都唔會陌生。最出名係咩？成日打唔通或者要等到天昏地暗囉。現時可以online chat「即時對話」出票或改票。每週7日，每日24小時可以透過線上即時對話服務，查詢兌換獎勵或個人賬戶事宜。

Asia Miles電話/網上/真人對話兌換機票方法及途徑

  1. Cathay Pacific 網上系統兌換(直入兌換頁)→CX官網(需login)
  2. 即時對話出票→要先登入 CX官網(需login) search機票係右下角有個交談icon，click落去就有對話框彈出嚟 (文章下半部份有圖)
  3. Asia Miles 網上系統兌換(直入兌換頁)→AM官網(需login)(現在已經可以網上兌換多目的地票, 但stopover不能超過24小時)
  4. Cathay WhatsApp 2747 2747 聯絡國泰：https://wa.me/85227472747
  5. Asia Miles電話： 2747 3333 (如果廣東話真係等到頂唔順，可以選英文一般會快啲)

*Asia Miles混合艙的票並不能用2的方法網上兌換。

Asia Miles電話兌換機票前建議準備功夫

當仲有香港機場Aisle B出票counter嘅職員訴過苦，最需要時間處理嘅客人係唔知自己想要乜而又無做research。如果需要搵真人對話出票前有做功課，有花啲時間搵有位嘅航班的話我都相信Asia Miles hotline唔會長期要等咁耐。

都係到呼籲一下，要打電話出票前可以先到Asia Miles 網上系統都試下查一下位，搵到有位後再打電話去出多城市的票。當然我都知唔係每一間夥伴航空公司都可以Asia Miles網上系統內查位，但Asia Miles網上系統可查位其實為數也不少可以先自行睇一睇再打去，節省大家的時間。網上系統的放位情況同Asia Miles hotline查到嘅位係一樣嘅。

Asia Miles可於網上查位/兌換機票的11家航空夥伴

  1. 國泰航空
  2. 國泰港龍航空
  3. 日本航空
  4. 英國航空
  5. 芬蘭航空
  6. 澳洲航空
  7. 卡塔爾航空
  8. 西班牙國家航空
  9. 皇家約旦航空
  10. 斯里蘭卡航空
  11. 阿拉斯加航空

Asia Miles兌換機票建議應用之各情況

主要為以下三種情況，想出票又快又順利可以諗咗自己係咩情況再決定用邊個方法。

1. 一航段單程機票/ 點對點行程

… >>於新分頁打開全文 “【Asia Miles online chat改票/退票/出票】Asia Miles電話以外兌換機票途徑即時對話出票及改票/Hotline/網上換機票方法及程序合集” » Read more

【Asia Miles候補機位Waitlist】於2021年10月22日取消 只保留客艙提升獎勵機票及同行貴賓獎勵機票

里數攻略 知識教學, Asia Miles 亞洲萬里通, Asia Miles 換機票教學

asia miles waitlist 候補機位 取消

【Asia Miles候補機位Waitlist】於2021年10月22日取消 只保留客艙提升獎勵機票及同行貴賓獎勵機票

慘，Asia Miles無得再用waitlist等機位了。本身呢個候補機位我覺得幾好用可以唔洗日日睇住有咩位換。對我好咗既地方係本身我只係綠卡仔會員，呢加係全部鑽石卡金卡銀卡會員都無得wait。呢班高級會員就慘啲…有朋友係高級會員又真係真日都wait到@@

我比較好奇取消咗之後係咪會多咗last minutes執雞位。呢加都飛唔到，到時再算吧~~

取消候補機位服務

1. 由2021年10月22日起，所有會籍級別的會員都不能獲享候補機位服務嗎？

由2021年10月22日起，所有會籍級別的會員都不再享有候補機位的服務。目前已預訂的候補機位仍然有效，只要有可供兌換的機位，你的預訂即可獲得確認。

2. 所有飛行獎勵機票都不再提供候補機位服務嗎？

候補機位服務僅不適用於標準賞飛行獎勵機票。客艙提升獎勵機票及同行貴賓獎勵機票仍可使用候補機位服務。

3. 客戶服務人員可繼續協助馬可孛羅會銀卡（或更高會籍級別）會員及其家人安排候補機位服務嗎？

很抱歉，由於候補機位服務於2021年10月22日起取消，所以我們不能在此日期之後安排標準賞之候補機位服務。但你可以選擇在國泰航空網頁使用「里數加現金」預訂機票，更可即時獲得機位確認。

4. 如果正處旅遊旺季，我要如何在飛行獎勵機位已滿的情況下，獲得預訂確認？

你可以選擇在國泰航空網頁使用「里數加現金」購買機票，除可即時獲得機位確認，更可讓你自由靈活地預訂心儀航班。

5. 如我兌換的航班因服務受阻而被取消，我可以選擇更換航班並安排候補機位嗎？

對於所有非自願性預訂更改， 包括航班服務受阻和取消，會員可以致電我們的服務熱線進行查詢。由於候補機位服務於2021年10月22日起取消，我們建議你在飛行獎勵機位已滿的情況下，在國泰航空網頁使用「里數加現金」預訂心儀航班之機票。

官網：https://www.asiamiles.com/zh/support/help-centre/faq.html#/general/1

asia miles候補機位 waitlist 成功機會 限額

【Asia Miles候補機位Waitlist及兌換票途徑】4月1日起加入Waitlist上限+候補機位成功率

昨日出咗消息Asia Miles換機票有重大改動，其中包括假單程無得再玩。而Asia Miles waitlist候補機位上都限制咗為10個，一向候補機位嘅死線及機率都多朋友會問到，留意只有國泰CX及國泰港龍KA的Asia Miles兌換機票先有得waitlist，其他航空公司即使可網上兌換但都係不可以候補機位的。

1. Asia Miles換機票waitlist侯補出到票嘅機會大唔大？

  • 其實每次我嘅答覆都係「放位嘅野好難講，答唔到你」
  • 我相信CX會有system計算每班機放幾多位，幾時放位，但並沒有確實嘅pattern
  • 而都係到提返句你問Asia Miles hotline都答你唔到，可以慳返啖氣唔洗問

事實上我見過等半日business就話有位，亦都有試過econ出發前2日有位，當然都有試過等唔到位…張first class 實例就出發前11日先通知我有位。其實我本身已經reserve 咗個位，呢張係時間理想啲嘅機，只係個換票策略嚟，先前於國泰頭等oneworld機票我都有分享過如果我呢加要改就俾US$40/4,000 Asia Miles。

2. 咩情況下用waitlist候補？死線是何時呢？

  • 首先waitlist只係開放予國泰或國泰港龍嘅航班，其他partners無得wait或hold，只能即時confirm機位
  • 無位但某一日想出發就waitlist咗先，唔洗俾錢都唔會扣你里數
  • 當有位時國泰會有人打俾你同埋會有SMS俾你，怕miss咗或者你自己一頭半個月就睇下有無轉到status做confirm，有就可打去出票

3. Waitlist是否有上限？

  • 如未確認任何機位，2020年4月1日起最多只能waitlist 10班機
  • 每個會員賬戶只能同時預訂最多10個候補機位。如已達此限，會員須取消最少一個預訂，方可預訂新的候補機位。

4. Asia Miles Waitlist會馬上扣里數及稅金嗎？

  • 不會，里數及稅金只會於confirm機位時先收取，由waitlist轉做有位就同CS連絡俾信用卡資料同埋乘搭人資料開票，成功開票後會有個email send返俾你

5. 我的來回機票去程已確認，回程未有位，可以Waitlist嗎？是否有出票期限？

  • Waitlist候補機位會俾個時間你，話你知可以wait到幾時，如果來回票有一程已confirm，但另一程未confirm的話個waitlist時間會好短，因為我覺得CX都唔想俾人Hold晒啲位又唔出票，咁好浪費資源(如果你係呢個情況可試下叫CS hold多幾日，睇下有無廉航可補到單程平平地咁完成一個trip)
  • 如果你已有一程confirm，Asia
… >>於新分頁打開全文 “【Asia Miles候補機位Waitlist】於2021年10月22日取消 只保留客艙提升獎勵機票及同行貴賓獎勵機票” » Read more

【Asia Miles 里數加現金】點先抵？分享兌換Tips 國泰航空官網直接預訂機票 活用里數選擇心儀航班同時賺取里數！

Asia Miles 亞洲萬里通, Asia Miles 換機票教學

Asia Miles 里數加現金 兌換機票

【Asia Miles 里數加現金】點先抵？分享兌換Tips 國泰航空官網直接預訂機票 活用里數選擇心儀航班同時賺取里數！

3月中果時有同大家分享過Asia Miles將會推出里數加現金新玩法，話咁快又到咗3月30日正式推出。我就去國泰官網到即刻試下係點玩法，試咗幾個唔同組合得出嚟既結果都好唔同，下文再同大家分享下。

新加呢個Miles Plus Cash有幾點想提返先
  1. 現時係多咗Miles Plus Cash呢個抵銷機票價格既方式，但仍然保留以全Asia Miles兌換機票的標準賞，只係本身相對較貴既靈活賞同隨心賞無咗，啫係話如果有機位的話，仍然可以20,000里數兌換來回東京經濟客位
  2. 先唔講Miles Plus Cash貴定平，呢加係多咗途徑使用Asia Miles，有里數就到期又或者餘下里數唔夠換一張標準賞的話，只要有5,000 Asia Miles都可以用里數加現金呢個方法嚟用咗佢
  3. 里數加現金既性質上係以國泰官網機票價錢，再用Asia Miles用作抵銷票價所需款項，正因如此即使係用里數加現金都仲可以儲到張機票所得既里數，同埋Marco Polo Club會籍積分，同用全Asia Miles兌換機票的標準賞嚟講係兩樣嘢嚟
  4. 我試玩咗里數加現金既兌換係隨住唔同日子，唔同Class或人數，里數加現金抵銷票價的兌換比率都會唔同
  5. 如果標準賞有足夠位兌換而又有你心水時間，相信一般嚟講都係用返Asia Miles標準賞換會抵啲，如果里數就到期而標準賞又搵唔到心水時間，用里數加現金都不失為方法之一

總括嚟講以後揸住里數要換機票就簡單又靈活方便得多啦，係旺季或者一家人出發唔洗再擔心兌換機位唔夠換唔到機票，你仲可以選擇用里數加現金嚟用兌換！用呢個方式訂機票的話同仲可以賺到里數同埋Marco Polo Club會員可以儲到Club points添啊！同你用錢買張機票一模一樣，只係你可以用里數嚟抵銷機票價錢，里數更多出路！

過去一年啲里數儲儲埋埋又無得飛，相信大家成手里數等住用，呢加配合埋個新「里數加現金」玩法就啱晒喇！

國泰Miles Plus Cash換機票詳情

  • 開始日期：2021年3月30日起
  • 於國泰航空網站預訂機票時，透過全新的「里數加現金」付款方式購買機票
  • 預訂機票可同時賺取里數和會籍積分
  • 每次預訂最少使用5,000里數，並無使用上限
  • 無最低現金付款要求
  • ***「亞洲萬里通」將於同日取消「靈活賞」及「隨心賞」飛行獎勵。
  • 官網詳情：https://bit.ly/38HThoy

國泰Miles Plus Cash兌換方法及Tips

要用Miles Plus Cash呢個方法買機票好簡單，只要好似平時你去國泰官網search機票咁，去返 cathaypacific.com 到登入再去search你想要既航班到，入好乘客資料後到付款頁面到就會有得選擇用里數加現金。

miles plus cash 用法

係選擇付款方式下面有粒制可以選擇用返「里數加現金」

我試玩咗里數加現金唔同組合，暫時睇到有以下tips：

  • 人數：購買二人或以上機票，如果全部用里數付款，計返每個人所需要嘅里數係會比一個人平
  • 使用的Miles：當你選擇以愈多里數抵銷票價款項，兌換比率就越好
  • 以下用HKG-NRT的來回機票為例子

經濟艙單人來回東京，今年12月1日出發，12月５日返，以全部里數兌換需要53,976里加稅

【Asia Miles 里數加現金】點先抵？分享兌換Tips 國泰航空官網直接預訂機票 活用里數選擇心儀航班同時賺取里數！

經濟艙單人來回東京，今年12月1日出發，12月５日返，以全部里數兌換需要53,976里加稅

經濟艙雙人來回東京，今年12月1日出發，12月５日返，以全部里數兌換只係需要90,000 里加稅，平均一個人就要45,000里，叫做慳返啲里數

miles cash hkg nrt double

經濟艙雙人來回東京，今年12月1日出發，12月５日返，以全部里數兌換只係需要90,000 里加稅，平均一個人就要45,000里，叫做慳返啲里數

如果標準賞有足夠位兌換而又有你心水時間，相信一般嚟講都係用返Asia Miles標準賞換會抵啲，如果里數就到期而標準賞又搵唔到心水時間，用里數加現金都不失為方法之一。

國泰Miles Plus Cash換機票常見問題FAQs

我什麼時候可以使用「里數加現金」的付款方式？

答：國泰航空網站會於2021年3月30日推出「里數加現金」的付款方式。… >>於新分頁打開全文 “【Asia Miles 里數加現金】點先抵？分享兌換Tips 國泰航空官網直接預訂機票 活用里數選擇心儀航班同時賺取里數！”

» Read more

【JAL航線】日本航空國際航線列表 新航點更新及Zipair航線

Asia Miles 換機票教學, Asia Miles 亞洲萬里通

jal航線 日本航空國際航點

我諗大家都知東京有兩個國際機場(TYO)，如果要比較的話我諗多數朋友會鐘意飛羽田機場(HND)多過成田機場(NRT)。主要因為HND出入市區會較近而搭車又唔洗咁貴。一直以嚟由於羽田機場航班時間上限制比較嚴格而主力都係做日本國內線多，大部分國際長途航班都會經由成田機場。可能配合東京奧運，啱啱就見日本航空出咗個新聞稿「 Major International Network Expansion Plan
at Tokyo’s Metropolitan Airports 」。主要講述會增加HND嘅航班，或者可以叫做由NRT調咗啲航班去HND。

對香港人嚟講，特別係玩里數嘅朋友應該都知日本航空羽田機場/成田機場係玩超長程Asia Miles假單程嘅重要樞紐機場/oneworld航空公司之一，飛美國的話好好用，飛歐洲都唔錯。以下就襯住今次改動一次過寫返晒日本航空國際航線出嚟，方便搵返可以組合假單程嘅航點。抵唔抵就自己去返里先生Asia Miles計算機到入返啲目標航點再睇返計算機俾你個建議組合有無慳到里數。

是次改動對香港人嚟講影響唔大，因為來往香港嘅航班無改變。主要改變為日本東京同美國，芬蘭，俄羅斯，澳洲，印度及中國之間的航班。實施日期大部份由2020年3月29日起。

另外今次個announcement有提返日航嘅新廉航ZIPAIR都會確定咗2020年5月及2020年7月來往泰國曼谷及韓國首爾仁川嘅航線。

【JAL航線】日本航空國際航線列表 新航點更新及Zipair航線

*我自己上年換過HKG-JFK-TYO First Class不過好遺憾啲相同片遺失咗無法同你分享。有機會再飛過再分享吧…

JAL由日本東京羽田機場(HND)出發國際線：

  1. Bangkok BKK
  2. Beijing PEK
  3. Guangzhou CAN
  4. Ho Chi Minh City SGN
  5. Hong Kong HKG
  6. London LHR
  7. Manila MNL
  8. New York JFK
  9. Paris CDG
  10. San Francisco SFO
  11. Seoul GMP
  12. Shanghai PVG
  13. Shanghai SHA
  14. Singapore SIN
  15. Taipei TSA
  16. Chicago ORD (New)
  17. Dallas Fort Worth DFW (New)
  18. Los Angeles LAX (New)
  19. Honolulu HNL (New)
  20. Helsinki
… >>於新分頁打開全文 “【JAL航線】日本航空國際航線列表 新航點更新及Zipair航線” » Read more

Asia Miles新制混合艙/假單程玩法！47,000 Asia Miles換歐洲美國+混合艙位所需里數計算器

里數攻略 知識教學, Asia Miles 亞洲萬里通, Asia Miles 換機票教學

asia miles換機票 混合艙 歐洲 美國

Asia Miles換機票混合艙新制玩法！歐洲美國特別抵！混合艙位所需里數計算器

Asia Miles用假單程於早前已討論過可以點玩，不過先前多數用到英航但Asia Miles剛剛改咗條款係2018年11月起就可以日航JAL可直接兌換單程，所以現時用Asia Miles換美國/歐洲嘅超長途行程就方便得多又可以慳到里數。以下包括咗兩個重要換機票概念(1) 利用無上限距離換取「亞洲-歐洲或美國-亞洲」行程，(2) Asia Miles新制下既混合艙位(啫係一程坐Business+一程Econ咁)點樣可以用更低里數嚟出機票。先介紹咗幾條著數行程之後再解釋條款/教學，用呢招Asia Miles換歐洲/美國特別抵。最重要明白個換機票原理係「用里數買距離」，有個simple calculator去計算係混合艙位(mixed cabin)需要嘅里數。再分享幾條我覺得慳到里數會被採用而貼地D既行程。

***唔識計假單程混合艙要幾多里數可以睇→ 里先生Asia Miles計算機 (例子如下，要學原理就睇文章下部)

其他: Asia Miles新制兩航段票free stopover慳里數例子

asia miles換機票 新表格

Asia Miles混合艙/Partner Airlines換機票教學索引(按入向下彈)

其他新制文章(會轉到另一篇文):

Asia Miles換機票教學-運用日航JAL組合假單程行程

以下先睇例子，要明白個概念就睇落去了解乜野叫「無上限距離」再搞清楚個logic。

(假單程JL-美國紐約business)單程變來回，先到美國

  • HKG-JFK, JFK-NRT (CX Business+JL Business, 90,000 AM)
  • NRT-HKG (CX Econ, 10,000 AM)
  • 以上係用2條單程票出，共100,000 AM
  • (原理)HKG-JFK距離8,076mi，JFK-NRT 6,745mi，因為7,501+英哩距離上限無封頂，CX Business+ JL
… >>於新分頁打開全文 “Asia Miles新制混合艙/假單程玩法！47,000 Asia Miles換歐洲美國+混合艙位所需里數計算器” » Read more
,

【國泰頭等航線】 Asia Miles oneworld chart表格 CX Cathay Pacific First Class route//oneworld換機票

Asia Miles 換機票教學, Asia Miles 亞洲萬里通, 里數攻略 知識教學

cathay pacific cx first class route oneworld換機票 asia miles

【Asia Miles oneworld chart】國泰頭等航線航點 CX Cathay Pacific First Class route

終於係改制前用Oneworld chart出到條First Class ticket，6程first class +1 business class，用咗18,000英哩距離，盛惠190,000 Asia Miles +$2,100稅/附加費 (現時已改制要250,000 Asia Miles！！)。今次寫一下計劃First Class oneworld時嘅心得同埋列出返現時CX有直航First Class嘅航線航點。國泰嘅First Class基本上都係以Boeing 777-300ER (77W)執飛，港龍去北京都有First Class但配置上就同國泰嘅機唔同，機型會用上A330-300。要計劃First Class最難嘅地方就係搵位，加上埋國泰有First class嘅航點/機型都唔多。以下首先講返現時我所見到有First嘅航點。睇返點樣Plan用oneworld chart兌換機票可以去返 MrMiles.hk/oneworld/ 到睇。

國泰頭等航點 CX Cathay Pacific First Class route

亞洲航點:

  • HND 東京羽田
  • NRT 東京成田
  • BKK 曼谷
  • TPE 台北
  • PEK 北京 (KA有A330-300 First)
  • SIN 新加坡
  • MNL 馬尼拉

歐洲航點:

  • LHR 倫敦
  • CDG 巴黎
  • ZRH 蘇黎世
  • FRA 法蘭克福
  • MXP 米蘭

美洲航點:

  • JFK 紐約
  • ORD 芝加哥
  • BOS 波士頓
  • YVR 溫哥華
… >>於新分頁打開全文 “【國泰頭等航線】 Asia Miles oneworld chart表格 CX Cathay Pacific First Class route//oneworld換機票” » Read more
,

Qatar Qsuite 卡塔爾航空商務艙| Asia Miles里數兌換方法選位策略及HKG香港-DOH多哈飛行體驗/多哈貴賓室體驗

里數攻略 知識教學, Asia Miles 換機票教學

Qatar qsuite 卡塔爾航空商務艙 Asia miles兌換

Qatar Qsuite 卡塔爾航空商務艙| Asia Miles里數兌換方法選位策略及HKG香港-DOH多哈飛行體驗/多哈貴賓室體驗

自從上次分享完係歐洲坐Qatar Qsuite返嚟就有唔少讀者問我點樣可以用Asia Miles換卡塔爾航空商務艙， 咁今次就寫番呢一篇Asia Miles兌換Qatar攻略希望幫到大家，用Asia Miles都可以兌換到呢一個咁優質嘅商務艙。今次嘅體驗真係好好，卡塔爾航空被譽為「A first in business」絕對無錯，係今次嘅體驗裏面我真係感受到Qatar嘅service同埋硬件都真係稱得上為頭等艙嘅級別，如果唔趕時間可以慢慢嘆下Business Class坐下Qatar真係正(不過作為香港人假少想早啲到達我明嘅…所以我都係去程搭CX business class，回程先搭Qatar)，以下都會分享返兌換方法俾大家參考。今次我換呢一張機票係用咗Asia Miles oneworld兌換表格嚟做Asia Miles兌換，以下都會同大家分析返如果就咁換來回歐洲嘅機票同用oneworld chart換嘅機票有咩分別，之後再會同大家一齊睇下點樣可以揀到Qsuite有機會成為雙人床嘅坐位。其實作為香港人其實好幸福，因為香港往來多哈嘅航線都用緊最新嘅機型777-300EW，兩班機都係Qsuite嚟！所以基本上你香港出發都唔使點揀只要係從香港經多哈轉機都已經可以體驗到Q Suite。唔好講咁多，睇完相先再睇兌換攻略！

***特別選航班心得先話你知：Qsuite會係夜機先提供到full service，啫係話舖床，睡衣(自己睇相)正常要係夜晚機先會有，你有得選又就到時間記得選夜晚機

如果唔夠里數又唔想等的話，其實Qatar business相對國泰平，做特價時HK$2-3萬可以坐到Business來回歐洲！得閒可以自己Search下→ Qatar官網連結

卡塔爾航空商務艙 Qatar Qsuite飛行體驗(內有文字描述)

  • 航班: QR816 (DOH-HKG)，8:55am (Doha time)
  • 機型: B777-300ER
  • 艙等: Business Class (Qsuite config.)

[Best_Wordpress_Gallery id=”13″ gal_title=”Qsuite”]

Asia Miles兌換卡塔爾航空商務艙至歐洲需要里數

  • 當選用到卡塔爾航空去歐洲每單程包括轉機就70,000里，來回就需要140,000里，唔係因為硬件升級咗而係Asia Miles規則當你用夥伴航空時就會需要用更多里數
  • 如果坐國泰直航到歐洲大部分嘅地方都係每單程65,000里，來回為130,000里
  • 如果組合為去程Qatar，回程國泰Business，啫係135,000里可以出到
  • 以上按照Asia Miles新制標準賞兌換表格，因為必需用到1個轉機/停留係多哈，所以先前教嘅Asia Miles假單程/ Asia Miles換機票教學變出兩個trips 完全唔洗諗

Asia Miles oneworld chart兌換需要里數

  • 如果用oneworld chart嘅話，香港歐洲來回Qsuite最低消費為155,000 Asia Miles，上限距離18,000英哩(唔知乜嚟? 睇返→
… >>於新分頁打開全文 “Qatar Qsuite 卡塔爾航空商務艙| Asia Miles里數兌換方法選位策略及HKG香港-DOH多哈飛行體驗/多哈貴賓室體驗” » Read more

【新制】Asia Miles換機票教學 美國/加拿大+泰國盡用 stopover教學篇

Asia Miles 亞洲萬里通, Asia Miles 換機票教學, 里數攻略 知識教學

asia miles換機票美國 加拿大 教學篇

【新制】Asia Miles換機票教學 美國/加拿大+泰國/日本盡用 stopover教學篇

Asia Miles換美國或加拿大機票新制下玩法教學，正常Econ 60,000里出來回票只能住返美國西岸/加拿大西。加多個trips玩又點？以新制度下睇你加多10,000里70,000 Asia Miles的話就可以加多個泰國來回，再送多你2個短途單程。都係將個睇野角度轉一轉由美洲出發，停香港(出票起計一年內)，再到泰國/日本，成個玩法又係好多配搭。最緊要係你睇完明白個慨念識得舉一反三。睇返日韓泰台2個trips 30,000里的例子就睇返→Asia Miles換日本+泰國

Asia Miles換機票去美國/加拿大(坐CX)分為兩類，第一類為西岸，距離為7,500英哩以內用30,000里可以出到單程，包括

  • 溫哥華 YVR – 6,393英哩
  • 三藩市 SFO – 6,927英哩
  • 洛杉磯 LAX – 7,260英哩

第二類東岸，距離為7,500英哩以上(至無限??未知)用42,000里可以出到單程，包括

  • 多倫多 YYZ – 7,810
  • 芝加哥 ORD – 7,794
  • 紐約 JFK – 8,072
  • 波士頓 BOS – 7,970
  • 華盛頓 IAD – 8,153

先以去溫哥華為例，下一步就將7,500英哩減出仲有幾多距離可以餘下，減完溫哥華的6,393英哩就仲有1,107未用盡。1,107英哩仲可以去到邊？以下有幾個熱點都好啱以香港以CX/KA出發做短trips:

  • 沖繩 OKA – 906
  • 濟洲 CJU – 1,088
  • 泰國曼谷 BKK – 1,050
  • 泰國清邁 CNX – 999
  • 台北 TPE – 502
  • 台中 RMQ – 447
  • 越南胡志明 SGN – 925
… >>於新分頁打開全文 “【新制】Asia Miles換機票教學 美國/加拿大+泰國盡用 stopover教學篇” » Read more
,

【新制】Asia Miles換澳洲機票教學篇(或馬爾代夫)+泰國/日本盡用 stopover

里數攻略 知識教學, Asia Miles 換機票教學

asia miles換澳洲機票 教學篇

【新制】Asia Miles換澳洲機票教學篇(或馬爾代夫)+泰國/日本盡用 stopover

Asia Miles換澳洲機票係舊制下係幾抵，新制下又點用盡個stopover? 以下有最新教學攻略，正常Econ 44,000里出來回票只能住返澳洲/馬爾代夫，新西蘭要60,000里。加多個trip玩又點？以新制度下睇你加多10,000里54,000 Asia Miles的話就可以加多個泰國來回或日本來回。都係將個睇野角度轉一轉(假設)由澳洲出發，停香港(出票起計一年內)，再到泰國/日本。但因為澳洲南部城市用嘅距離已經好盡，要用到比較北的城市CNS/PER先至做到2個trips嘅效果。最緊要係你睇完明白個概念識得舉一反三。睇返日韓泰台2個trips 30,000里的例子就睇返→Asia Miles換機票教學(日本+泰國)

Asia Miles換機票去澳洲/馬爾代夫先記住個magic number 「5,000」英哩，22,000里可以換到嘅距離為5,000英哩，地方包括

  • 開恩茲(大堡礁) CNS – 3,451英哩
  • 珀斯 PER – 3,733英哩
  • 悉尼 SYD – 4,581英哩
  • 墨爾本 MEL – 4,591英哩
  • 布里斯本 BNE – 4,306英哩
  • 馬爾代夫 MLE – 2,977英哩
  • 奧克蘭 AKL – 5,689英哩 (已經超過5,000英哩，上一級要用30,000里先換到單程票)

先以去Carins為例，下一步就將5,000英哩減出仲有幾多距離可以餘下，減完CNS的3,451英哩就仲有1,549未用盡。1,549英哩仲可以去到邊？以下有幾個熱點都好啱以香港以CX/KA出發做短trips:

  • 大阪 KIX – 1,539英哩
  • 首爾 ICN – 1,285英哩
  • 釜山 PUS – 1,269英哩
  • 泰國布吉 HKT – 1,425英哩
  • 沖繩 OKA – 906英哩
  • 濟洲 CJU – 1,088英哩
  • 泰國曼谷 BKK – 1,050英哩
  • 泰國清邁
… >>於新分頁打開全文 “【新制】Asia Miles換澳洲機票教學篇(或馬爾代夫)+泰國/日本盡用 stopover” » Read more
,
1 2 3