【安信銀聯卡Apple Pay優惠】安信銀聯卡Apple Pay付款 可享3%現金回贈

安信銀聯卡都加到入Apple Pay喇！以Apple Pay 付款即可享3%現金回贈！今次優惠適用嘅銀聯卡包括 EarnMORE銀聯卡/WeWa銀聯卡/星旅銀聯卡。玩法簡單直接，唔需要登記，只要將安信銀聯卡加入至Apple Wallet並預設為付款卡，再係簽賬時憑安信銀聯卡以Apple Pay消費即享3%現金回贈。現金回贈上限HK$100，計番條數簽HK$3,333 就爆，加埋本身安信EarnMore卡每年首$20萬嘅2%回贈的話啫係有5%回贈！同東亞日有得比啊，相當唔錯。

優惠期由即日起做到2019年10月31日。趁安信有3%回贈加埋安信銀聯卡落去賺盡回贈添！

安信銀聯卡ApplePay3%回贈詳情

• 推廣期：2019年8月1日至10月31日
• 適用銀聯卡：EarnMORE銀聯卡/WeWa銀聯卡/星旅銀聯卡
• 現金回贈上限HK$100，簽HK$3,333就到頂
• →優惠詳情

將安信銀聯卡加入Apple Pay 教學

條款及細則

安信銀聯鑽石信用卡 Apple Pay 3% 現金回贈獎賞(「此優惠」)只適用於有效之安信 EarnMORE 銀聯鑽石信用卡及/或 WeWa 銀聯鑽石信用卡及/或星旅銀聯鑽石信用卡之持卡人 (「客戶」)此優惠之推廣期為 2019 年 8 月 1 日至 2019 年 10 月 31 日(包括首尾兩日)（「推廣期」）。

每個安信銀聯鑽石信用卡戶口於推廣期內只可獲享現金回贈獎賞一次，現金回贈獎賞金額上限為港幣$100。

合資格零售簽賬必須於推廣期內成功交易及於 2019 年 11 月 7 日或之前入賬。合資格零售簽賬指憑安信銀聯鑽石信用卡透過 Apple Pay 成功交易及入賬之流動非接觸式交易，合資格零售簽賬並不包括(但不限於)信用卡費用(包括年費、利息/財務費用、逾期費用、超逾信用額手續費、透支現金手續費及其他費用)、賭場交易、八達通自動增值、自動轉賬交易、任何金錢/電子貨幣轉賬 (包括但不只限於個人對個人(P2P)支付服務或流動裝置/應用程式/電子轉賬平台)/充值電子錢包、優惠套現、未誌賬/取消/退回/偽造之交易及所有未經授權之交易。所有合資格零售簽賬概以安信/銀聯國際界定之商戶編號釐定，並且不時作出修訂，而不作另行通知。安信對合資格零售簽賬有絕對酌情權及最終決定權。

現金回贈獎賞將於 2019 年 12 月 31 日或之前存入相關之安信銀聯鑽石信用卡戶口內，惟現金回贈獎賞於存入時其相關之信用卡戶口須仍然生效及信貸狀況良好及相關之 Apple Wallet 須仍然生效及與該安信銀聯鑽石信用卡相連。現金回贈獎賞不可轉贈、轉讓、退換或兌換現金。

於推廣期內以安信銀聯鑽石信用卡於香港蘇寧進行之任何零售簽賬均不適用於此優惠。

→詳細條款