日本終於開放返自由行啦！相信大家都準備緊嚟日本。而現行入境日本一定要用嘅「MySOS」app將於2022年11月14日起由「Visit Japan Web」網頁所取代，入境日本唔再需要透過「MySOS」嚟完成檢疫手續。而從2022年11月1日起旅客已經可以經「Visit Japan Web」嚟進行檢疫手續、入境檢查、海關申報等的事項。到底用呢個網頁嘅時候有啲乜嘢需要留意呢？等里先生逐一同你講解返啦！

Visit Japan Web 註冊登記教學(按入向下彈)

• 第一部分：Visit Japan Web 所需資料
• 第二部分：Visit Japan Web 註冊流程
• 第三部分：無法完成註冊Visit Japan Web

Visit Japan Web 所需資料

首先用手機或電腦進入Visit Japan Web的網頁來完成登記，12歲以下兒童可由同行者代填。建議大家係入境前14日內，預計到達日本前6小時前完成註冊。

Visit Japan Web 網址：https://www.vjw.digital.go.jp/main/#/vjwplo001

事前登錄需要準備以下資料：

1.護照
2.72小時內新冠病毒檢測陰性證明（打少過3 針）或疫苗接種記錄（打咗3針）
3.電郵地址及聯絡電話
4.往來航班資料
5.在日本的居住地址

Visit Japan Web 註冊流程

Visit Japan Web 網址：https://www.vjw.digital.go.jp/main/#/vjwplo001

1.建立帳戶

進入Visit Japan Web 網頁後按建立新帳號，如果已經申請過Visit Japan Web 帳號可以直接登入

使用電郵地址建立一個帳戶

2.登記個人資料

登入後會見到這個頁面，點選本人資料以登記你的個人資料；如果想為同行家人登記個人資料，需要在你完成登記自己的個人資料後，回到這個頁面按「同行家人資料」再進行登記

點選本人資料後網頁會問你2個問題，一般遊客可以都選擇「否」，然後按「下一步」。如你持有日本的工作簽證或學生簽證，第2條問題請選擇「是」

之後填寫你的個人資料、出入境日本的預定時間、在日本的聯絡地址等的資料，就會進入以上的確認版面。確認資料填妥之後，按「登錄」

3.添加行程

完成登記個人資料後，按新增登錄添加行程

按指示填寫預計抵達日本的日期、航空公司名稱、航班編號（只需填寫數字）

如乘搭國泰航空CX542班機， 在「航空公司名稱」選擇CX，然後在航班號填寫542。填妥後按下一步

填寫在日本的聯絡地址，如知道酒店地址的郵遞區號，可嘗試使用郵遞區號自動填寫，填妥後按確認輸入內容

核對資料填寫正確後，按「返回入境、回國手續」繼續登記

4.填寫檢疫手續

成功添加行程後，進入行程會見到3個要填寫的項目：「檢疫的準備」、「入境審查準備」和「海關申報準備」。我們首先點選「檢疫的準備」之下的「檢疫手續(快速通關)」

然後透過「Visit Japan Web」遞交包括護照、72小時內新冠病毒檢測陰性證明（接種少於3 針疫苗）或疫苗接種記錄（已接種3針疫苗）。護照、72小時內新冠病毒檢測陰性證明（接種少於3 針疫苗）或疫苗接種記錄（已接種3針疫苗）可以用電話拍照直接上載、或於電腦上載相關文件。於上圖相應位置揀選你想上載的文件，之後就會去到相應的版面… >>於新分頁打開全文 “【日本入境準備】入境日本指定 Visit Japan Web 註冊登記懶人包！代替 MySOS！”

東京 Andaz Tokyo︱日本酒店 Hyatt旗下 型格奢華頂級酒店 全東京最高！世界級靚景！

到東京除咗住萬豪系列嘅mesm Tokyo, autograph collection，我仲有去到Hyatt旗下品牌Andaz Tokyo同Park Hyatt Tokyo。今日先同你睇睇Andaz Tokyo。

相信同好大部份讀者一樣都係過去3年困咗係香港先跑咗個Globalist返嚟，很慚愧大鄉里出城第一次住Hyatt旗下相對luxury嘅品牌Andaz同Park Hyatt，香港住嚟住去都係Grand Hyatt/ Hyatt Regency，係近年多咗間Hyatt Centirc。咁過去3年儲落啲分都終於有用武之地，可以用係啲奢華酒店到（使用積分性價比唔算好高，不過我原則係用得返HK$0.12價值的話就唔好等用咗啲分佢享受咗先）咁呢間Andaz Tokyo每晚連加一要88,000 Yen，咁我啲分就用咗先算架喇。

首先一提，呢間Andaz係無得用套房券的（我未查到係咪全部Andaz都唔俾用）所以事前無得guarantee 升套房，而我今次幸運地升到間Deluxe room (其實啫係corner room嚟) 都已經相當唔錯一路有𥄫住個app，我checkin時間係4點左右，都係3點鐘先見到升咗房，感恩硬係感覺遲checkin升房機會會大啲

一到埗checkin 就已經見到front desk manager係51樓checkin lobby到等待，佢相當親切，知我係香港嚟嘅立即就提起佢曾經係Grand Hyatt Hong Kong到交流過一排，咁我梗係攞GH Club Lounge AM ( Scxxt，相信住過GH去過Grand Club的話大家都識佢 )出嚟震一震住個場先一提起佢大家都相當歡喜 佢又有提到已經好耐無接持講英文嘅客人，困咗2年都係主力做本地客咁話，一時三刻都要適應返講英文。呢個checkin conversation相當愉快且窩心，感謝 Masaaki san

東京頂級奢華酒店我仲住過萬豪系嘅The Ritz-Carlton，我本身以為係東京最高酒店嚟，不過聽Masaaki San講原來Andaz Tokyo係再高少少。我就無去fact check了，反正2間酒店嘅景觀都係世界級嚟。而整體下，我感覺係更喜歡Andaz Tokyo的隨性與型格。

如果酒店唔係咁貴我都想住多啲住耐啲 或者大家同我一樣儲埋啲分未用嘅話，都去東京一試！

東京 Andaz Tokyo住宿報告索引(快捷鍵)

• 第一部分: 東京 Andaz Tokyo 房間
• 第二部份:

【國泰A321neo】Cathay Pacific A321neo 香港-上海浦東 8月4日投入服務！

新機～首航～真的很興奮～嘩，國泰航空新一代嘅A321neo客機將於8月4日首航啟程前往上海，並擬於月內調配運作往來廣州、杭州、南京、青島、高雄及台北嘅航班！

國泰航空至今已接收四架空中巴士A321neo客機，並於下半年接收另外兩架。於2023年年底，國泰機隊將擁有16架A321neo客機。國泰航空嘅A321neo客機共有202個座位，包括12個商務客位及190個經濟客位。單通道嘅A321neo客機亦引入一系列別具特色嘅設計及設備，為顧客帶來全球最愜意嘅短途旅程！

國泰航空為左鼓勵香港居民接種疫苗，仲舉辦大抽獎活動，只要係2021年8月16日至9月15日期間報名參加抽獎，你就有機會贏取專屬航班暢遊香港上空，等你同親朋好友可以一齊乘搭A321neo飛機，遨遊香港天際！另外，你仲有機會贏取高達100萬「亞洲萬里通」里數獎賞添㗎！

又係全新及最先進，又有大抽獎活動，係咪對呢架A321neo好有興趣呢？不妨拉落下面睇住介紹先啦～

空中巴士 A321neo (32Q) 特色及座位表

可載乘客人數：

• 商務客艙 Business：12人
• 經濟客艙 Economy：190人
• 乘客總計 Total Passengers：202人

客機設有三個艙段：

• 客機嘅前方為商務客艙，緊接兩個經濟客艙艙段
• 經濟客艙第二個艙段嘅後方，設有適合行動不便乘客使用的洗手間
• 緊急出口行位於第35行及第二個經濟客艙艙段嘅前方
• 加長空間座位亦位於第二個經濟客艙艙段嘅前方
• 係商務客艙，洗手間及備餐間設於前方
• 係經濟客艙，洗手間及備餐間設於客機嘅後方

極致舒適的客艙環境：

• 商務客艙
  • 流線型包裹式座椅附設嘅伸縮隔板可以提供最大私隱度
  • 提供減噪耳機，15.6吋4K超高清屏幕
• 經濟艙
  • 座椅可往後大角度調校，並配備舒適嘅枕墊和新嘅可調節頭枕
  • 提供11.6吋4K個人電視屏幕，綜合式USB-A和USB-C接口
• 係機艙加設了一個額外洗手間，減省乘客嘅輪候時間
• 提供全新LED燈光照明

國泰A321neo-客艙環境

頂級機上視聽之娛：

• 首家航空公司為旗下A321neo飛機內嘅所有客艙配備4K超高清屏幕
• 提供4K娛樂節目及藍牙功能連接乘客嘅個人音頻裝置
• 每月都會增添更多自選娛樂內容，當中包括庫存最為全面嘅中文及外語電影，以及全套人氣劇集和紀錄片
• 機上更設有最新遊戲系列及高速無線網絡

國泰A321neo-所有客艙配備4K超高清屏幕，可盡情欣賞數量傲視同儕嘅國泰機上娛樂節目

國泰A321neo-提供藍牙功能連接乘客嘅個人音頻裝置

寬敞的儲物空間：

• 超大嘅艙頂置物櫃可輕鬆容納八件隨身行李，容量比之前大增60%
• 商務及經濟客艙的座位均設有獨立飲品架和擺放水樽嘅間隔
• 提供底座讓你放置平板電腦及其他個人裝置

國泰A321neo-超大嘅艙頂置物櫃

實施嚴格的衛生措施：

• 採用高科技嘅高效微粒子空氣過濾系統（HEPA），確保機艙空氣質素維持在最佳水平
• 確保每次乘客開展旅程前機艙已經過全面消毒，並在提供服務時緊守指引

國泰A321neo-實施嚴格嘅衛生措施

更具環保效益：

• A321neo嘅每座位碳排放量減少了22%，氮氧化物排放量更大減55%
• A321neo飛機亦更為寧靜，產生嘅噪音水平比現有飛機少近15%

齊打疫苗，參加國泰大抽獎

• 推廣期：2021年8月16日（香港時間00:00）至2021年9月15日（香港時間23:59）
• 大抽獎活動獎品：
  • 大獎：國泰航空空中巴士A321neo專屬航班暢遊香港上空（約一小時三十分鐘）1份
  • 二獎：100萬「亞洲萬里通」里數獎賞，共10份名額
  • 三獎：10萬「亞洲萬里通」里數獎賞，共100份名額
• 參加者必須於推廣期內登入 https://www.cathaypacific.com/cx/zh_HK/offers/cathay-vaccination-lucky-draw.html 使用電子登記表格進行登記
• 於登記時提供其個人資料包括香港身份證號碼（英文字母及首4 個數字）及申報已於或將於2021年8月31日（香港時間）或之前完成接種兩劑*由香港政府推行的2019冠狀病毒病疫苗接種計劃下的新冠疫苗
• 你必須符合以下條件才可參加國泰大抽獎：
  • 已登記成為「亞洲萬里通」或馬可孛羅會會員
  • 年滿 18 歲或以上
  • 持有有效香港身份證的香港特別行政區居民
  • 在 2021年8月31日前，完成接種香港特別行政區政府2019冠狀病毒病疫苗接種計劃提供的兩劑*新冠疫苗
  • * 如任何人士之前染上2019冠狀病毒，他們在已完成接種一劑新冠疫苗後，在相同的條件下將符合資格。如參加者提供的個人資料不準確、不完整或不足夠，將被取消資格。

【黎明演唱會2021】東亞信用卡於 5月10至14日優先訂票！Leon Talk & Sing 2021

黎明2021年7月紅館開演唱會，Leon嘅歌迷記得買飛呀。今次東亞信用卡就獲得優先訂票權。持有東亞信用卡容戶於2021年5月10-14日早上10點開始可以優先訂飛。演出日期為2021年7月10-12日、7月16-18日（共6場）。優先訂票統一票價HK$880，其後亦會再作公開發售。適用信用卡→東亞Visa Signature卡(額外現金券！經里先生申請新舊客都有)、東亞i-Titanium卡(都有額外現金券！)、東亞FlyerWorld及其他東亞卡(東亞JCB除外)

Leon Talk & Sing 2021香港演唱會詳情

• 東亞卡優先發售：2021年5月10-14日
• 統一票價HK$880,  (優先推出場內50%精選座位門票發售)
• 演出場館：紅磡香港體育館
• 演出時間：晚上8:15pm

黎明演唱會2021演出日期7月(共6場)

1. 2021年7月10日（星期六）頭場
2. 2021年7月11日（星期日）
3. 2021年7月12日（星期一）
4. 2021年7月16日（星期五）
5. 2021年7月17日（星期六）
6. 2021年7月18日（星期日）尾場

黎明演唱會・東亞信用卡優先訂票詳情

• 東亞信用卡優先購票日期：2021年5月10-14日上午10時開始
• 優先訂票網址： https://hotdogtix.com/events/4510270613356544
• 訂票詳情：經HotdogTIX官網或 HotdogTIX手機App訂票
• 每次透過網上進行訂購上限為6張門票。HotdogTIX 保留分隔座位（包括以單數方式分配座位）之權利。
• HotdogTIX將收取每張門票HK$35之客戶服務費
• 速遞費用：每個訂單HK$30
• 適用信用卡：東亞Visa Signature卡、東亞i-Titanium卡、東亞FlyerWorld及其他東亞卡(東亞JCB除外)

💰現金回贈信用卡

【Planto理財App】要收費喇！幫助管理信用卡積分 自動記賬及消費分析

先前一直有用理財App「Planto」都OK，一次過可以睇哂啲戶口幾錢同埋消息分類等。而且可以睇埋儲咗幾多里數、信用卡積分或者現金回贈，仲有樣好既係到期日前會發出通知，同埋信用卡繳費到期日。

無錯優點都幾多，但比較遺憾係個Planto App現時都未係可以堂堂正正攞到銀行嘅授權登入用戶賬戶攞資料。而現時攞資料嘅方式都只係以「客戶」名義去拎，啫係你要輸入ebanking login and password，而「相信」Planto呢間公司唔會去盜用或濫用你嘅資料。現時Planto都要開始收費，每月HK$48或每年HK$478，唔再係免費用唔用都真係都睇有幾大需要喇！

Planto安全嗎？

我唔期望呢個世界係有免費午餐，費用事少，係咪安全先事大。Planto App現時都未係可以堂堂正正攞到銀行嘅授權登入用戶賬戶攞資料。而現時攞資料嘅方式都只係以「客戶」名義去拎。安全性嚟講就真係睇你信幾多，講就話啲加密技術幾得又做咗咩audit，但係說到底我係唔識分。穩陣啲講就唔去連結晒所有戶口囉，有日常開支果啲賬戶先去連結。

Planto 理財App功能介紹

1.信用卡積分管理

好多人都有幾張信用卡係手，啲積分里數分開儲有時都好難計到自己到底儲咗幾多。而呢個理財App就link到大部分信用卡及Asia Miles戶口，打開個App就一目了然，清楚睇到自己儲左幾多里數、積分及現金回贈。仲有樣好就係到期日前發送推送通知提醒你，免得儲番黎既積分付諸流水，岩哂啲無咩記性既朋友。

使用方法：

1. 首先連結Planto賬戶
2. 係賬戶頁面中點擊「信用卡積分」
3. 即可睇哂里數、積分、現金回贈詳情

2.信用卡自動記賬及消費分析

有時信用卡太多，要整理自己既簽賬都真係幾麻煩。Planto除咗可以整理信用卡積分同里數。link咗信用卡後，系統可以自動記錄信用卡所有支出，分門別類地記賬，等你可以更清楚了解到自己既消費模式，同時可以提醒自己謹慎消費，慳番啲錢。呢個App仲會提你準時交卡數，連被收取信用卡手續費同年費都一樣會收到通知，用咗呢個功能，理財就輕鬆方便得多！

使用方法：

1. 首先連結Planto賬戶
2. 係賬戶頁面中點擊「信用卡」
3. 即可睇信用卡結欠、到期日及分類支出等

3.其他熱門功能

• 訂立自選理財目標，Eg：儲首期、儲錢去旅行
• 按用戶財務狀況
• 提供多種消費及儲錢分析報告
• 連結強積金賬戶
• 連結投資、貸款、按揭、保險賬戶

4.系統安全

Planto安全政策：

• 採用與銀行同級嘅AES 256技術加密數據
• 財政數據只會匿名儲存在Google雲端，由Google 最嚴格的私隱政策及系統保護
• 的登入名稱及密碼，只有賬戶本人可讀取
• 定期進行審核及受保於網絡安全保險

講係咁講但都老實講作為用家係無從認證，你只能信Planto呢間公司唔會去盜用或濫用你嘅資料。

關於Planto

Planto是香港的金融科技企業，為新世代帶來革命性、結合大數據的智能個人理財平台。Planto獲香港大學創新及創業中心iDendron、數碼港、以及來自英國、加拿大和本地的資深投資者支持，目標是助香港人簡易地理財，實現人生目標。 有興趣試下用或者想了解更多可以去Apple Store或者Google play 下載。

【2021米芝蓮星級餐廳懶人包】9間新上榜米芝蓮餐廳Eatcation 時尚歐陸菜都有 一文睇曬!

疫情已經輾轉1年，唔少人在家抗疫抗到疲勞，想搵啖好食充一充電。米芝蓮喺1月尾公佈咗《香港澳門米芝蓮指南2021》名單，香港有69間星級餐廳入圍。值得留意嘅喺，今年有10間香港餐廳首次獲得星級肯定，2間餐廳晉升2星，7間餐廳首次入圍一星。今年米芝蓮增設「米芝蓮綠星」奬，頒發比對可持續發展作出貢獻嘅餐廳，香港餐廳率先打頭陣榮獲奬項。

想知道今年有咩新上榜嘅米芝蓮星級餐廳就睇睇，今次為大家整合2021年新上榜嘅香港米芝蓮星級餐廳名單，快速了解呢啲新面孔星級餐廳，懶人必睇！

【2021米芝蓮星級餐廳懶人包】快速索引

一星餐廳⭐️ 

(代表同類別中出眾)

• Andō
• The Araki
• 萬豪金殿
• 大班樓
• 夜上海
• Yardbird
• 瑞兆 Zuicho
• Roganic 

兩星餐廳⭐️⭐️

(代表廚藝高明，值得繞道前往)

• Tate
• L’Envol

綠星🌿

（表揚努力推廣永續美食嘅餐廳）

• Roganic

Tate

電話：2555 2172

地址：上環荷李活道210號

米芝蓮官方網站：http://bitly.com/2YiMGvc

Yardbird

電話：2555 2172

地址：上環荷李活道210號

米芝蓮官方詳情連結：http://bitly.com/2MAunPm

瑞兆 Zuicho

電話：2156 1883

地址：上環蘇杭街29號尚圜地下

米芝蓮官方詳情連結：http://bitly.com/2Yj623v

【富達 SmartRetire Mobile App 扣稅、理財好幫手】詳情

諗緊點樣拎盡稅額減免優惠？咁就要記得喺 3 月 31 日前申請可扣稅自願性供款（TVC）帳戶，最多可慳成港幣 10,200 元^ 嘅稅款！如果經富達 SmartRetire Mobile App 申請 TVC 嘅話，仲可以免費做埋「財務健康評分測試*」，進一步了解自己財務狀況𠻹！

下載富達 SmartRetire Mobile App →https://bit.ly/3bH46YA

扣稅好幫手：輕鬆申請可扣稅自願性供款（TVC）帳戶

而家只要用富達 SmartRetire Mobile App 申請 TVC 帳戶，每年有機會慳成最多港幣 10,200 元^ 嘅稅款！想享有 2020/2021 課稅年度稅額減免，即刻 Download 富達嘅 SmartRetire Mobile App，趕喺今年 3 月31 日落閘前完成 TVC 供款啦！簡單幾步，最快 15 分鐘完成申請手續！用轉數快即時過數，隨時一筆過或定期加碼供款；仲可以一 App 整合所有帳戶，管理更便利！

理財好幫手：免費測試個人財務健康狀況*

透過 App 入面免費嘅「財務健康評分測試」，10  分鐘都唔使，就可以從財務預算、債務、儲蓄、財務保障四個範疇，測出自己嘅財務健康狀況！得到個人評分後，仲有小貼士幫您成就個人理財大計𠻹！

唔只咁！App 入面仲有其他財務估算工具*，可以協助您訂立人生唔同階段嘅財務目標。連「退休預計總資產」同「退休後每月使費」都幫您估算埋*，財務規劃自然更有預算！

^個人可節省的實際稅額要視乎多個因數而定。扣稅優惠不適用於 TVC 轉移金額。

*財務健康及財務估算工具的計算結果是基於若干假設, 僅供參考之用。

投資涉及風險。以上內容僅含一般資料，並非認購基金股份的邀約，亦不應被視為建議購買或沽售任何金融工具。財務健康及財務估算工具的計算結果是基於若干假設, 僅供參考之用。本資料由富達基金 (香港) 有限公司及Mr. Miles發行，並未經證券及期貨事務監察委員會審核。

HK Express搞Flycation啊！1.5小時環遊香港！每位HK$388+！

因旅遊限制而宅在家中數月，玩酒店Staycation都仲未夠啊！相信很多旅遊愛好者皆十分渴望能夠再次踏上旅程，探索世界。作為香港唯一的低成本航空公司，HK Express 將率先在港推出特色飛行體驗，帶領大家回到天際，重新發掘飛行樂趣！

將於 11 月推出、全新的 #UOFlycation 1.5 小時環港遊，將可讓旅客俯瞰香港這個迷人都市美景， 以及親身體驗 HK Express 專為保障旅客安全與健康而推行的一系列預防措施。

是次 #UOFlycation 飛行體驗將喚起大家的旅行回憶—登機前，HK Express 將會向每一位旅客大派禮品包，內含多份來自HK Express 各個航點城市的特色禮物；旅客在飛行途中可一邊欣賞香港的美麗景緻，一邊參與由HK Express 精心準備、饒富趣味的遊戲，共度歡樂時刻。

HK Express 已經公布咗價錢詳情啦！1.5小時環港遊每位HK$388起(連稅為HK$528起)！

HK Express Flycation詳情

•  詳情及預訂網址：https://www.hkexpress.com/zh-hk/promos/uoflycation/
• 1.5小時環港遊每位HK$388起(連稅為HK$528起)
• 可獲特別版 UOFlycation登機牌
• HK Express 精選超過10個航點城市嘅特色禮物
• 機上購物獨家優惠：購買指定產品可享買一送一優惠，指定HK Express獨家精品更可享HKD 50折扣
• 精心準備機上遊戲，有機會贏取現金券