啟德體育園Marriott Bonvoy包廂體驗
Hong Kong Sevens七人欖球賽開幕時有幸受邀到萬豪旅享家喺啟德體育園新開嘅包廂(Suite)，又有啲講法叫Corporate Box。我未玩過包廂呢啲嘢，係細細個馬會炒散做過serve自助餐，但自己未體驗過。目測啟德體育園呢到有超過30個呢啲廂房，而Marriott Bonvoy就長期包咗間係到。
外國啲大型體育/表演場地應該都好興呢啲玩法，我記得睇過套Will Smith嘅戲「The Pursuit of Happyness」，戲內Will Smith同佢個仔就跟咗個華爾街大佬去咗體育比賽嘅VIP包廂跟住表現得很興奮。今次對我嚟講都真係見識見識，係第一場啟德體育園大型運動比賽有得試下坐Suite係開心嘅。本身自己鐘意玩lounge果啲嘢，Suite嘅玩法有啲似Lounge玩法，自己又第一次玩覺得好新奇，所以就寫篇體驗實測文同大家開心share。
啟德體育園Marriott Bonvoy包廂 環境
現場所見Marriott Bonvoy個啟德包廂大約有30個位。
另外有個廳咁，望落都幾舒服。
啟德體育園Marriott Bonvoy包廂 食物
到中場休息時間會有嘢食下，酒水就全程供應。
啟德體育園Marriott Bonvoy包廂 位置
啟德體育園所有包廂都係位於3/F，指示都算清晰。去到3/F成層都係包廂，每個包廂門口都會有個牌寫住佢係俾邊間公司買咗，好容易就會搵到相對應嘅包廂。
啟德體育園Marriott Bonvoy包廂 積分兌換活動
你都想睇演唱會/運動比賽坐Suite可以點？Marriott Bonvoy旗下有個玩法叫Marriott Moments，可以用會員積分去bid世界各地盛事，例如F1賽車/足球比賽等都有Marriott包廂。咁當然越係熱門嘅賽事/表演就bid得越貴啦。詳情：萬豪積分價值
Marriott Bonvoy積分可以換兌到啟德體育園包廂睇演唱會，啱啱4月14日出咗謝霆鋒，4月27日出咗五月天嘅兌換。暫時睇係鬥快搶，遲下唔知會唔會轉返做Bidding，會員們可以留意下萬豪旅享家send嚟嘅email。按照email講嘅「at only 50,000 Marriott points」兌換到2張Suite門票係超級抵，有無朋友有留意到用積分兌換咗？
啟德體育園將會舉辦的盛事： 謝霆鋒演唱會2025、五月天演唱會 香港站 2025、林俊傑JJ香港演唱會、周杰倫香港演唱會 2025、利物浦 VS AC米蘭 啟德表演賽
正常呢啲Marriott Moments 活動係用bid價高者得形式去俾會員，但係今次可能新開當優惠咁就用50,000積分咁去兌換。
50,000萬豪分係咩概念？用AE積分兌換的話啫係要45萬，而現時AE白金卡迎新係有192萬，本身每300 AE分=HK$1，如果咁計條數的話啫係HK$1,500就換到兩張謝霆鋒演唱會Suite門票，係咪好抵呢…唯有安慰自己呢啲一定爭崩頭唔會輪到我
啟德體育園包廂 詳情
除咗萬豪Marriott Bonvoy之外，好多國際大企業都有買到啟德體育園包廂，包括HSBC、DBS、pwc、可口可樂等。個人估計係用嚟invite啲高級客戶入去的，計起上嚟想體驗下包廂萬豪Marriott真係算易換了。
