【香港半島酒店Staycation優惠+住宿報告】入住豪華客房+早餐+Felix黃昏晚餐！每位連服務費低至HK$1,760/位！另設早餐連香檳暢飲套票！
【香港半島酒店Staycation優惠+住宿報告】入住豪華客房+早餐+Felix黃昏晚餐！每晚連服務費低至HK$1,760/位！另設早餐連香檳暢飲套票！
近排香港半島酒店 The Peninsula Hong Kong聯乘KKday推出咗最新2款套票！大家可以由即日至2022年9月20日預訂，可於2022年9月17日至10月2日入住！
套票包括一晚豪華客房、連早餐再加Felix黃昏晚餐，一晚連服務費低至HK$3,520起，除返開每位只需要HK$1,760！另外亦有套餐係包早餐加2小時香檳暢飲，每晚房價為HK$3,168！
相信去開Staycation嘅朋友都知半島酒店喺絕對喺性價比高，服務、環境、食物等方面都非常好。今次有優惠就唔好錯過喇，記得度好日子先book啊～
【香港半島酒店 The Peninsula Hong Kong】KKday優惠詳情
優惠一：半島住宿禮遇｜入住豪華客房連早餐、Felix黃昏晚餐
- 預訂日期：即日至2022年9月30日
- 入住日期：2022年9月17日至10月2日（個別日子不適用）
- 詳情及預訂網址：https://bit.ly/3qIW7T6
- 優惠價錢（已包加一）：HK$3,520
- 豪華客房住宿
- 享用大堂茶座半島早餐
- 入住日於Felix享用黃昏晚餐（用餐時間由下午5:30至晚上
7:00） - 前菜可選香煎鵝肝、熟成蘑菇湯；主菜可選伊比利亞豬肩脊 / 香煎吞拿魚等；甜品為冧酒雪糕
- 取消政策：取消訂單，將收取所有實際產生費用
優惠二：半島住宿禮遇｜入住豪華客房連早餐、Felix 2小時香檳暢飲
- 預訂日期：即日至2022年9月30日
- 入住日期：2022年9月17日至10月2日（個別日子不適用）
- 詳情及預訂網址：https://bit.ly/3qIW7T6
- 優惠價錢（已包加一）：HK$3,168
- 豪華客房住宿
- 享用大堂茶座半島雙人早餐
- 入住日於Felix享用2小時香檳暢飲（用餐時間由晚上10:
30至晚上00:00） - 取消政策：取消訂單，將收取所有實際產生費用
【半島酒店。味遊半島】度假禮遇親身體驗分享
呢次單止係我第一次入住香港半島酒店，仲係我第一次行入半島。唔知算唔算大鄉里出城，都三十有多居然今次係第一次行入半島。今次訂嘅係歷史新低價「味遊半島」$2,682 staycation package （已連加一）。
唔知咩原因，今次嘅入住比較感性，體驗上可謂震撼心靈。有啲似去旅行走去睇遺跡啊入教堂果種感覺。老實講未入住前我個人對半島品牌無咩特別好感，亦覺得咪又係一間酒店，只不過係價錢貴過人咁解，奢華品牌都叫做住過無十間都有八間我諗體驗上都係差唔多嘅啫…不過到訪過後我睇法係有啲改變。香港半島酒店對作為於香港長大嘅我嚟講係獨一無二嘅。2020年酒店業災難式生意下滑，價錢跌到去現時呢個震撼價…實屬可悲。
今次寫嘅入住體驗好多嘢想寫，而酒店都有好多細節可以寫，不過我就著量寫下，更多嘅位留返俾你去「開箱」。
入住半島準備Preparation
入住半島的話建議可以睇下酒店嘅歷史，見証住香港嘅興衰繁榮與變遷而酒店都有跟住時代變化注入新元素。感性mode入住，那怕你是住最平最低級別嘅房間都別有一番體會。Dress code我自己係smart casual，有披返件jacket，著返條長褲帶返隻靚啲嘅錶去入住嘅。可能多餘，個人喜好啫。
你要睇返酒店歷史當然可以google，或者懶得睇嘅可以去到酒店先睇佢果本「半島美學」，我深夜時份花了半小時去細味，感受良多。眾人所知2020年係香港歷史轉列點，於歷史級酒店過夜，看著維港反思過去諗諗將來，今日有嘅香港半島風情未知日後如何變遷，可能因而慨嘆但都享受下當下感受。
借用書內一句說話：美是一種意識，一個人本概念，一條主觀同時客觀的哲學命題，但它始終和人的感受分不開。
美的主觀客觀我都講唔清楚，以下都係好片面嘅「我的感受」，其他留返你自己去感受吧！
半島酒店－呢本嘢非常建議睇下，希望令你入住多咗重心靈感受
Checkin及Afternoon tea
正常為3pm checkin但我訂咗2:15pm下午茶，所以2pm就到酒店。一入門口其實有啲嚇親，因為入面好多人…checkin個位都有10幾20組人排隊…感覺有些少混亂。無法，價錢平咗多咗人住，星期六2pm入住高峰都可以理解。決定先食tea再攞房。
去The Lobby（食tea間餐廳）問一問，預訂的afternoon tea餐廳滿座，而職員都早有預備問我要唔要去樓上間露台餐廳到食。當時我心諗咁Q多人係到等食都係玩自己，最後答應到樓上食。對我嚟講係無選錯，樓上靜好多都有啲風景可以睇下。食物質素我就覺得唔錯，比我預想的好食（文內有圖😆）
食完後約三點半去返前台。Surprisingly人龍居然消散咗，不得不佩服職員嘅效率，我有數返原來同時有5-6個櫃位做嘢，所以即使有人龍但都清得好快。味遊半島個package會係check in時點埋你in-room dining食乜，tick完就可預約埋晚餐幾時送。
半島房間
今次入住526號房。半島有分高低座，低座為1928年落城嘅建築物，而30層高座（Tower building）為90年代擴建落城嘅樓層。我住526就係經過半島正門會見到有兩個「露台」位嘅其中一間。個露台聽講以前係開到，呢加當然係封咗只係裝飾嚟。
正常高樓層個view應該會好好多，但係我個人覺得住底座又無乜壞，於半島入住歷史建築別有一番風味。本身最平package只包邊位房，我住呢隻叫「中庭房」正面向維港，check過貴$100，想住返呢隻嘅可以留意下。
房間裝修係我一入門果下真係已經嘩咗出聲，最平房型都好靚。事前我無睇過任何人寫的入住報告或相片，本身我以為會係Conrad/港島香格里拉/JW Marriott HK果種老派經典風格，但完全超乎我想像房間用上大量黑色鋼琴色木裝修非常modern，睇返資料應該係2012左右有做過房間翻新。而房間保養得好好同感覺非常乾淨。比較遺憾係浴室風格會比較舊，唔係嘩嘩聲咁靚但我自己覺得可以接受。
房內好多設備都好amazing，有nail drying machine，仲有影印fax機，音響都好好。最amazing係佢部touch panel 真係好好用，可以order DVD, room service, 控窗簾, 光暗, 選台, almost everything 。堅係好貼切到住客嘅需要。
有一點都提返因為房間隔局為相連房，隔音上好似差咁啲，我係房到會聽到隔嚟房啲人講嘢。
半島酒店中庭房－夜景
半島酒店In-room dining
7:30pm預訂嘅嘢食就到咗，全部都唔差中西式都好食。我本身唔好甜食但兩個甜品都好美味令我都多吃了幾口。最差嘅係麵包，都幾硬，無乜誠意。兩個人食建議中西各樣都試下，menu上全部都值得試。
半島酒店－In-room dinner (味遊半島個餐)
半島早餐
會係大堂The Lobby用餐，10點落去食都唔覺多人，環境非常好感覺好嘆。點餐早餐嚟（I love it much more than buffet）有中西選擇，個人口味嚟講正常早餐我會叫中餐但佢個西式早餐個名叫「半島早餐」，改個咁嘅名初次入住無得唔揀啦…另有鮮果汁order，質素高但我都無謂吹到佢飛天，總括嚟講係普通材料但整得好食。必定要一提係個環境真係無得彈，係半島The Lobby食早餐都係一種體驗嚟。
半島酒店－The Lobby早餐
Overall嚟講，$2682唔係平，但我覺得值。洗咗啲錢都希望你可以獲得多啲感受。香港人的品牌半島酒店唔係浪得虛名。
半島酒店入住相片
半島酒店－酒店外觀
半島酒店－半島著名Rolls-Royce車隊，據說現時酒店有14架
半島酒店－睇房之前，特登搵返個則你睇。地方非常之大，好似平啲嘅酒佔啲套房咁
半島酒店－豪華客房
半島酒店－豪華客房
半島酒店－豪華客房，有個廳仔招呼3-4個朋友無問題
半島酒店－睇唔睇到重點? 幻想一下你上床同落床，細心位之一
半島酒店－有無線充電…amazing
半島酒店－呢個control panel成間房有3個，超好用
半島酒店－入門玄關
半島酒店－衣櫃
半島酒店－浴室有點舊
半島酒店－樓底非常高
半島酒店－Amenity晒冷，我有啲surprise居然無梳，order的話我諗會有
半島酒店－茶具好靚
半島酒店－免費借DVD，你可以用個panel叫，好快就送上嚟
半島酒店－The Lobby，下午茶同早餐都係喺度食
半島酒店－Afternoon Tea
半島酒店－下午茶Menu
半島酒店－In-room dinner
半島酒店－先嚟個生果
半島酒店－普通嘅嘢但做得好食
半島酒店－The Lobby早餐Menu
半島酒店－8樓Swimming pool無開但有得去行下
半島酒店－游泳池
半島酒店－Sun Terrace，坐下hea陣都有人嚟serve水，amazing service
【香港半島酒店 The Peninsula Hong Kong】住宿優惠常見問題FAQ
香港半島酒店 The Peninsula Hong Kong最新住宿優惠推廣期去到幾時？
- 近排香港半島酒店 The Peninsula Hong Kong聯乘KKday推出咗最新2款套票！有個入住豪華客房連一泊4食嘅優惠都幾正㗎！可以由2022年6月10日00：00起預訂，可於2022年6月13日至9月30日入住㗎。
- 今次仲有個【星假日海鮮早午餐】住宿禮遇，入住日期為2022年6月18日至7月30日(星期六入住)，睇返大家嘅budget同餐飲喜歡去選擇～
香港半島酒店 The Peninsula Hong Kong最新住宿優惠有冇得免費取消？
- 香港半島酒店 The Peninsula Hong Kong最新聯乘KKday推出嘅【味遊半島四重奏】住宿禮遇及【星假日海鮮早午餐】住宿禮遇都係冇得免費取消㗎，記得度好日子先book～
香港半島酒店 The Peninsula Hong Kong最新住宿優惠要喺邊度預訂？
- 上返KKday網站預訂就可以，上文有提供網址！
訂房用咩卡訂好？
- 我建議online俾錢的就用HSBC Red，係酒店/餐廳俾錢的話就用Citi Cash Back啦！想知邊張卡適合自己嘅可以睇返現金回贈信用卡比較或者里數回贈信用卡比較！上網book定俾咗錢先的話就睇睇網購回贈信用卡！
用咩卡訂/於酒店俾錢好？
我建議online俾錢的就用HSBC Red，係酒店/餐廳俾錢的話就用Citi Cash Back啦！想知邊張卡適合自己嘅可以睇返現金回贈信用卡比較或者里數回贈信用卡比較！上網book定俾咗錢先的話就睇睇網購回贈信用卡！
Citi Cash Back信用卡
🎁迎新禮遇
- 暫時無
- PayMe增值/AlipayHK轉帳都計入迎新！
✅優點
- 食肆/酒店消費現金回贈2%
- 其他本地港幣簽賬現金回贈1% (連chok PayMe/Wechat Pay/支付寶HK都有啊！)
- 八達通自動增值1%
- 去食飯統一2%，唔洗擔心有時酒店自助餐某啲酒店餐廳唔計食肆少咗回贈
- 港幣支付外國註册商戶(如Expedia)沒有CBF收費
- 持續地都有Citi信用卡優惠
- 年薪要求HK$120,000都申請到
❎缺點
- 年薪要求比較高，要HK$120,000
- DCC無積分→里先生DCC解說
- ebanking網上繳費無回贈
- 無得儲里數
免責聲明：里先生努力保持信息準確。若任何信息與你到訪之金融機構、
滙豐Red信用卡
🎁迎新禮遇
- 優惠期：2024年11月1日至2024年12月31日期間
- 優惠期內成功申請滙豐信用卡，再經指定連結登記即可獲小泉成器離子平衡風筒或小泉成器負離子直髮器一個！
- 登記表格：https://grp.hsbc/CCAFFMMYHLPTC
✅優點
- 永久免年費
- 簡化回贈方式，無需登記，無最低簽賬要求，網上簽賬4%回贈！指定簽賬類別及海外簽賬都有1%回贈！
- 夠彈性，以「獎賞錢」RC形式存入，可以配合HSBC Reward+ App「賞付款」功能抵扣簽賬交易，亦可以直接轉換為里數或喺e-Shop換禮品／coupon
- 每月結單週期首HK$10,000網上繳費有0.4%回贈，市面上絕大部份銀行已沒有相關回贈
- 直接轉換「獎賞錢」至里數戶口免手續費
- Red Card Deliveroo 優惠
❎缺點
- 獎賞錢有效期於簽賬後最多2年，最少1年(按簽賬年度計算)
