現金回贈信用卡組合：無上限回贈之渣打Simply Cash Visa+HSBC Red Mastercard

23 April 2020 里先生信用卡比較, 現金回贈信用卡

現金回贈信用卡組合：無上限回贈之渣打Simply Cash Visa+HSBC Red Mastercard

其實我耐唔耐都俾人問邊張現金回贈信用卡最好…其實我最想答果句係「我要晒」，事實上我真係有為數不少嘅信用卡(記唔記得上年聖誕個派里數遊戲？)。我明嘅，好人好姐唔想keep咁多卡吖嘛，咁今日一齊睇睇咩係現金回贈信用卡，回贈機制，再睇一下我推薦嘅現金回贈信用卡組合。

何謂現金回贈？信用卡積分機制？

廣義上嚟講，只要唔係飛行里數信用卡我都覺得應該可以叫現金回贈信用卡。主要又可以分為：

現金回贈自動入落月結單抵扣簽賬：美國運通Blue Cash信用卡，安信Earnmore銀聯
儲係銀行自家的回贈系統(而且要夠指定金額先可轉出)：渣打Simply Cash Visa (夠$50先可手動轉出月結單) / Citi Cash Back (夠$200先自動轉出月結單)
儲係銀行自家的回贈系統(無需要夠指定金額先可轉出)：HSBC Red卡 / HSBC Visa Signature (獎賞錢系統可用Reward+ App隨時換做現金回贈或里數) 或 DBS Compass Visa (DBS Omni App內抵扣簽賬)
先儲做積分再以積分抵扣月結單金額：最傳統呢隻，當中Citi Rewards / 東亞Visa Signature/ 中銀I-card…etc仲有好多卡都係呢款
回贈用係指定商戶到：恒生可以算係表表者，恒生enJoy卡或恒生MPower都係咁
仲有…積分換做超市現金券：以上所列之卡大部份都有呢個option，不過，比著係你你情願要$100現金還是 $100現金券吖！？

以上咁多款現金回贈卡區分好定唔好，作比較的話應以能快速變現為優。當然，你點選用邊張卡都好睇你嘅簽賬類別同埋張卡嘅迎新，而唔係單單變現能力。我個人最鐘意HSBC獎賞錢RC，隨時可抵銷簽賬，想換里數又得。所以…唔好再話回贈點解係RC而唔係現金…如果你講出呢句會顯示出你有點無知…

點選擇現金回贈信用卡組合？

如上文所講，你點選用邊張卡都好睇你嘅簽賬類別同埋張卡嘅迎新，而唔係單單變現能力。

迎新：簡單直接，夠進取嘅玩卡高手嚟講呢，基本上迎新夠好就攞咗先，食完迎新之後大不了唔用，到最後唔能夠免年費就cut card講byebye。我自己都因為咁而有三十幾張卡…哈哈
選簽賬類別(Spending categories)：分析一下自己的消費習慣，網購信用卡、超市購物信用卡還是高餐飲回贈信用卡或PayMe增值信用卡比較合適你？
回贈是否有上限：渣打Simply Cash Visa (港幣1.5%) / Citi Cash Back (食肆2%) / HSBC Red (網購4%) 都係無上限，而HSBC Visa Signature (海外最高5.6%)看似好高…其實有上限用果陣都要先了解玩法，又或是安信Earnmore (港幣2%) 一樣…並非無上限的
高回贈簽賬是否需要下限簽賬金額：下限簽賬金額又可以細拆分為 (1)每單交易下限及 (2) 每月累積簽賬下限，當中HSBC 白金卡及恒生MPower 5%網上簽賬就係咁
年費：呢個對我嚟講唔係考慮因素之一，現時基本上張張現金回贈信用卡都係最少免首年年費，其後打返電話去多數都可以豁免到年費或者免最低結餘費的開戶口就可免到(如東亞及渣打)。驚豁免唔到的話大可以唔要張卡，咁第二年年費都唔會收。即使入咗第13個月月結單都一樣可以豁免到，只要唔係過期都未打去問一般都唔會有問題。

答：只可要2張現金回贈信用卡，你點揀？

其實好難答呢個問題，我想答「我要晒」，唔好天真以為多卡一定對TU有影響，我先前講TU信貸報告的文章有解釋過負面影響之成因。
難答係因為我一直認為不同類別(spending categories)簽賬要用不同卡，有時再加上不同銀行優惠方會簽不同的卡。例如：HSBC信用卡今期超市優惠，DBS今期網購優惠，American Express又有額外積分

無得要晒，只兩張…

如果真係只能2張的話，我會推薦渣打Simply Cash Visa (港幣1.5%)及HSBC Red Mastercard (網購4%)。主要因為呢兩張卡容易用，年薪要求低(假設問我果個人我未知佢背景搵幾多架嘛！)，2張都無簽賬上限及下限要求會比較容易用，回贈方式又簡單容易變現。一張Visa另一張Mastercard就啱啱好
最後，唔好港女logic覺得A男友話B小姐幾靚，作為C仙女嘅自己就唔靚先得架！我話呢兩張卡好唔代表其他卡唔好架，只係有條件局限下嘅推薦嚟。啫係話，人哋明明立場係黃色你話人唔係Pure黃色，呢啲叫鬥黃啊，邏輯謬誤嘅一種嚟，明唔明啊？

渣打Simply Cash Visa卡

HK$9.6萬最低年薪要求

1.5% 一般本地簽賬現金回贈

2% 外幣簽賬現金回贈

迎新優惠：首2個月簽HK$8,000拎HK$600現金回贈

🎁迎新禮遇

新客戶首2個月簽HK$8,000拎HK$600現金回贈
注意！: 渣打既迎新現金回贈於網上平台360°全面賞作換領現金或禮品之用(唔係直接入信用卡，但可以轉返落信用卡抵消簽賬)

✅優點

本地港幣簽賬無上限現金回贈1.5% (連PayMe都有回贈！) 合適鐘意一卡走天涯嘅朋友
八達通自動增值都有回贈！1.5%
海外簽賬2%回贈，扣咗1.95%手續費都仲有0.05%回贈
Visa Card，渣打信用卡優惠有時只做Visa exclusive promotion，Mastercard無份，可以食盡突發
首年寫到明豁免年費

❎缺點

網上ebanking繳費/交保費無回贈
無得儲里數 (Sorry囉，我知off-topic但對我嚟講真係)

滙豐Red信用卡

HK$12萬最低年薪要求

0.4% 一般本地簽賬現金回贈

1% 外幣簽賬現金回贈

里先生額外迎新：2024年11月1日至2024年12月31日期間，成功申請再經指定連結登記即可獲小泉成器離子平衡風筒或小泉成器負離子直髮器一個！迎新優惠 全新信用卡客戶如果啟動新卡後再成功申請「現金套現」分期計劃，獲批金額達港幣20,000元或以上，並選擇12個月或以上還款期，享$200「獎賞錢」（相等於2,000里）

🎁迎新禮遇

快閃友和YOHO額外迎新！新/舊客都有份

優惠期：2024年11月1日至2024年12月31日期間
優惠期內成功申請滙豐信用卡，再經指定連結登記即可獲小泉成器離子平衡風筒或小泉成器負離子直髮器一個！
登記表格：https://grp.hsbc/CCAFFMMYHLPTC

全新信用卡客戶如果啟動新卡後再成功申請「現金套現」分期計劃，獲批金額達港幣20,000元或以上，並選擇12個月或以上還款期，享$200「獎賞錢」（相等於2,000里）詳細條款：按此

✅優點

永久免年費
簡化回贈方式，無需登記，無最低簽賬要求，網上簽賬4%回贈！指定簽賬類別及海外簽賬都有1%回贈！
夠彈性，以「獎賞錢」RC形式存入，可以配合HSBC Reward+ App「賞付款」功能抵扣簽賬交易，亦可以直接轉換為里數或喺e-Shop換禮品／coupon
每月結單週期首HK$10,000網上繳費有0.4%回贈，市面上絕大部份銀行已沒有相關回贈
直接轉換「獎賞錢」至里數戶口免手續費
Red Card Deliveroo 優惠

❎缺點

獎賞錢有效期於簽賬後最多2年，最少1年(按簽賬年度計算)

再要二選一的話…唔知點解我loop起呢首歌。送俾你，祝你有個愉快的晚上。

現金回贈信用卡組合：無上限回贈之渣打Simply Cash Visa+HSBC Red Mastercard

現金回贈信用卡組合：無上限回贈之渣打Simply Cash Visa+HSBC Red Mastercard

何謂現金回贈？信用卡積分機制？

點選擇現金回贈信用卡組合？

答：只可要2張現金回贈信用卡，你點揀？

🎁迎新禮遇

✅優點

❎缺點

🎁迎新禮遇

✅優點

❎缺點

相關文章: