【K11 ARTUS 寓館Staycation 優惠】連雙人早餐+健康午餐！包免費迷你吧+延遲退房時間至下午2時！一房公寓房價連服務費低至HK$3,080晚！

31 May 2021 Mr. Miles 酒店優惠

【K11 ARTUS 寓館Staycation 優惠】連雙人早餐+健康午餐！包免費迷你吧+延遲退房時間至下午2時！一房公寓房價連服務費低至HK$3,080晚！

相信大家都有去過K11 MUSEA行街，其實呢個商場隔離就有間酒店叫K11 Artus 寓館 (唔係Rosewood)，裝修風格同K11一樣喺行藝術路線，呢間嘢最出名就係佢個維港海景露台房型Harbour One，再高一級就維港海景露台房型加埋有海景浴缸Grand Harbour One(我之前出過Post果隻，下面有相)。

今次K11 ARTUS就聯乘KKday推出快閃優惠，開放式客房最平一晚連服務費為HK$3,080！海景開放式客房就HK$3,960！ARTUS One 一房最平為HK$3,960！想住豪啲連埋海景露台+浴缸Harbour One一房就HK$4,840。呢個價住K11 Artus算喺咁！成間酒店喺正海旁，唔少房都可以睇到無敵大海景，有興趣就快啲睇埋詳情啦！

提提大家呢個優惠要去KKday官網到book㗎！快閃優惠預訂日期由2021年5月31日22:00至2021年6月6日23:59，可以於2021年6月3日至2021年8月31日期間入住。留意！呢個套餐冇得免費取消，記住度好日子先預訂啊！想睇埋官網其他staycation package可以碌落下面睇睇details，指定套餐可以入住前一日免費取消，有興趣不妨book左先！

想訂酒店的話都可比較返返到折扣/信用卡優惠多，最常用有Expedia code優惠碼 / Hotels.com優惠碼 promo code / Agoda code優惠碼 / Trip.com優惠碼。要訂隔離酒店4晚可以睇返合集比較：香港隔離酒店名單優惠如果去東京唔知想住乜可以睇返東京酒店推薦

【KKday 快閃優惠低至39折】詳情

「身心療癒」假期

預訂日期：2021年5月31日22:00至2021年6月6日23:59
入住日期：2021年6月3日至2021年8月31日
詳情及預訂網址:https://bit.ly/3vwC8rn
開放式客房每晚低至HK$3,080起(已連加一）（星期日至星期四）；HK$3,300起(已連加一）（星期五）
海景開放式客房每晚低至HK$3,960起(已連加一）（星期日至星期四）；HK$4,180起(已連加一）（星期五）
ARTUS One 一房每晚低至HK$3,960起(已連加一）（星期日至星期四）；HK$4,180起(已連加一）（星期五）
Harbour One 海景一房每晚低至HK$4,840起(已連加一）（星期日至星期四）；HK$5,060起(已連加一）（星期五）
K11 ARTUS一晚住宿
享用雙人早餐（用餐時間：上午6:30至10:30）
享用雙人健康午餐配特調排毒飲品
瑜伽墊及瑜伽磚供入住期間在寓所内使用 (視乎酒店情況)
藝術導覽服務 (大概需時20分鐘)
免費迷你吧 (每住宿)
延遲退房時間至下午2時 (只限星期日至四退房，公眾假期及前夕除外)
慶祝生日或週年紀念日禮遇（請至於入住前五天備註，否則酒店無法安排）
不可免費取消

【K11 ARTUS 寓館Staycation 優惠】連雙人早餐+健康午餐！包免費迷你吧+延遲退房時間至下午2時！一房公寓房價連服務費低至HK$3,080晚！

K11 Artus －一房公寓

K11 Artus －開放式公寓

【K11 Artus】其他優惠詳情

沉「醉」愉悅假期

預訂及入住日期：即日至2021年6月30日
詳情及預訂網址: https://bit.ly/2SG0PD9
最低房價為：HK$4,300起（加一後為HK$4,730)
KLUB 11金卡會籍
K11 ARTUS一晚住宿
於The Commune享用雙人早餐
於寓所内享受一場由調酒師主理的私人調酒時光（每位客人可享有一杯指定雞尾酒和兩款小吃）
藝術導覽服務
K11 MUSEA 免費導賞團
HK$200 K11 MUSEA電子消費迎新禮券
不可免費取消

維港海濱「宅渡假」

詳情及預訂網址: https://bit.ly/2SG0PD9
最低房價為：HK$4,600起（加一後為HK$5,060)
KLUB 11金卡會籍
K11 ARTUS 一晚住宿
於The Commune 餐廳内享用雙人精選早餐
雙人寓所内享用Artisan Lounge ARTISANAL下午茶 (價值HK$768另加一服務費)
60分鐘雙人私人教練健身課程(價值HK$2,000)或單程轎車服務往/返寓館
藝術導覽服務
K11 MUSEA 免費導賞團
HK$200 K11 MUSEA電子消費迎新禮券
可於入住前1日免費取消

【K11 Artus】Staycation圖文住宿報告

K11 Artus 低調奢華Staycation

想預訂的話都係經返OTA訂，可以睇下有咩promo code啱用多啲折扣優惠：MrMiles.hk/code/

Amazing。上回講到我去咗K11 Artus嗰度本身係book咗間最低級嘅房型望City View都無咗最signature嘅維景海景露台。正正因為咁嚟到呢度我都心思思走去問如果要upgrade的話加幾多錢，本身真係15 16想慳返再等下次有靚deal先至嚟book點知當我實際睇到間房嘅時候真係把持唔住覺得要號一次而最後我對呢個stay嘅評價都係極高，真心覺得比美我心目中嘅number 1 St. Regis Hong Kong。

首先大家要知道呢一間唔係叫酒店而係叫service residences但問心我真係唔係太識分個分別係邊度，暫時所知嘅係冇room services同埋一般五星嘅開夜床。

背景及K11 Artus理念

老老豆豆我自己上次喺瑰麗酒店嘅體驗真係冇話特別好但係今次K11 Artus對我嚟講真係wow咗好多聲。而大家都要知道其實瑰麗酒店同K11嘅管理層同埋理念都係完全唔同，有睇下時事嘅應該都知道係鄭氏嘅出品嚟，但係個老闆就一個男一個女啦剩返嗰啲你哋就自己search吓啦。K11 Artus可以叫做係走入藝術嘅住宿，行得入去嘅時候真係對我呢個粗人來講都感受到唔同嘅藝術味道，而理念上我所聽到嘅K11都係想將藝術融入大眾。想法我覺得係幾離地，本身藝術就係奢華好難唔同錢字掛鉤，等到我行到入去住咗喺度嘅時候我有少少佩服K11 Artus又真係做到。唔講其他淨係講佢哋本身有間房係Art Gallery嚟，大眾或者住客都可以進入，而且入面嘅清朝定元朝嘅嘢帶我睇藝術品嘅職員係話可以掂嘅而事實上我都掂左（驚

）講返間房入面都準備咗個畫板同畫架仲有畫筆係比客人嘅小禮物嚟，我自己真係覺得幾有心思同埋一般喺其他酒店度係唔會有嘅體驗嚟。

房間

房間來講Grand Harbour One都真係冇乜得輸，暫時來講我係見過咁多間香港酒店裏面即使唔計個維港海景露台，以房間裝修及舒服程度都冇一間酒店可以比得上，St. Regis Suite我都覺得要輸個馬鼻。講我都可以唔使講咁多入面有好多相你可以咁嚟睇吓。而Residences 有樣嘢好就係有雪櫃同埋一啲真係長住先至用到嘅設備都會有。聽讀者講次級房型Harbour One都係無浴缸，而Grand Harbour One就會有海景浴缸

服務

雖然佢唔係定位做酒店但係服務都絕對係六星級，都係從微小中可以睇得到，你行過嘅職員都會同你點下頭我都幾surprise嘅係素未謀面嘅職員都叫得出我嘅姓氏。我check out嘅時候撞返同一個職員仲特登問吓點解你會知道我叫咩名，佢比我嘅答案係呢個係K11 Artus secret，當下我係會心微笑會覺得你型左，搞到我心思思都記住你呢間酒店希望下次再嚟搵答案。服務有時並唔係酒店送啲乜嘢俾你，而係好簡單幾個點頭幾句說話就已經可以令到一個賓客有深刻嘅印象。

Dining experience

K11 Artus只有一個dining outlet “The Commune “本身個staycation package有包HK$1,000 dining credit，講晚餐好高質我食咗佢嗰個餐非常之滿意，環境固然之係一流但係食物質素來講我都覺得係相當之高服務亦都相當之好。有個小插曲都不得不提就係我食緊嘅時候見到地下有昆蟲

不過我就嚇大嘅所以都只同職員示意一下處理咗我都冇點樣喇。