里先生 Mr. Miles | 信用卡酒店旅遊優惠碼 | 里數攻略

分享如何利用信用卡積分里遊世界，拆解信用卡魔鬼條款！

Asia Miles 美國運通信用卡 > / 旅遊保險 >

1 Mar 2025
12:00 am

附屬卡受保嗎？旅遊保Coverage夠唔夠？即睇受保範圍！

1 Mar 2025

AE白金卡除咗有大家好熟悉嘅AE Dining and Travel Credit餐飲及旅遊回贈優惠、入AE Centurion Lounge，仲有個大賣點就係全年免費旅遊保險Travel Insurance同埋本地各項保障。如果習慣每年長假期都一家大細去旅行的話，隨時旅遊保險呢項benefits所慳到既錢都夠你俾一半年費！值得留意AE白金卡份旅保同AE Explorer ，Prestige， EveryMile唔同，AE白金卡個保障係無消費門檻，一出發已經受保，你嘅合法配偶、子女同附屬卡持卡人都一樣受到保障。一齊睇睇旅遊保險保障範圍重點包咗啲咩：

個人意外或醫療保障
旅程取消
旅程或出發延誤
行李遺失、損壞或被竊

我睇過佢旅遊保險條款，保障範圍同金額都貼近市面上嘅旅保，個人意外或醫療嘅coverage都有HK$100萬，因為惡劣天氣導致錯過航班有HK$10,000保障。以免費旅遊保險嚟講做得唔錯都夠全面，一家人旅行都未必需要另外再買多份保險，呢個仲要係全年保障，計返起都可以慳唔少！

AE白金卡

無要求最低年薪要求

HK$9/里一般本地簽賬現金回贈

HK$4.5/里外幣簽賬回贈

里先生額外迎新：2025年3月8日至3月31日，經里先生成功申請額外HK$1,500簽賬回贈！迎新優惠：批卡後首3個月需簽賬HK$50,000有110萬分 + Amex Travel Online每年高達HK$2,200簽賬回贈+環球餐嚮簽賬高達HK2,000回贈！

🎁迎新禮遇

成功申請AE白金卡(細頭)，付出HK$9,500年費*呢加出卡的話你可以拎到以下迎新：

優惠期：2025年3月8日至3月31日期間！
里先生限時迎新：經里先生指定連結成功申請+首3個月簽賬1次賺額外HK$1,500簽賬回贈
AE 110萬積分迎新：
- 申請連結(AE積分)：MrMiles.hk/ae-charge-application
- 批核後簽1次有100,000積分，無需填表獎賞由AE直接存入
- 批核後首3個月內簽滿HK$15,000有500,000美國運通積分，簽滿HK$50,000再有400,000美國運通積分
- 若本地簽賬有HK$50,000，呢部份仲會有Turbo program的2X積分！啫係會有100,000美國運通積分
- 以上加總迎新有高達110萬AE積分(可兌換61,111里數，夠換一套巴黎或倫敦來回機票) 。

若本地簽賬有HK$50,000，呢部份仲會有2X積分！啫係會有100,000美國運通積分
高達HK$2,200 Amex Travel Online (ATO) 100% 旅遊簽賬回贈：預訂和預付酒店和汽車租賃，每年可獲得高達HK$2,200 的簽賬回贈，優惠分2階段，每階段享HK$1,100簽賬回贈)，並需分兩次登記 (登記優惠及詳情: https://bit.ly/3JNzLJP )
高達HK$2,000環球餐嚮禮遇：HK$1,000本地餐嚮簽賬回贈，超過30間本地餐廳＋ HK$1,000海外餐嚮簽賬回贈，逾1,400間餐廳遍佈全球20個地方，各式各地嘅菜式都有，超多選擇！優惠分2階段，每階段各享HK$500簽賬回贈(優惠及餐廳名單：https://bit.ly/3tInXjv )

*迎新獎賞只限已於批卡後3個月繳付白金卡年費並其美國運通白金卡賬戶仍然有效之白金卡會員 ✅優點

HK$9,500年費已經包晒AE Explorer年費
可以無限次入全球AE Lounge (The Centurion Lounge)及免費帶多2個同伴入，除香港機場外其他The Centurion Lounges位於美國
全年全家旅遊保險！無需付旅費有免費全年旅遊保險(主卡人的先生/太太及21歲以下的家人，及附屬卡持有人)
免費申請2張附屬卡
送1張無限次入全球airport VIP lounge既Priority Pass俾你，最新Policy仲打以拎嚟帶多1個guest入
可以無限次入全球Plaza Premium Lounge及多帶2個同行者
Amex Platinum Travel Service - Fine Hotels & Resorts (FHR) 識玩又夠運嘅住品牌酒店平過官網不但止仲有得upgrade套房，免費早餐，Late check out等等benefits
可以轉積分為多個飛行里數或酒店積分計劃，包括Asia Miles/ Avios/ KrisFlyer/ Marriott Bonvoy/ Hilton Honors Points等等
AE緊急家居及汽車支援服務
酒店Elite會籍，Hilton金卡入住送早餐
美心美膳會2-3人星期一至四食有六折
睇戲折扣：星期五係百老匯、PALACE或AMC睇戲買一送一或其他日子享有8折優惠
AE購物保障：延長一年保障
付費進入及享用香港麗思卡爾頓酒店116樓行政酒廊
信和酒店優惠：會送住宿禮券，信和酒店及遠東酒店集團第二晚免費住宿
積分無限期
飲食優惠全集：AE美膳會及餐廳優惠合集
優惠活動更新：AE信用卡優惠合集

❎缺點

年費$9,500無得豁免
海外簽賬手續費小貴，有2%收費(其他卡做緊1至1.95%)
平日簽賬HK$9=1里，儲里數嚟講唔算吸引
轉換成飛行里數手續費每次HK$400

除咗大家都好熟識既旅遊保險，AE白金卡其實仲有購物同本地保障，包括家居支援服務同埋汽車故障支援服務，以下文章同你一一解構：

AE白金卡保險及保障福利索引：

AE白金卡旅遊保險
AE家居支援服務
AE汽車故障支援服務
AE「無憂消費主義」購物保障

AE白金卡旅遊保險

點先activate到AE白金卡全年旅遊保險？

AE白金卡同AE Explorer或者條街到聲稱嘅「免費旅遊保險」唔同，AE白金卡呢份就算無用嚟訂機票/訂酒店或支付海外旅遊費用都一樣可以得到全年免費旅遊保障，合法配偶、子女都一樣受保。保障範圍亦相對全面，保障金額亦同市面上一般旅保差唔多，我自己個人經驗就無買其他旅遊保險，一直以嚟用AE呢份就算。咁都好好彩，我又真係7年來都無claim過旅遊保險…
另外，如果你憑卡全數訂機票，當中個人意外同醫療保障金額會再多HK$2,000,000
承保人為安達保險香港有限公司，我見仲起咗個Online website方便Claim：https://www.chubbclaims.com/amex/hk-zh/welcome.aspx

安達保險香港有限公司設立俾Amex的索償網站 — 安達保險Chubb設立俾Amex的索償網站，可以揀返美國運通卡所提供的保障

AE白金卡免費旅遊保受保人包括邊啲？

AE白金卡主卡人
AE白金卡主卡人合法已婚配偶
AE白金卡主卡人子女：出生滿30天以上，以及未滿21歲
AE白金卡附屬卡持卡人(最多開2張)，留意返附屬卡係無好似主卡咁有包家人的

AE 白金卡免費旅遊保｜個人意外或醫療

AE白金卡就算無憑卡支付全數海外旅遊費用亦一樣可以得到全年免費旅遊保障。

個人意外或身故：保障金額高達HK$1,000,000
醫療開支：保障金額高達HK$1,000,000
疏散和遣返開支：實報實消，無指定上限
以上僅為一般保障之傳譯，保障詳情睇返：https://www.americanexpress.com/content/dam/amex/hk/benefits/pdf/the_platinum_card/Plat_Group_Travel_Insurance_Plan_NAC_12.pdf

如果你用AE白金卡全數訂機票嘅話，會有另一份「旅遊意外保險保障」，係另一份Policy嚟，個人意外同醫療開支就會有更大保障金額.

個人意外或身故：保障金額高達HK$3,000,000
醫療開支：保障金額高達HK$3,000,000
以上僅為一般保障之傳譯，保障詳情：https://www.americanexpress.com/content/dam/amex/hk/benefits/pdf/the_platinum_card/Plat_Travel_Accident_Insurance_Cover_NAC_40.pdf

AE 白金卡免費旅遊保｜旅程取消

旅程取消或縮短：每人保障金額高達HK$30,000
萬一有突發事發生需要取消行程，航空公司、酒店及郵輪如果唔退錢，份保險都會提供賠償

AE 白金卡免費旅遊保｜旅程延誤

惡劣天氣導致公共交通工具的延誤、罷工或暴動而錯過航班：享最高HK$10,000的啟程延誤保障
行程延誤：每12小時延誤享HK$400賠償，總額最高為HK$3,200 (即96小時！)
出發行李延誤：抵達目的地後仍未能取得您的行李，每次達12小時的延誤可獲最高HK$400的賠償，總額最高為HK$3,200 (96小時！)

AE 白金卡免費旅遊保｜行李遺失、損壞或被竊

行李遺失、損壞或被竊：每人保障金額高達HK$15,000
旅遊證件被竊或因被搶劫而失去現金或旅行支票：最高HK$3,000的保障

我就真係7年都無Claim過旅遊保險，但我有個朋友2023年既時侯，個Rimowa行李箱爛咗拎去維修，張單返嚟係HK$1,930，交齊文件(包括維修單，實物相，來回登機証)，最後好快手就Claim返足HK$1,930。

ae白金卡旅保成功claim錢 2025 — 成功Claim到錢，維修行李箱全數Claim到

AE白金卡免費旅遊保｜法律支援及更多詳情

聯絡白金卡旅遊服務 2277 2233

AE白金卡、AE Explorer 同 Everymile嘅旅遊保險分別係邊？

唔一樣！AE白金卡唔需要憑卡支付全數海外旅遊費用，一出發已經受保，你嘅合法配偶同子女都一樣保障埋，保障亦適用於另外兩張附屬卡。AE Explorer 同Everymile兩張卡都一樣需要憑卡支付旅遊費用。

AE白金卡旅遊保險主要涵蓋：個人意外及醫療、旅程取消或縮短、旅程延誤、行李遺失、被竊或遺失、法律支援：保單詳情
AE Explorer旅遊保險主要涵蓋：錯過轉機、班機延誤/取消/超額預訂、行李延誤及行李遺失。詳情可以睇：保單詳情
HSBC Everymile旅遊保險主要涵蓋：個人意外、醫療、行李延誤、財物及證件及旅程取消保障等等

AE白金卡本地支援及保障

AE本地支援及保障主要有兩大類別：家居及汽車。

AE會提供津貼並幫你搵埋師傅去處理。我自己都用過幾項，之前更加係有位讀者屋企水浸，佢話諗起我提過爆水管/拖車可以搵AE咁就嚟問下我知唔知AE白金卡個AE緊急家居支援服務關於水浸就提供免費酒店呢項服務。

我自己真係未用過，而讀者就分享返昨晚屋企出事，佢點都要先住酒店，事後再同AE claim。讀者分享咗書面回覆俾我可以claim得返2晚酒店錢，上限HK$2,000/晚。

聽呢位讀者講成個過程都幾簡單，有問佢拎proof但係唔算嚴格。出事地點唔係billing address但係都彈性處理到，呢點都真係要讚一讚。就此事嚟睇AE呢項服務真係做野幫緊card members而唔係處處刁難，我諗大原則上都係假設card members係真誠及互信原則 (當然我諗肯俾HK$7,800年費既會員都有返咁上下質素，為claim而claim鑽漏洞既人並唔多先維持到generous policy and practice)

官網：https://www.americanexpress.com/hk/ch/benefits/the-platinum-card/emergency-home-roadside-and-local-medical-assistance.html

AE緊急家居支援服務(水浸/冷氣維修/開鎖)

官網咁寫：

我們為您提供緊急家居支援服務*，在您急需協助時提供支援。若府上不幸發生火災或水浸，而您及同住家人需要暫住酒店，我們會代您安排並支付多達兩晚酒店房租（上限為每晚HK$2,000）。

實測：

有要求拎proof，影返相同埋有問管理處出唔出到信證明事件咁，但過程不算嚴格，同埋通知AE後一天就拎到approval可以claim得返酒店金額。

如需安排技師上門維修以下各項故障，每次更可獲豁免首HK$1,000的費用：

電箱總掣發生故障
水管或排水系統淤塞及水管爆裂（不包括水龍頭）
意外被鎖於家門外
冷氣機突然失靈（添加雪種及滴漏除外）

以上2,3及4里先生親身都有用過，AE真係幫我搵埋師傅仲墊底咗HK$1,000。

AE白金卡開鎖服務實測

我實測咗樣大家都唔係好想「experience」嘅服務，話說早幾日屋企個電子鎖失咗靈入唔到屋，醒起AE白金卡有緊急家居支持服務先前都同大家分享過，我有試過冷氣有問題都有搵過AE幫手解決。

啱啱呢單嘢又搵咗AE幫手，出事後就打咗卡背電話，簡單問咗啲資料就話搵師傅，要一陣再覆我。非常有效率，十分鐘後就call back我話師傅45分鐘至1小時就可以到我屋企。師傅準時到，同我搞幾搞reset就開到門，事後簽返個名就搞掂。

最後AE只email要求我俾返個地址証明就ok，因為個服務費唔超過$1,000所以我完全唔需要再俾錢。

AE處理呢啲home assistance service真是每次都咁快手，我每次都相當滿意。可能你會覺得開個鎖啫使乜搵到AE幫手自己求其search下都搵到開鎖佬啦。是的，自己要搞的確唔困難但係AE俾到我嘅係放心(話晒叫陌生人開鎖入屋，點知search到咩人嚟)同埋當有緊急情況下有人幫你handle晒所有嘢嘅感覺真係很好。在我心目中這就是privilege ，因為用AE卡服務而獲得的privilege。

AE拖車服務：汽車故障支援服務

官網咁寫：

我們為您提供汽車故障支援服務*，令您無需擔心。我們可代為安排以下的服務：

把座駕拖往您指定的車房維修，並代為支付首HK$750費用（不包括更換零件或配件的費用）

若座駕的故障未能於即日修理妥當，我們會安排的士接送各人回家及代為支付有關費用

修理完畢後，我們將免費載送您前往車房取回座駕

實測：

呢個實測嚴格嚟講都唔係我用，而係我張AE白金卡附屬卡持有人用。咁我就有得同大家分享下個實測。

我個附屬卡持有人架車既電池壞壞哋著唔到車，好彩佢係停車場到著唔到，就即刻打咗去AE問有咩幫到手，其實好簡單卡主只要打返卡背電話搵返白金秘書就會幫你處理，今次幾樣嘢：

因為係停車場到出事唔係咁趕，所以AE到幫手搵咗3個報價，價錢由HK$500至HK$1,600不等，有啲只幫你搭下電有啲就試完搭電再拖咁
拖車服務當然係外判，但幾多錢都好AE都會幫你找數先，而條數係會扣除返HK$750先至收你
呢HK$750係無限次俾你claim，當然無人希望日日claim啦我諗haha
除咗貼HK$750，仲會包埋離開+去拎車的士錢$350，但呢個的士錢限每曆年2次

AE都真係算係咁，我個附屬卡持有人就話服務好好超好用，對駕駛人士都真係相當唔錯。

AE「無憂消費主義」購物保障

Amex白金卡仲有購物保障，當中最大既用途係有個「延長保養服務」，呢個服務啫係AE幫持卡人買咗個購物保險，當你係香港用咗佢張AE卡碌之後就自動包埋呢個保險，可以理解為指賣俾你間舖一般提供的一至三年貨品保養期滿後，用AE卡買就會「延長保養服務」會額外延長貨品保養期一年。若於本港零售商店購買的貨品意外損壞，每件貨品可獲賠償高達HK$40,000，而每一個會員賬戶每年的賠償額以HK$150,000為上限。買Apple產品包括iPhone iPad都適用，可以當Apple保養咁用。

AE白金卡延長保養服務保單條款

2024-2025最新Policy: 官方連結
呢個保障最主要係指賣俾你間舖一般提供的一至三年貨品保養期滿後，用AE卡買就會「延長保養服務」會額外延長貨品保養期一年。若於本港零售商店購買的貨品意外損壞，每件貨品可獲賠償高達HK$40,000，而每一個會員賬戶每年的賠償額以HK$150,000為上限。
例如你係2024年10月10日去Apple Online Store買咗部iPhone，本身有一年Apple原廠保養去到2025年10月9日
如果你用AE卡買的話，咁你就會受到AE自動向你提供「延長保養服務」，變相慳咗一年Apple Care既錢，如果咁唔好彩係2026年9月1日部iPhone壞咗(非人為，留意返exclusion)，咁你就可以拎返啲維修單向AE claim返個維修費用
留意如果你要有呢個cover，你最好用張AE卡全額支付張單，啫係唔可以用Apple Gift Card嚟買啊~~

真係想用到呢個保障的話，唔好淨係聽我講，一定一定要睇清楚保單有咩exclusion同埋keep好啲單。我自己就未用過但有朋友用過，claim AE呢啲保險都公道既，係堅嘢嚟。所以嚟嘢想買新iPhone或者iMac都好啦，可以考慮出張AE卡嚟買，免年費又食到迎新，仲要變相送多年Apple Care俾你！